少年成長

收藏本版
發帖
返回列表
跳至頁

首頁
1

尾頁
   211
MicMicMandy


別墅

積分: 536


1#
發表於 09-6-28 20:46 |顯示全部帖子
Hi Sandra,

我1歲大BB返1個月經常尖叫，好頭痛！我可以容忍BB哭；但很怕他大叫，我已開始有少少神經衰弱，有時連瞓着覺都會有幻覺佢係到叫，我特別怕佢係在公眾場所大叫，我會即時頭昏腦脹，甚至會胃痛。我發覺BB好attention seeking，我估佢可能引人注意/想表達一d野。我都嘗試過ignore佢/幫佢講出佢想表達的事，但佢重係繼續大叫，試過成個火車站的人都望住佢；同一間餐廳的食客都搖頭怕咗佢。早幾曰我終於忍唔住用間尺打佢隻手，佢其實唔係因為痛喊，可能見到我好惡，於是大喊停止尖叫。雖然好似有少少効，因為佢有時想再尖叫，我會提佢「打手手」，佢好似會稍稍降低叫聲，但我心裡其實真係好唔想用呢個方法，亦知道並不長遠解決，只是唔知可以用咩方法教佢，勞煩你俾D意見我。
私人傳訊

MicMicMandy


別墅

積分: 536


2#
發表於 09-6-29 18:24 |顯示全部帖子
原帖由 SandraLo 於 09-6-28 23:41 發表


MicMicMandy :

如你肯定他是attention seeking, 就算是用耳塞, 也要忍！因為他錯誤地以為尖叫就可以得到你的反應去理他, 所以除徹底ignore之外, 別無他法！而你鬧、惡或打佢, 只會令佢學識惡、鬧人同打人！
你睇咗点讚 ...



Hi Sandra,

多謝你的意見。不過我發覺ignore呢個方法係街實行有困難。今曰我約咗外公午飯帶埋佢去，可能上午睡得唔好，中午佢一到餐廳已唔耐煩。我已事先餵飽佢，仲帶定零食比佢，事関佢最鐘意見到其他人用膳就大叫。點知佢一見我地食野，理唔到佢，加上佢又唔鍾意架坐係架pram入面停係到，佢就開始尖叫，我想用ignore既方法，但佢仲大叫，其他食客開始唔耐煩地望住我，我就即時唔食，餵佢食零食，初時都稍有効，我讚佢乖，但一停就再尖叫，到佢稍停我都已經爭取時間再讚佢，點知未讚完佢又再大叫到塊面都紅晒，叫到連阿外公都爭D忍唔住想打佢一下手仔，我控制唔到局面，又唔可以自己走咗去，只好狼狽；好尷尬咁離開，帶佢返屋企，佢沿途架pram稍停下來，佢都繼續叫，我返屋企後只能將佢盡快放落床，関門由佢叫，而自己只能躲在房內哭了一場，真係好無奈！究竟係咪佢太細，唔清楚我讚緊佢邊D行為？一話我係未掌握到Ignore + 讚的方法之前都係應該避免帶佢去公眾場所？
私人傳訊

MicMicMandy


別墅

積分: 536


3#
發表於 09-6-30 18:39 |顯示全部帖子
原帖由 SandraLo 於 09-6-29 23:26 發表


MicMicMandy :

查實一個普通(冇尖叫) 嘅bb出街, 都唔會話可以全程可以自己坐响度唔嘈, 點解你會覺得佢可以？係之前一向都得淨係今次嘈？
bb由第一次尖叫到依家, 相信已叫了無數次並成功地引起你們的注意, 要改正這個 ...


Hi Sandra,

我當然明白BB出街唔會完全安靜，佢自從8個月左右，坐車仔停得耐都會發出「唔唔」聲，不過唔太干擾人，我都會容忍佢，但慢慢發展到去尖叫，而且係斷斷續續近20分鐘，加上其他人都好唔滿意咁望住我，我就用唔到ignore既方法，以前試過即推走佢出去一陣，但返去餐廳不久又會再叫，所以都係索性帶佢返屋企算。我認同ignore方法有用，因為我係屋企試咗兩日，都見到D成効，但真係唔知點係街用呢個方法教BB而又唔干擾到別人。
私人傳訊

MicMicMandy


別墅

積分: 536


4#
發表於 11-3-28 17:40 |顯示全部帖子
Hi Sandra,

我的兒子兩歲8個月，嘗試過用Ignore 加讚去改善他一些壞的行為, 例如吃飯時不停拍檯踢腳、大聲尖叫等似乎出現了反效果。我通常會先Ignore他，一般都有效令他稍改善，但好奇怪，我一讚他，他就刻意繼續壞行為，我怕只同Ignore唔讚又會令佢養成唔理人的態度(佢本身已好「自我」)

另一難題就是近日稍有不滿就打人，包括我和daddy都打。例如，今早起床後他要我開門給他離開睡房，因我正收拾他的尿片，我告訴他要等一下，他就立即打我；我罵他「不可以打媽媽」，他更還以尖叫，我們為此好唔開心。有時會用Naughty Conrner 去令佢calm down 2 mins, 我會要佢say sorry 之後，再重申不可打媽媽，通常佢都會講，但他當然只是想快離開便隨口說吧，過一會又會因其他不滿想打人。由於他打人的次數愈來愈多，我和daddy試過打他手版，他當下會表現驚慌，可能會乖一會，或想打人時會收斂一下，但我們知道不該如此，又實在不知如何處理？ 求教！
私人傳訊

MicMicMandy


別墅

積分: 536


5#
發表於 11-3-30 18:55 |顯示全部帖子
實在謝謝妳的寶貴意見！
私人傳訊

MicMicMandy


別墅

積分: 536


6#
發表於 11-4-6 19:01 |顯示全部帖子
SandraLo 發表於 11-3-29 22:40
MicMicMandy :

你應該在他一坐低, 未開始叫時就讚他, 即壞行為未出現時就要讚他！你說一讚他他便刻意繼 ...

Sandral,

這個星期嘗試了替小兒說出他心中所想，例如「你想媽媽幫你...；陪你...」，他用手打人的情況的確少了。但如不「立即」滿足他，他卻仍用口說「打媽媽/打爸爸/打XX..」去表達稍不合他心意的事。試過連看電視，他不喜歡節目的人物/情節，他都要說「打媽媽」。我已嘗試立即更正他說「你係唔係唔鐘意剛才的節目人物...而不想是打媽媽」他說是，但不足數分鐘，他一遇到不滿又再說「打媽媽」。由於每天他說這個字的次數實在太多，真好難使用「讚」。我覺得他好像是把「打」這個字去表達不滿/唔開心，但教過無數次，佢都依然如此。雖然我知佢並非存心去打人，但若不改善，他很難和人相處及溝通。他甚至會將「打」和「痛楚」混餚，例如他見我/別人跌倒/受傷，我告訴他好痛，他會打我，真教我不知如何是好？

他近日還多了一招，就是不停是扭計，有部份好難Ignore。例如：扭唔換衫；唔去廁所；唔刷牙，由於早上時間稍緊張，再ignore會延誤到daycare。 有無方法可改善？通常將近黃昏時，如當日午睡欠佳，他就會不停扭計，例如今天承諾了給他冰條，他吃過後要求再吃，我說「今天已吃過，明天可以再吃。」他不高興，當然又說「打媽媽」。我告訴他「你只是想吃冰條，唔開心現在不可以吃，並非想打媽媽」。他不停說「想呀...吃呀...」我ignore他，但不一會，他就要扭另一件事，「吃粒粒(Vitamin C 糖)」因當天已吃過，不可多吃我就用重覆的方法回應佢，當然他又重施說打.. , 他又再繼續找其他東西扭，如此類推，足足扭了大半小時，佢發覺言語扭唔到，就開始用手攪廚房的櫃，引我注意，爸爸正於此時回家，他又再重申扭之前項目，還擲玩具，實在好想佢冷靜一下，於是我叫爸爸請佢去Naughty Corner冷靜2mins。邊哭邊企之後，爸爸都解釋他被罰的原因。我知他累了，叫他洗手吃飯，又再扭及哭鬧，忍無可忍下我將帶他入睡房，唔開燈，關了他在房2mins, 他大哭，但之後就肯主動洗手吃飯。我是否錯用了Ignore 方法？我記得你說過要ignore件事，但由於佢連連不斷地扭，最後我好似不能避兔ignore了他，勞煩妳給我一些意見。
私人傳訊

MicMicMandy


別墅

積分: 536


7#
發表於 11-4-8 19:29 |顯示全部帖子
SandraLo 發表於 11-4-6 23:16
MicMicMandy :

你囝囝好明顯是attention seeking, 而你就中招！佢好鍾意講「打媽媽」, 係因為每次講呢幾 ...

Hi Sandral,

巳看過你所寫關於「讚」的Topic，可能我並不是「被讚」中成長的一代，實在有些不太掌握應用，不知是否理解恰當。我今天嘗試以讚去改善他唔換衫的行為，效果不錯。我在要換衫前就讚他：「BB自己懂得自己穿褲子，可以穿得好好，好叻架！」我著他坐下，他就好乖穿了。(平時他常說唔穿這條/將兩條腿刻意穿在一褲管唔合作)，跟住還好合作學穿衣。他吃早餐亦好乖，吃完還自己把杯碟放到廚房去，我又大讚他。早上首1小時多都表現好。到我要清洗碗碟時，他拉我到客廳想我陪他玩車，我著他等一下，完成會跟他玩，他就立即說「打媽媽」，我就不作聲、不望他回到廚房繼續洗，他見我不理睬他，就改為大聲呼「媽咪！媽咪！...」我唯有重申洗完碗碟才可跟他玩。他無奈地自己到飯廳弄這弄那。他一整天每次說打媽媽時，我都是以這個態度對待他(不理他/行開)，是否正確？

其實要以讚再減少兒子說「打媽媽」/打人的壞行為，是否要等到他即使發嬲仍能不說「打媽媽」先讚？還是盡量讚他一日中「其他好行為」，到他有壞行為就ignore佢呢？
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見