出面太多資訊,有真有假,有誇大有扭曲,有你唔想相信嘅,亦有唔到你唔相信嘅,日日見住數字冇可能話唔心煩唔驚,特別係家中有老有嫩有病者嘅,作為移民嘅我地,不如喺呢個火星為自己打打氣,努力保持平衡時空繼續向正面方向前行;忽發奇想,不如大家每日喺呢度講吓正面嘢,分享困境之下點樣可以保持心境平和,又或者講下有趣事,就算呻下屋企嘅隊友點激你,講下小魔怪點樣令到你疲於奔命,等大家知道其實we are not alone!等大家有力量面對所有家務/work from home/home learning/困獸鬥。。。
冇錯,我地控制唔到其他人,只可以做好自己。我十幾年前SARS時仲喺香港,情況同而家好似,當時晚晚睇住新聞d數字,感覺係這麼近那麼遠,我有同事住淘大要隔離,好彩佢一家都冇事,當時提議過老細work remotely行A B team, 佢地話我太杞人憂天,咁多年後又要經歷多一次,仲要咁凶狠添。不過向好方面諗,可能係個天要我地反思下將來條路要點行,亦俾機會我地停落嚟欣賞下生活中嘅小恩喜。