sumlam 發表於 17-12-8 22:07
陶瓷我都想玩,但諗過屋企燒唔到,砌完唔燒好似冇用,你玩陶瓷係咪出去學,我見淘寶有部超迷你陶瓷機,其 ...
陶瓷屋企唔夠大盞搞,我係出去學,老師提供陶泥拉坏機同油彩加代燒,佢教室有兩個窯,一次過燒好多件,要排好放入去,再燒好多個鐘,佢要長期開冷氣降溫,多年前工作室火燭,老師就搬去第二個地方再開,另外佢有工場喺大陸做陶瓷生產。我移民前學咗好幾年,都有好多成品,送咗唔少俾人。
我知有D低溫陶瓷係可以屋企大焗爐燒,不過唔同玩法,老師嘅教室要有一定面積,因為要放拉坏機又要放窯,仲要有位儲存陶泥,有位放架俾陶泥天然風乾,整一件作品唔可能一次就得,要搓/拉仲要等半乾再加工,之後上色,先素燒一次,再重覆燒第二次至完成,家居玩嘅home kits都有得賣,但多數係已經係半製成品,用家只係畫花上色再燒。
花旗太太生活在花旗國,留意時差,你問我未必即時答到。