你嘅意思即係你睇咗政府例如賽馬會，幫你染咗空腹血糖，爆錶？你嘅意思的爆錶即係幾多？如果你真係睇政府嘅話，我提醒你，高處未算高。

我一個好好嘅朋友嘅媽媽（60歲左右）剛剛發現自己糖尿，完又係佢去睇牙醫想植牙嘅時候，比牙醫拒絕，就係因為拮手指，六個鐘頭冇食嘢都14 。

咁佢即刻去睇賽馬會啦，空腹血糖都係14 ，咁排期見係糖尿姑娘係2024年，驗血就係三個月之後，你可以參考吓。我老竇試過血糖20入急症室，穩定返之後，都係慢慢排期嘅咋，不過就有得睇政府嘅糖尿專科囉。糖尿病係一個幾十年嘅戰鬥，係唔會有即時嘅治療，除非你睇私家。

私人傳訊回覆引用

金黑街矇

子爵府

積分: 11005

51^#

發表於 23-8-18 23:22 |顯示全部帖子

sjnl43 發表於 23-8-18 21:55
回覆金黑街矇的帖子

你幫我分析下, 第1次話未驗糖化色素, 但我血糖爆標

所以如果坐立不安，就去睇私家，即刻攞晒所有數據，開咗第一次藥，然後攞住數據同埋藥單去政府再睇，賽馬會啲醫生就唔理嘅，照開返一模一樣嘅藥俾你就算，我同我朋友嘅媽媽都係

咁我唔覺得有問題，一分鐘一個症你想佢做咩啫，咁難得有封信俾佢跟住開藥。咁留意番，糖尿藥如果係新藥呢，政府係冇嘅，咁就會開嘅單俾你自己俾錢出去買，社區藥房嗰啲會平啲。

同埋糖尿嘅私家醫生呢，都好熟悉啲病人係會去政府同事睇，同事攞藥嘅，你好open咁樣同佢講就可以㗎喇。

咁當然我唔知你嗰個所謂爆錶係爆乜嘢啦，如果係空腹到20你就直接入急症室，如果空腹係14即係等一兩年啦～

私人傳訊回覆引用

金黑街矇

子爵府

積分: 11005

52^#

發表於 23-8-19 14:17 |顯示全部帖子

本帖最後由金黑街矇於 23-8-19 14:17 編輯

sjnl43 發表於 23-8-19 13:10
我空肚12度, 個醫生loop極都個句, 你好大機會糖尿

抽多次血再驗confirm 下啦, 就無再打黎

你未講，你去睇政府醫生？

12一啲都唔高，你call都無用，你都冇任何即是危險。再等驗多一次血，例如「兩個鐘頭飲糖水驗血」。

講多一次，俾個參參考你，一個月之前，我朋友嘅媽媽60歲左右，空腹血糖14新症，藥糖尿姑娘係排到2024年的年中嘅。

你想有人即刻call返你，就去睇私家，糖尿科嘅私家。

但係我更加建議你積極減肥，戒口，做運動你呢個數字就算俾你見完醫生，佢都唔會開咩藥俾你，除非私家。

完～

私人傳訊回覆引用

金黑街矇

子爵府

積分: 11005

53^#

發表於 23-8-19 14:21 |顯示全部帖子

babyboy2013 發表於 23-8-19 13:29
我以前睇過醫生，抽血驗到糖化血紅素超標，開過藥俾我。藥丸算係大粒一日一粒。後尾我無睇，我係篤手指o ...

超標即係幾多？

一粒大嘅白色藥丸就係Metformin，即係最一線嘅藥，自己買大廠都係兩蚊一粒，但係咁梗係要經醫生。

你可以去賽馬會睇街症，俾返醣化血色素嘅報告佢，佢應該會安排你再抽血，然之後就開始滾返落去成個系統裏面（抽血、睇報告、開藥、抽血、睇報告、睇吓使唔使調藥、見糖尿姑娘….）

私人傳訊回覆引用

金黑街矇

子爵府

積分: 11005

54^#

發表於 23-8-19 22:48 |顯示全部帖子

babyboy2013 發表於 23-8-19 18:41
謝謝你，我唔記得超幾多，只係記得個醫生話擲界，如果減到肥應該會正常返（可惜還沒有成功），但空肚篤手 ...

你好，如果只係擲界，咁就唔係超啦，放心喎！

其實呢方面政府都做得好好，如果你提出你以前曾經有糖尿或者責界，佢都會幫你驗血，只不過係如果有糖尿病，個療程係會慢少少，同埋都真係好主要係減肥、運動。

m字頭白色大藥丸唔似係自費藥，應該係Metformin。因為你本身都冇糖尿病，唔會開真係比糖尿病人嘅藥物你，所以更加談不上自費。如果你三個月複診一次嘅私家，只係$1500 ，就更加唔係食緊「自費藥」，嗰啲講緊係20幾蚊一粒（陳豪代言果隻Xigduo 要$26）你諗吓三個月嘅藥要幾多錢？點會收你$1500。

既然你係唔想食藥，就積極減肥、戒糖、運動，係冇其他方法～

私人傳訊回覆引用

金黑街矇

子爵府

積分: 11005

55^#

發表於 23-8-19 22:54 |顯示全部帖子

sjnl43 發表於 23-8-19 19:26
係呀, 我係政苦, 菜馬會到睇

好担心

唔使擔心呀， 12真係唔高㗎，當然唔係健康啦，但係其實只要減糖分好容易跌番。同埋如果你飲食方面好難控制（例如我午餐一定係要出街食，打工仔，唔係人人可以帶飯、煮飯）咁就唯有由運動開始入手。

我好初期嘅時候都係睇賽馬會，佢哋都係俾咗另外一位姊妹講嘅白色大藥丸我啦，然後都係叫我減肥、戒糖。但係一個疫情，搞到我一發不可收拾（我承認我有撒賴嘅～）咁而家努力返囉。所以唯有先去燒銀紙睇咗私家，判斷左症，攞咗藥單，我都有去返賽馬會睇，如果到穩定返，我諗我可以斷咗私家添～淨係嗰隻自費藥要俾錢，其他食政府藥。

做運動啦，真係得㗎！

私人傳訊回覆引用

金黑街矇

子爵府

積分: 11005

56^#

發表於 23-8-20 01:58 |顯示全部帖子

sjnl43 發表於 23-8-20 00:16
多謝你耐心, 我有位大叔朋友, 問多兩句, 開始出粗口,佢係老糖友

呢幾個月情緒好差, 臨老黎要我改生活習慣 ...

我初初發現自己有糖尿病嘅時候都情緒好差，但係後尾學習左一啲改善的方法，例如都係嗰句，做運動，尋找一啲替代而又好食嘅食物。咁醫生亦都教我最緊要係延遲併發症嘅發生（即係唔好壞到個腎、唔好有糖尿腳、唔好糖尿上眼）同埋醫生都覺我放假係好緊要嘅，即係今日真係要同朋友出街食飯，食到超晒標，咁聽日會早一日苦行僧，和返條數。否則，心情會好差。

當你第一次發現自己嘅數據有改善，係好開心㗎！你到時嘅負面情緒就會冇晒，就好似你第一次考第一，你好希望下一次考試你都在考第一！但係呢個真係要付出嘅，無論忍口定係運動

希望你會成功，等你第一次嘅報喜！