吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 開始想放棄個女

少年成長今日: 2|主題: 15865

收藏本版

發帖

返回列表

跳至頁

查看: 29916 | 回覆: 23

開始想放棄個女 [複製鏈接]

小魔女bb

大宅

積分: 1870

1^#

發表於 15-11-12 10:43 |顯示全部帖子 |倒序瀏覽 |打印

個女今年讀小三，年頭生咗個仔，升咗小三後，叫親佢幫下手做小小野，佢都同我講：唔得！叫佢拎個玩具比細佬，佢話：唔得。就黎考試，叫佢做練習，佢話：唔得。好多野佢都話唔得，嬲到我有次同佢講，以後佢同我講野，我都會話：唔得。最近啲態度越黎越差，成日發我脾氣，我叫佢執返好自己啲野，叫咗成十分鐘都係坐係度望住我，然後我再講時，我話：你快手啲啦～我要準備吸塵啦～佢就話：我咪執緊囉～嬲到我頭出煙，有次叫佢執時，佢發脾氣，整到啲野好大聲，我話：得，我唔使你執，你放低，隨即拎個垃圾袋出黎裝起哂佢，我話：你唔願意執，咁唔該你掉咗佢！隔咗幾個鐘，我話：我比一次機會你，你一係依家執好佢，我沖完涼之後仲見到，我就幫你掉哂佢。咁佢就死死氣執！有次食飯時，佢訓咗覺，我叫醒佢食飯，我問佢：你食幾多飯？佢望住啲送，睇緊有咩送咁，咁我要餵細仔食，我再問多次，佢發脾氣話，我咪睇緊囉，我同老公呆咗，你眼望我眼，然後我話：你同我離開張枱，佢望住我，我話：你走，我唔使你食，即刻同我行開。佢仍然望住我，我再講一次：走呀～佢就坐係sofa度喊，我嬲到冇同佢講野，當晚老公整個杯麵佢食，佢第二日訓醒好似冇事咁同我講野，我都唔想彩佢。然後第二晚又係同樣態度，好似我欠咗佢咁發我脾氣，然後我話：你再咁既態度，你講一句，我就打你一巴，打到你態度好為止。我開始好討厭個女，我覺得玩係冇問題既，有時會你追我遂咁，但佢有時講講下野唔夠我講，就動手打落我度，嬲到我死，當然我都有打返佢，叫佢拎功課比我睇，佢會話之你，講極都唔彩你，問我拎錢買野，我唔比，佢就用手打開我個啲袋，銀包，我當時真係好想係街兜巴打埋去，但當然冇咁做。我同老公都話佢呢啲野唔知係邊學返黎，我唔係好想下下都打佢，但語重心長咁講，佢根本唔聽，發脾氣講，佢條氣又唔順，佢好似當我係家姐多過似呀媽咁，都唔知點教佢好……攪到我開始想放棄佢！我好多時都好想買條騰條返黎打佢，但又怕打得多，仲越難教，又怕比人告虐兒，溫柔對佢，佢又當你病貓……唉～

0 0 0

私人傳訊

小魔女bb

大宅

積分: 1870

2^#

發表於 15-11-12 11:57 |顯示全部帖子

引用：她可能覺得你只愛弟弟, 只照顧弟弟, 不理她

原帖由 JessicaElla 於 15-11-12 發表
她可能覺得你只愛弟弟, 只照顧弟弟, 不理她了, 所以便用對抗的方法來引你關注, 引你的照顧.

建議你可以用 ...

謝謝妳，其實我都怕佢咁諗，所以佢有要求，我都會盡量做。例如佢想帶飯，咁我每朝就整個靚便當比佢帶返去，做啲咩兩個都會有份，佢都會同我分享下佢啲野，係唔知點解有時啲態度會咁。好似心情好就對你好啲，總之你理佢，管佢既野，你講多句就嫌你煩，發你脾氣……

私人傳訊

小魔女bb

大宅

積分: 1870

3^#

發表於 15-11-12 12:01 |顯示全部帖子

引用：宜家D細路好早就有反叛, 更何況宜家多左個

原帖由 lovestarry001 於 15-11-12 發表
宜家D細路好早就有反叛, 更何況宜家多左個細佬, 佢更加會反抗得勁啦

三年班, 話細唔細, 話大唔大, 但係都 ...

我覺得我既耐力已經用盡，以前一年班，佢唔聽話，我都會同佢落街行下，傾下計，但依家佢啲態度令我唔想再同佢講野。有時好聲好氣教佢，佢啲眼神就瞪住我，嬲到我試過一巴打埋去。我覺得自己已經唔識同佢溝通，我有啲想放心機去個細仔度就算

私人傳訊

小魔女bb

大宅

積分: 1870

4^#

發表於 15-11-12 12:02 |顯示全部帖子

引用：小朋友進入反叛期者，你睇睇特首個女，你就

原帖由 aquariusbl 於 15-11-12 發表
小朋友進入反叛期者，你睇睇特首個女，你就會覺得呢D野其實好小事。。。加油！ ...

咁希望我個女唔會好似佢個女咁

私人傳訊

小魔女bb

大宅

積分: 1870

5^#

發表於 15-11-13 08:27 |顯示全部帖子

引用：加油呀樓主\"我覺得自己已經唔識同佢溝通，

原帖由 YY55 於 15-11-12 發表
加油呀樓主

"我覺得自己已經唔識同佢溝通，我有啲想放心機去個細仔度就算"

謝謝妳

私人傳訊

小魔女bb

大宅

積分: 1870

6^#

發表於 15-11-13 08:33 |顯示全部帖子

引用：感覺你女好抗拒你，你亦好抗拒個女，你同個

原帖由 ckat 於 15-11-12 發表
感覺你女好抗拒你，你亦好抗拒個女，你同個女關係好緊張

溝通上，大家可唔可以改變形式，其實你越鬧，佢越 ...

其實佢有時好奇怪，例如佢放學返黎，佢會同我講學校既事呀，但可能兩個鐘後，佢啲態度會突然唔同哂，同佢講野，佢會發脾氣咁既態度對我。唔知佢攪嘜，好似我老公昨晚見佢成十一點都唔訓，就問佢：你明天要唔要返學？因為佢今日放咗假，咁佢正常答要就得，但佢唔出聲，望住個爸爸，我老公再問時，佢話你問下媽咪，然後我老公就好正經咁話，依家你返學，我問你，你答我就得啦，做咩要我問媽咪，依家返學果個係你。其實冇人鬧佢，但佢就發脾氣走上張床度……

私人傳訊

小魔女bb

大宅

積分: 1870

7^#

發表於 15-11-13 08:46 |顯示全部帖子

引用：Quote:原帖由小魔女bb 於 15-11-12 發表個

原帖由 maggiekeung527 於 15-11-12 發表
首先樓主係未有重男輕女的思想？
你好似從來沒有欣賞及讚美下你個女，佢點解會發脾氣，原因在于做左家姐後 ...

我冇重男輕女丫……其實已經經常讚美佢，佢自己溫書成績好時，我會獎勵佢，佢成績唔好時，我叫佢下次努力。細佬係佢想要，我地商量過，因為兩邊家族都係得佢一個小朋友，所以我地先生多個，其實佢要求既，我地都盡量做。你話佢唔乖，又唔係，佢都會幫手湊細佬，有時幫我手整野，咁我亦會同以前一樣，同佢去玩下，參加唔同活動。我唔係果啲溺愛孩子既媽媽，我要孩子自己執好自己既野，整理自己既野，要佢自己獨立。同時我亦好民主，我會比小朋友發揮自己既意見，例如出街食飯，我會比佢揀食咩呀咁，但唔知係咪自由度太高，導致佢好似慢慢唔識尊重我。例如佢話想帶飯，咁我上網搵啲得意既圖整便當，咁我問佢呢個好唔好，但佢一句答埋黎就係：你識整咩～我當時聽到個人有小小嬲嬲到，我覺得佢唔係好識尊重我。咁我就話：既然你認為我唔識，咁我放棄算啦～唔知點解，有時真係連鬧都廢事。我同我老公冇嗌交，所以大家都唔明，佢呢啲態度係邊學黎

私人傳訊

小魔女bb

大宅

積分: 1870

8^#

發表於 15-11-13 08:59 |顯示全部帖子

引用：Quote:小魔女bb 發表於 15-11-12 10:43 個

原帖由 bosch 於 15-11-12 發表
我大仔7歲有時都係咁，態度差左，有時要鬥智鬥力。

而家d 細路好多都係受軟唔受硬，佢做人家姐無耐又想你 ...

你所講既方法我都已經試過，佢湊細佬有時係湊得幾好，但可能始終小朋友，佢會因為細佬攪亂檔而鬧佢，嫌佢煩，咁佢開頭鬧兩句，我都會由佢，但佢不停鬧時，我都會好溫柔咁講：家姐，好啦～細佬唔識嘛！唔好再鬧啦，比次機會佢啦～佢最開頭幾次態度唔好，我都有講過，下次唔可以再對住我呢種態度，但佢仍然咁，例如前日食麥記，一路都冇野既，咁佢食兒童餐都係配粟米，然後我買咗之後，佢發我脾氣話，我咪話要薯條囉，你比個粟米我做咩呀～佢啲態度好似當我係妹仔咁，做錯野就鬧，然後我話：哈～係咩～冇聽到丫！跟住我老公就出聲，話：媽咪之前咪講咗你唔可以咁既態度囉～其實啲態度都係好溫柔，然後佢又好唔滿意咁發脾氣食野。跟住我都冇理佢，我連講野既力都冇。我女唔止對我係咁，有時對我媽，對我啲親戚都係咁，所以我已經成日比人鬧，話佢越黎越冇禮貌，總之依家順佢意咪開心笑對你，唔啱佢心水就發你脾氣

私人傳訊

小魔女bb

大宅

積分: 1870

9^#

發表於 15-11-13 09:06 |顯示全部帖子

引用：Quote:原帖由小魔女bb 於 15-11-12 發表個

原帖由張馮於 15-11-12 發表
用一些輕鬆語調表達你對她的愛和欣赏，譬如說弟弟還在賴屎賴尿，照顧他有幾麻煩，如果妳幫到我就好了...... ...

佢都會幫我照顧細佬，等我可以休息下，但就係啲態度令人無法接受，所以令人好頭痛。試過有次同朋友吃飯，兩家人約八個左右，有碟送上枱，咁正常個個都係會第一時間夾送，但我個女當下講：搶咩呀搶，冇得食咩～佢當時坐係我隔離，我即時問佢：你講咩呀？你點可以咁冇禮貌，我果陣勁尷尬，真係嬲到我想打佢一巴，但係街度，我又廢事傷佢自尊心，所以我都唔知點，呢啲說話，都唔知係邊學……

私人傳訊

小魔女bb

大宅

積分: 1870

10^#

發表於 15-11-13 09:24 |顯示全部帖子

引用：雖然三年級看似大個女，但其實可能你高估左

原帖由 yannietimb 於 15-11-12 發表
雖然三年級看似大個女，但其實可能你高估左佢接受細佬既感受，我之前懷有第二胎時，幫我仔做訓練既老師不停 ...

呢個我都有諗到，所以當我個女話想要個細佬妹時，我都同佢傾咗好耐，話細佬妹出咗世，可能會同佢爭玩具，要花多咗時間係佢度，但佢一直都ok既，由我懷孕經常嘔，入醫院檢查呢啲，我個女都一直陪住我，咁細佬出咗世，要打針果啲，佢都主動陪，平時會搶住推車，佢都話佢好鍾意細佬，會同佢分享玩具。咁當然都會嫌細佬喊時好煩，但我睇得出，佢呢啲態度唔關細佬事，所以我先好煩惱。佢間中會去我媽咪度訓一兩晚，咁試過有次買送，我媽叫佢幫手拎野，佢拎咗袋好輕既，咁佢話想買益力多，我媽就同佢買啦～買完比錢時，佢只係拎個益力多，其他全部唔肯拎，咁我媽話：如果你唔肯幫手，咁我唔買啦～佢就話：我有錢，我咪自己買囉～我媽嬲到全程唔彩佢，叫我接返佢走，然後我上到去，我又佢講道理，話佢知，比錢佢袋住係想比佢旁身，而唔係咁樣……佢當時只係一路喊住話知道，然後我話：你今晚係度訓，你要同婆婆道歉，直到佢原諒你，你先好返屋企！有人話我咁做唔好，但我角度係，小朋友做錯咗，佢要自己面對，如果我當時帶佢走，即係幫佢逃避問題，我覺得佢應該用佢自己既方法去氹返個婆婆，要佢知道有人嬲佢係咩感覺。我只係唔明，到底佢呢啲野係邊度學，點解會咁。溫柔講過唔聽，惡都試過，係咪真係要打先會聽話啲呢？

私人傳訊

小魔女bb

大宅

積分: 1870

11^#

發表於 15-11-13 09:32 |顯示全部帖子

引用：我的兒子從學說話開始，就喜歡說反話，我覺

原帖由張馮於 15-11-13 發表
我的兒子從學說話開始，就喜歡說反話，我覺得他只是玩著說，不須太介懷，每次提醒他不對便是了。他的脾性比 ...

我個女細個都係咁，有時仲會作個故事出黎，我成日話，唔係真既唔可以講。依家佢都會同我地鬥氣咁，問佢野唔答，一次唔答，兩次唔答，由好聲好氣問到發脾氣先答。然後依家仲要啲態度極差，有時我問佢野，佢會發悔氣既態度：咪講咗囉～又問。問佢執咗書包未，佢會好惡好大聲咁講：咪執咗囉。唉～攪到我都唔想同佢講野，明明大好心情都會比佢攪到勁差

私人傳訊

小魔女bb

大宅

積分: 1870

12^#

發表於 15-11-13 09:43 |顯示全部帖子

引用：花多啲時間，俾啲耐性照顧阿女，可能會有意

原帖由 Po_yee 於 15-11-13 發表
花多啲時間，俾啲耐性照顧阿女，可能會有意外收獲
突然多左個弟弟，分左媽媽既愛，而媽媽又成日發脾氣，所 ...

謝謝妳，我就係已經唔識同佢溝通，好似我叫佢拎功課比我對，我講完之後，佢會扮聽唔到，或者聽到唔做，結果我由六點叫到九點，佢都唔拎，我都唔想同佢講野。佢唔聽你講野，佢覺得好似冇問題咁，佢仲可以行過黎同你有講有笑，然後你一提佢拎功課出黎對，佢就走開囉～佢做緊功課時，我拎起佢本作業，我話呢個唔啱呀～你要改改佢呀～佢會一手搶咗本作業話：咪攪啦～攪我啲野做咩呀～。又試過我問佢拎功課對，佢一野掟過黎比我，或者飛過黎比我，然後仲可以笑笑口咁。我嬲到問佢呢啲係咩態度，佢就呆咗望住我，然後啤住我。我係度諗，我係咪對佢太溫柔呢？有家長叫我打下佢，所以我成日爭扎買唔買騰條返黎，我同老公都唔希望棒下出孝兒，想用道理去令佢明白，但佢好似只係越黎越唔尊重我地咁

私人傳訊

小魔女bb

大宅

積分: 1870

13^#

發表於 15-11-13 09:53 |顯示全部帖子

引用：亞女咁回應又係怪左 D, try 下講野語氣輕鬆

原帖由 YY55 於 15-11-13 發表
亞女咁回應又係怪左 D, try 下講野語氣輕鬆 d, 下下好正經, 有 d 細佬唔受

btw, 細佬宜家幾大? ...

細佬就黎八個月。其實我地個家庭都係輕鬆，有時佢都會串下我，玩下既，咁我都接受到，可能因為我同老公都後生，大家都係咁。但我個女同我玩玩下時，會突然動手打我，好似玩玩下遊戲，佢輸咗，佢試過笑笑口一巴打埋黎，咁我同老公都會呆咗，然後就會好正經咁同佢講，呢啲行為唔得。我明白細路仔有時會樂極忘形，所以我同佢講返就算，唔會責罵佢。但我發覺，佢依然有時唔夠人講時，或者玩輸咗就發脾氣，動手呀咁，依家仲要啲態度咁，我老公話佢小三已經咁既態度，遲下都唔知點想像……

私人傳訊

小魔女bb

大宅

積分: 1870

14^#

發表於 15-11-13 10:01 |顯示全部帖子

引用：Quote:原帖由小魔女bb 於 15-11-13 發表其

原帖由 ckat 於 15-11-13 發表
可能佢唔係好識點回應，亦都唔想答（有d迴避問題），所以佢答問媽媽。

佢可能理解成爸爸責備佢，所以佢發 ...

謝謝妳……其實我已經由十點叫佢上床訓，叫咗佢四五次，到十一點，佢爸爸見佢仲坐係廳，所以先同佢講野。咁佢係嬲一陣就冇野既，佢發脾氣返咗上床就拎個電話出黎整囉，然後十一點半，我話你仲唔訓，咁佢就笑笑口望住我，唔出聲……我冇鬧佢，我直接熄燈訓算。有時都唔知點從何入手黎對佢，溫柔同佢講，佢好似當你玩咁，認真小小就覺得你鬧佢……我又怕我唔出聲，佢會覺得自己可以任意妄為，所以好頭痛

私人傳訊

小魔女bb

大宅

積分: 1870

15^#

發表於 15-11-13 10:15 |顯示全部帖子

引用：我咁睇, 小朋友係你面前犯錯, 無禮貌, 的確

原帖由 YY55 於 15-11-13 發表
我咁睇, 小朋友係你面前犯錯, 無禮貌, 的確令父母尷尬

不過正因為你見到, 先有機會教, 有機會幫佢

我當時都冇係人地面前鬧佢，都係走咗之後，回家途中講返話咁樣講野唔啱，話好冇禮貌既一件事，我唔知佢明唔明。有好多時佢做錯野，如果我唔係當時人，我都會解釋返比佢聽佢係咩唔啱，咁佢對我態度唔好時，有時會我老公出聲囉，因為我一出聲就會鬧，所以我都盡量忍，但有時都會火遮眼，鬧佢同打佢，咁比人鬧，佢就會喊架啦，但唔知佢明唔明自己錯咩。你話唔打開唔好打，我都明白，但又有媽媽話，依家唔打唔教，遲下想打時仲難，所以我都好亂，不過我老公都唔贊成打，可能我地細個成日比人打啦～所以有時都冇所適從，佢做啲野冇原因，佢可以同細佬玩玩下突然鬧佢，就好似人地話鬼上身咁，所以對住佢呢個問題好頭痛。

私人傳訊

小魔女bb