吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 關於小朋友情緒問題

自由講場今日: 143|主題: 1304371

收藏本版

發帖

返回列表

跳至頁

樓主: janetling

積分: 741

1^#

發表於 18-5-11 13:00 |顯示全部帖子

回覆樓主:

樓主，妳可以講多少少小朋友嘅情況？我自己大仔本身都有情緒問題，不過我一路以嚟有社工幫手，我自己又會去聽講座，同埋睇書，尋求唔同方法去幫小朋友。亦學咗唔少技巧回應小朋友，依家雖然未去到最好情況，但係有效果同睇到小朋友慢慢有進步。
我相信你嘅小朋友並唔大問題，只係依家有D小朋友好多時唔被明白或了解，所以會有行為問題。係情緒上疏導唔到由行為表現出嚟。係一個signal話俾大人知，佢好辛苦！
所以如果喺字眼上回應哩類小朋友要有技巧，要讓佢哋感覺到我哋明白佢。方法其實好簡單，好似一個小朋友因唔小心跌爛咗一樣嘢，當然佢唔會開心啦

私人傳訊

jacksiuyi

別墅

積分: 741

2^#

發表於 18-5-11 13:06 |顯示全部帖子

jacksiuyi 發表於 18-5-11 13:00
樓主，妳可以講多少少小朋友嘅情況？我自己大仔本身都有情緒問題，不過我一路以嚟有社工幫手，我自己又會去 ...

哩個時候唔好否定佢嘅情緒，要先企喺佢位置，只要回應：哦，你好唔開心，因為唔小心整爛咗個Xx。＝＝＞哩一句就已經可以令小朋友感到你明白佢嘅心心頭，再嚟可以抱吓佢攬吓佢。
以上句子其實可以應用於唔同情況同埋人物上，就算大人都好需要被明白了解。所以學咗說話嘅技巧，再加以運用，一定會睇到效果咖！
當然仲有唔同嘅說話技巧啦，以上只係其中一種，如大家有興趣我有時間可以同大家分享吓成功嘅Case。

私人傳訊

jacksiuyi

別墅

積分: 741

3^#

發表於 18-5-11 13:46 |顯示全部帖子

vyvy 發表於 18-5-11 13:31
謝謝你的提醒，有用

介紹妳睇一本書《火星人媽媽求生術》，我剛睇完，依家睇緊另一本算係下集。
哩本書係由一位本地媽媽教育自己個仔嘅心路歷程，同佢用唔夠半年時間去教好咗個好難攪嘅仔。當中有教授嘅指引，有媽媽以前同依家嘅心態轉變，唔同方法，仲有個仔以前點難攪，到被馴服」嘅情況。
我睇到好有共嗚！
亦因為明白了解多咗個仔，我睇嘢睇得深咗闊咗好多！所以希望妳都有所得著。
亦請記住一點，冇父母一出世就識教小朋友，唔好自責或氣餒，要相信自己一定要教得好自己小朋友，同時要俾信心個仔佢一定可以變好！
加油，共勉之！

私人傳訊

jacksiuyi

別墅

積分: 741

4^#

發表於 18-5-11 17:53 |顯示全部帖子

Jasmine-4711 發表於 18-5-11 16:30
火星仔係正常但Sen？

Um... 個人唔係太鐘意Label係咩類形嘅小朋友。我自己個仔都做過評估，醫生就評為比同年紀嘅小朋友專注力弱同聽指示弱。
佢由K1開始有駐校社工幫手做遊戲治療，到k3遇到一位好好嘅班主任，佢用嘅方法令我睇到自己個仔根本一d問題都冇，仲好聽教。對比以前2年嘅時候，真係好大分別！所以我好相信每個小朋友都係可以聽教，只係我哋用咩方法。
然而上到小一，問題又開始嚟，因各種因素，我又開始要正視個仔嘅問題。其實除咗學校，家長本身都真係要花心機同時間去多了解自己小朋友，要搵一個試適合小朋友嘅方法去引導佢哋。

私人傳訊

jacksiuyi

別墅

積分: 741

5^#

發表於 18-5-11 23:27 |顯示全部帖子

mandysio 發表於 18-5-11 20:21
會唔會試下當佢dum地個時，問下佢咩事唔開心。或者有咩事？之後再話，下次再有咩事可以點做。
...

將心比己，當你有情緒時，有人問你咩事，你果吓嬲緊憫緊會唔會答到？
其實小朋友同大人一樣，要俾佢哋知道可以有情緒，哩D絕對係好正常嘅事，問題係我哋應該引導佢哋點樣表達，當然其中一樣就係發脾氣，但要比佢哋知道發脾氣唔係好嘅方法。
樓主個仔情況雖然唔知咩原因而有以上行為，不過有一樣嘢好肯定係佢有好多嘢屈住。原因好多時係小朋友不被明白，或者因各種原因感到有壓力。應該樓主個仔係剛上小學或小二，家長要比較敏感小朋友哩個階段嘅情況，多主動搵學校老師了解。
要處理小朋友情緒問題，最好係先安撫咗，讓佢知道有人明白佢嘅心情，再嚟先引導佢講出原因。

私人傳訊

jacksiuyi

別墅

積分: 741

6^#

發表於 18-5-11 23:32 |顯示全部帖子

Jasmine-4711 發表於 18-5-11 16:30
火星仔係正常但Sen？

本帖最後由 jacksiuyi 於 18-5-12 01:10 編輯

補充返少少：火星人一書中嘅火星人其實當初去做評估被評為低智力，但其實佢係好聰明嘅小朋友。最後好好彩遇到一位火星教授，火星人媽媽再配合上家長課，令火星人喺半年內有好大轉變。我覺得好啱所有家長睇！
而我係因為一個朋友介紹下睇哩本書，因為我個仔都同火星人有D相似。
書中有唔少火星人嘅說話，真係好精警，亦會令人發人深省！
有時間睇吓，可以去圖書館借嚟睇。

私人傳訊

jacksiuyi

別墅

積分: 741

7^#

發表於 18-5-15 23:54 |顯示全部帖子

carmenc026 發表於 18-5-15 23:48
多謝你介呢本書，真係好有共鳴，睇到唔夠一半已經喊左，我見到我自己同個仔,呢大半年不停揾方法幫個仔，進 ...

唔好客氣，我相信父母們都好努力，都錫自己小朋友，可惜我哋有好多時都會唔知用咩方法教育佢哋。面對小朋友其實我哋都係白紙一張，咩都從新再學！
妳講得好啱，其實要好教小朋友，父母必先要調較好自己情緒，要小朋友有正面情緒，就由父母做起，身教也。
唔好盲目認為小朋友出現情況問題就歸疚於佢哋，其實大人無形中已經影響緊佢哋而不自知。
如果妳睇完火星人媽媽求生術，可以睇埋火星人媽媽新發現，可以算係下集，我依家睇緊。
另外仲有D正向說話嘅書，不過我未睇，到時睇完可以分享俾大家。
共勉之！

私人傳訊

jacksiuyi