Baby Kingdom - 親子王國 香港 討論區 › 首頁 › 少年成長› 2歲4個月，還未識講說話

少年成長

收藏本版
發帖
返回列表
跳至頁

首頁
1

尾頁
   1
HoWangMami


子爵府

積分: 11033


1#
發表於 04-11-2 13:04 |顯示全部帖子

Re: 2歲4個月，還未識講說話

各位MAMI,我都知道BB唔講野係好擔心,因為我都係過來人!或者我可以分享下我的經驗
我囝囝2歲時都一樣只懂說一些單字,如媽媽,爸爸,奶奶,車車等,而且我家姐的仔仔又係說話評估比同齡小朋友慢了一年,所以我對我囝囝的情況都有留意,所以在2歲時便由健康院轉介到兒童評估中心做評估,那時囝囝約有2歲半,當時評估中心的姑娘見到我的小朋友,便和他做一些遊戲,如分大小,叫佢拿起一些東西,叫他上下樓梯,原地跳等,之後便說他的情況不是太壞,各方面如大小肌肉都冇問題,到最後見醫生,他便問我小朋友一些日常的事情,如比個公仔和床佢,問佢個公仔想
私人傳訊

HoWangMami


子爵府

積分: 11033


2#
發表於 04-11-2 14:35 |顯示全部帖子

Re: 2歲4個月，還未識講說話

HOHO1105
N1時因為係插班,而且學校只不過係我家附近的的一些普通幼兒園,所以都只係見下佢,問佢一D好簡單的問題,如叫咩名,但我個仔全程都有答過佢,其餘就多數同我講,不過D老師都好好,話小朋友唔識唔緊要,返學就好好多架啦,叫我唔駛擔心!
到K1面試時,佢都係唔答問題,個老師都係問我佢識咩,平時做咩咁,但都收!當時我個仔好好笑,因為佢唔識答問題,每次人地問佢叫咩名,佢就跟住講咩名,咁我就同佢講唔係,人地問你叫咩名你要答我叫灝宏咁,佢真係跟我講,不過就全部都跟,即係答"咩名唔係我叫灝宏'(當時佢已經返左約3-4個月N1,所以都可以講一D短句或跟我講)當時佢見左3 間,3間都收,所以我想都唔駛擔心,D老師會了解的,不過如果係一D好出名的學校我就唔知道啦,因為可能要求唔同!
URAN
唔好客氣,只不過小小經驗大家分享下咁LOR! :wink:
私人傳訊

HoWangMami


子爵府

積分: 11033


3#
發表於 04-11-3 09:54 |顯示全部帖子

Re: 2歲4個月，還未識講說話

iris_yu_him
我都係經健康院轉介的,D姑娘見你好似有問題就會同你講不如見下醫生啦!見完醫生,如個醫生都覺得有問題就會同你轉介,不過我見過另一頁的MAMI寫過話有時D醫生會拖你,叫你等下咁,所以如果真係覺得有問題就叫個醫生轉介你!
HOHO1105
大家都係MAMI,知道如果BB有問題實擔心的,如果自己知道的,同人分享下都係小意思0黎,唔駛咁客氣啦!收到個BB香吻,好SWEET SWEET,多謝晒! :-P
其實我都唔係次次都可以有時間打咁多,因為昨天老闆唔係到,冇王管,先可以講咁多
私人傳訊

HoWangMami


子爵府

積分: 11033


4#
發表於 04-11-4 10:26 |顯示全部帖子

Re: 2歲4個月，還未識講說話

HOHO1105
唔好擔心啦,小朋友都係咁,不過佢打你就真係唔係幾好!
我個仔當時都係坐唔定,又要走來走去,佢的專注力又係差到極,叫佢唔好,就扭計,不過就冇打我!
其實有個方法都OK,以前個仔細的時間,佢都會有打人或打我的時間,佢地都係冇意識的,只係唔滿意就打人,所以當佢打我時我就打番佢一下大力D的,咁佢又會再打,我就再大力D打番佢一下,一直到佢停手或因為打佢痛喊為止,跟住同佢講你打人,人地會同就好似我打你一樣痛,咁係唔好的,以後唔好打人啦!初時都有時會忙記的,試多幾次佢記得就唔會再做!我都係咁對我個仔,可能會好似有D唔係幾好,但我個仔到現在已經唔會再打人啦,如果接受,可以試下! :-P

私人傳訊

HoWangMami


子爵府

積分: 11033


5#
發表於 04-11-4 15:21 |顯示全部帖子

Re: 2歲4個月，還未識講說話

HOHO1105
我初初都以為我仔有過度活躍症,但D朋友話如果有過度活躍症的小朋友會好誇的,我仔都未算!
我個仔由BB開始就已經郁身郁世冇時停,11個月佢已經識行,係完全唔駛人扶果隻,就算睇電視,佢都會係張SOFA到爬上爬落,有時就走來走去,又週圍攪野,從佢開始識行,到可以伸手取東西開始,佢就冇時停,試過一次係BB床"COME"落地,當時佢2歲未夠,我廚房有個欄係欄住唔比佢入去廚房的,但佢有本事用2隻腳指,夾實個欄條柱,"COME高想爬入去,雖不成功,但我都好佩服佢LOR
最初返N1時,老師話佢好坐唔定,專注力唔夠,不過我好彩遇到個好老師,佢話好多小朋友都有咁情形,叫我唔好擔心,比D時間個仔,佢會好轉的,到讀完N1,老師話佢有進步,已經可以坐定5-10分鐘LA,我都唔知好嬲定好笑!
放完暑假,返K1(轉左校)佢又唔記得左返學要點LA,返學約1星期老師話佢唔鐘意坐,要行,就算話要罰,都冇咩大反應,態度係好冇所謂咁,到依家返左2個月LA,佢仍然都係坐唔定,有時聽老師講,有時就唔聽,不過D老師又係好好,佢話如果唔太騷擾,佢都可以比佢行一陣的
好在到依家老師都冇投訴,仲有就係可能一開始我已經同個老師講,我個仔有D語言發展慢,可能有時有D小朋友應該明白的,佢未必會了解,咁老師都好體諒,知道佢情形,盡量幫我仔.
至於好返,HA...HA,佢重來都未好過,到依家佢都係咁,不過可能對我講的說話開始明白,所以有時就收歛D咁LOR!
重有一樣唔記得,就係由細到大,佢都唔會訓好耐,最多1小時,就算幾個月時都係咁,但依家返而放學後可以訓2-3小時喎 ?-(
私人傳訊

HoWangMami


子爵府

積分: 11033


6#
發表於 04-11-6 11:03 |顯示全部帖子

Re: 2歲4個月，還未識講說話

hoho1105

恭喜你喎!!都叫你唔好咁擔心啦,而家ok放心晒啦!
我冇比個仔去協康,只係去左政府咋! :lol:
私人傳訊

HoWangMami


子爵府

積分: 11033


7#
發表於 04-11-9 14:57 |顯示全部帖子

Re: 2歲4個月，還未識講說話

HOHO1105
好高興聽到你仔有了改善,小朋友真係用時間同心機大架,有時想偷雞都唔得!

我仔昨天又目言語治療師,治療師話佢今次都有進步,有成20分鐘係坐定同佢玩,佢都好合作,今次又係用D咭問佢有關圖片中的事情,答中就可以玩釣魚,咁囝囝都算表現OK,但之後又開始唔專注要走,仲走左去玩櫃,咁個治療師就輕輕打了他手板一下,咁佢就望住同個治療師講,唔可以玩櫃,會夾手架,所以個治療師就同我講,其實佢好多野都知道,從頭先例子就可知一二,但佢本身明知唔可以,但都要去做咁依D係佢性格,鐘意挑戰你,睇你個底線去到邊,所以你要用比別人多D的耐心去對佢!
係學校佢成日走來走去都係其中一個挑戰,但係學校會比較難對佢,因為始終老師要照顧多D小朋友,唔可以集中對佢,所以佢會比較放肆,而家要做係加長佢專注力的時間,希望下次再有進步LA!
私人傳訊

HoWangMami


子爵府

積分: 11033


8#
發表於 04-11-10 10:41 |顯示全部帖子

Re: 2歲4個月，還未識講說話

HOHO1105

你仔又係鐘意玩櫃門,我個仔都係,佢仲會配音,開門就BBBB咁,刪門又係BBBB咁,叫佢唔好玩,佢就停一陣,過一陣又再玩過LOR,不過我發現佢通常悶果陣先會咁,如果同佢玩佢就少D咁LOR,仲有佢有時將2本書擺地平放,將2本書當門咁開合,又係配埋音的! ?-(
私人傳訊

HoWangMami


子爵府

積分: 11033


9#
發表於 04-11-11 10:13 |顯示全部帖子

Re: 2歲4個月，還未識講說話

HOHO1105
其實果陣我都有問過醫生,佢係唔係有活躍症,但個醫生話佢唔係,只係比較活潑好動,鐘意用身體去感受新事物,唔算係活躍,如果真係活躍果D,勁好多架!
真係好LA,因為管教我仔又係要份外有心機,所以遇到一個好老師,有心機真係可以安樂D,我仔之前返N1又係遇到個好老師,好明白小朋友心理,知道小朋友坐唔定,但都好有耐性咁同佢講,要乖要點咁,所以返左半年,仔仔真係學左唔少野,不過到仔升班時,個老師就唔做LA,幾可惜!不過個仔而家轉左校,好彩個老師又係好好人,咁我先放心D! :-P
我仔仲有好多攪笑野,好似佢坐屋企D村巴咁,開門時個到門會響,又係B.....咁,佢見到就學果到門,每次開門佢就B....,有一次個司機認得佢,就問佢你次次都B.......,下次A.....得唔得架!
私人傳訊

HoWangMami


子爵府

積分: 11033


10#
發表於 04-11-17 09:48 |顯示全部帖子

Re: 2歲4個月，還未識講說話

HOHO1105
要做咩特別訓導呀?我都想知下,睇下我囝要唔要做,會唔會好貴呢?
hoho1105 寫道:
for all :
我仔昨日做評估,評估專員肯定我仔要接受特別訓導,話我仔好自我很活躍而不夠專注.唔做訓練會影响學習及日後踏入社會也有影响.佢話我仔唔專注唔肯學習影响日後入校園.佢話e家多數都因後生不促問題而收得就收.但對小朋友係無幫助.在活動教學模式上課只令我仔開心,但沒有解決問題.佢舉例:出來工作要做好工作至可收工.佢話我仔無時停唔受管束. :cry: :cry: :cry: 我知日後我更辛苦,個仔都係
私人傳訊

HoWangMami


子爵府

積分: 11033


11#
發表於 04-12-16 10:14 |顯示全部帖子

Re: 2歲4個月，還未識講說話

URAN
我仔果時都係等左成10個月先排到期同佢做言語治療,咁在等的時間我只有同佢早D返學,咁佢讀左都真係好左好多,而且多D小朋友佢地冇佢地自己的方法去溝通,唔好太擔心啦!
或者咁,我係個仔做言語治療時學左D點樣教佢講野的技巧,你可以參考下!
1.幫佢加長D說話,如佢只講食,咁你就同佢講要食咩,如佢想食餅,咁你就教佢,XX(名)想食餅
2.同佢玩煮飯仔,等佢多了解日常生活的詞語,如起床,要摺被,被擺係床度,而家去煮早餐,今日火腿同蛋,要開火煮,煮好要擺在碟上,用餐具去食等,在這過程中已可學會好多日常的生活用語
3.用咭,用一D有關連的咭,如火車同路軌,花同花瓶,BB同BB床,電筒同電芯等,要佢做配對,配好就同佢講,原來火車係路軌上行的,咁漸漸佢就會知道一D物件的關係了

以上都是我仔言語治療個姑娘教佢,現在佢上了大約5堂,個姑娘都話佢進步左好多,希望可以幫到你!
私人傳訊

HoWangMami


子爵府

積分: 11033


12#
發表於 04-12-17 11:28 |顯示全部帖子

Re: 2歲4個月，還未識講說話

URAN
唔好意思,語言治療師每次都主要係用口同佢地講,我只係記住,咁返到屋企可重覆練習,所以係冇講義架!
不過通常佢地第一堂都主要觀察小朋友的表現,找出他們的興趣,吸引佢地注意力,咁先可以做到治療,就好似HINHINMUMMY寫的每個練習最首要條件就係先要吸引小朋友注意,這是好重要的,我個仔因為專注力不足,好多時只坐一陣就走開,所以頭果2堂個治療師都係睇下佢有咩係吸引佢的,結果佢發現我仔好鐘意玩吹肥皂泡,咁就每次都要佢先坐好做完所有的練習才可玩,我仔而家由最初唔坐定,到而家都可坐係度有20分鐘倒,治療師話已經有了進步,希望可以慢慢再加長D,咁佢就會學得快D啦!
另外,有好多小朋友初返學時都係咁,等佢慢慢適應就得,放心交比老師,佢地會有經驗處理,唔需要太擔心的!
私人傳訊

HoWangMami


子爵府

積分: 11033


13#
發表於 04-12-17 14:11 |顯示全部帖子

Re: 2歲4個月，還未識講說話

URAN
我係排政府架,都等左成10個月先到,我都唔多清楚邊度有治療師可介紹給你,SORRY,幫你唔度TIM,你可以去下特殊教育那邊,可能資料會多D,幫度你到唔定!
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見