眼訓 發表於 20-7-9 06:50
我都知冇乜可能封省,連加拿大國都阻止唔到Alaska居民經陸路往返,想死咗條心,但d省政府又成日講話self ...
講防毒消毒抗疫恐慌講咗40分鐘>>> 我都有呢D朋友,佢地話唔出街,連買食材同外賣都係用宅配,佢地投訴收得貴(因為好多都要收額外運費附加費),食材有D嚟到後唔新鮮,雪藏冰鮮嘅嚟到解咗凍,等到半夜三更都未送貨,貨到要放後園三日消毒。。。大佬呀,而家唔係得你地一兩家架,有求就有供,咪就係因為需求大但供應緊,所以就會有價錢升同人手不足問題,叫佢地出去自己買,佢地話好驚,我好想話如果未來三五七個都冇疫苗,疫情唔變壞但唔變好,咁佢地要點過?有D已經有少少抑鬱/精神衰弱,更有成日呻老公點衰仔女點難教,其實又點會淨係女人辛苦,男人同細路要困喺屋企咁耐都忟啦。
美國呢邊係由細到大教要自律誠實,所有機制都建立於自動自覺上面,呢次疫情,有人唔肯戴口罩,覺得成個疫情係政治騙區,我反應除咗係O嘴,其實都幾欣賞佢地夠坦白,呢D好明顯會俾人反白眼嘅回覆都唔怕講出嚟,俾個服字佢地。
呢兩日我同老公聽校區town hall meetings(有7個咁多),校區總監提到會制定健康機制,每日返學時要申報,病嘅唔好返學,心諗有冇咁天真?
1)而家話有D人係冇病徵架,越多社交接觸就越多機會傳染
2)個機制係強制嗎?唔知,要學生自行申報的話,平時都有自私家長唔理,將有病仔女帶返學,而家要全校探熱先俾入學校?個個排排齊入學校之前探熱?邊個負責?好啦,要排幾耐至入到學校?
3)返學時,中間有冇制定要學生洗手消毒?又邊個負責?邊個確保做到位?
4)返學要搭巴士點算?而家每架巴士唔可以載多過一定人數,以我仔學校為例,全校接近二千一百個學生,唔駛多,一半要搭巴士,一千多個學生點搞,要幾多架巴士?幾耐至返到學?巴士上面有咩安全機制?
5)七除八扣咁多工夫用咗喺消毒防疫上面,其實有幾多時間教學?學生老師又幾有心情學習?
我見留言嘅意見入面大部份都係擔心安全同健康,唔只學生,老師同職工嘅健康都係大問題,唔少教咗好耐嘅老師已經上咗年紀,佢地係高危果班,要佢地返學的話,無疑要佢地冒險,我女中學已經有個職工提出退休,佢係好有經驗又好好嘅輔導員,但如果我係佢都會選擇退休。
有部份家長不斷要求開課,同時又要求學校保証有安全機制同有人負責妥善執行,我好明白,但將個責任推俾老師同校方又是否公平?當然我知唔可能一世停課或網課,但如果而家爆得咁犀利都堅持復課的話,我會自行唔俾仔女返學。
花旗太太生活在花旗國,留意時差,你問我未必即時答到。