論盡家傭今日: 0|主題: 133735

收藏本版

發帖

返回列表

跳至頁

樓主: flying0310

我呢個時間表係咪好過份??要唔要加 bonus ? [複製鏈接]

carriesyeung

大宅

積分: 1798

1^#

發表於 16-2-11 06:40 |顯示全部帖子

回覆：我呢個時間表係咪好過份??要唔要加 bonus ?

淨係睇呢個時間表，都大慨知道樓主平時係咪好小做家務？有好多細節野，你睇得太簡單

1) 同大仔沖涼時間會唔會太小？準備衫褲，放水，著衫，小朋友有時會扭下計，倒水，收返啲沖涼用品果啲都要時間。

2) 工人食飯時間會唔會太小？

3) 你想像中NB 真係食完訓，訓完就食？沖奶時間？換片時間？洗奶樽時間？蒸奶樽時間？掃風時間？食奶時間？
煲熱水，又要保持有室溫水，時間要掌握得好好。唔好忘記，有時NB 2~3 個鐘已經要食奶，真係喂得來，掃得風來，洗下奶樽已經下一餐奶。你未湊過nb 可能會覺得：「下？入啲熱水去熱水壺渣喎，係熱水壺按啲熱水出黎渣喎，都唔使三分鐘有幾難呀？」無錯，到你湊既時候你就知道，你就係連呢三分鐘都無！
仲未計突發野，嘔奶，漏尿，爆屎果啲要換過哂啲衫呢？佢唔肯訓，要人抱呢？當你要抱時，以上所講既係完全做唔到。

4) 你真係覺得你媽媽返左黎你工人真係可以咩都唔使做係房訓教？伯母真係完全不會指派工作？

5) 有小朋友既，每日吸塵拖地抺地是必須要的，唔係話你而家無做開，所以就唔使佢做，因為NB 始終容易受細菌影響身體。唔可以老人家話「我地以前都唔使甘啦」，以前啲菌邊有甘勁？而家係 2016 年啦。再者，你嫂子甘潔癖，有可能嗎？請得工人，當然要盡力將清潔做好，減低小朋友生病機會好過，寧願將洗衫，買送果啲時間縮減。

6) 請得工人，真係屋企每個人都仲繼續肯自己收衫自己著？你必須要知道，只要其中有一個家庭成員要佢做，佢都要時間做。

7) 本身時間表已經好密，我真係唸唔到工人仲邊有時間加插果啲一星期一次，兩星期一次果啲工作。

8) 除非你工人真係好熟手，如果有啲做野慢既，煮飯點止一個鐘？你呢個時間表到時完全係over run!

9) 我見你用人地c6 比幾千蚊個老婆都做成日果啲比喻，我真係好驚訝！人地講緊係屋企人服侍屋企人，工人只係一個打份工既人，點可以甘唸？你係老闆，為左間公司每日只得兩個鐘頭訓教都甘心情願，但如果你係員工，每日訓小兩個鐘你都唔制啦！

10) 最後，你呢個配搭都幾難請到工人。

暫時睇到係甘多。