吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 自願放棄公屋大單位，仲被迫除名

自由講場今日: 201|主題: 1303735

收藏本版

發帖

返回列表

跳至頁

樓主: Mabelline

積分: 79

1^#

發表於 19-5-21 18:45 |顯示全部帖子 |倒序瀏覽 |打印

是咁的，本身我、細佬、父母、祖母五人住緊一個五百幾呎公屋單位，後來祖母過身，細佬買咗私樓除名，淨返我哋三個人本來係要搬去細啲嘅單位，但由於父親年過六十，係豁免於寬敞户條例之下無需遷出。最近我雖然結咗婚，但老公因工作關係長期不在港，當佢一唔喺香港我就會返娘家住以便照顧兩老，我又有個伴，所以基本上我住喺娘家多過我老公屋企，而且我自己名下亦冇物業，所以我婚後冇喺公屋戶籍除名，不過房屋署果份資產審查我亦如實報自己係已婚。
最近我父母就話好想搬近啲我細佬，咁就主動同房屋署講話可以放棄自己嘅大單位搬細啲，希望可以調配到我細佬嗰區嘅公屋。房署初初話唔得，後尾因為證明到我爸爸有病要親人照顧所以話可嘗試處理。之後房署發現我已婚，就問我點解唔除名，我答佢因為我真係大部分時間同父母一齊住。佢話唔得我一定要除名，如果唔係就唔會幫佢哋處理調遷。我解釋點解唔除，係因為如果得返佢哋兩個名就會被安排最細嘅單位，如果有我個名，起碼係分配一間三人嘅單位俾我哋。講真，住開五百幾呎點會想住百幾呎，仲要我真係長期同父母住，俾個二人單位我哋嘅話我真係瞓廳都無位。房署話唔可以，同我講一係佢哋唔好申請調遷繼續住本身五百幾呎嗰個單位。其實點解佢哋寧願我哋三個住一個咁大嘅單位，都唔肯放寬個條例俾我唔除名調一個三人嘅單位俾我哋。大家知唔知邊度可以睇到房署條例，係咪白紙黑字我婚後即使無物業都必須除名，因為佢而家淨係話我唔除名就唔幫我處理調遷事宜，冇話我咁樣做係犯法。再者我婚後一路都有申報自己係已婚，不過佢哋一路都冇查詢過我。。。

0 0 0

私人傳訊

Mabelline

洋房

積分: 79

2^#

發表於 19-5-21 19:18 |顯示全部帖子

回覆 bleeblee 的帖子

我明大家所講嘅野，而家問題係: 我爸爸已過六十，即使我除名，得佢哋兩個户籍，佢哋都有資格繼續住喺一個咁大嘅單位！房署寧願我哋霸住一個咁大嘅單位，都唔想幫我哋調遷一個三人單位(原因我必須除名)。我上嚟主要係想問吓大家，喺邊一度可以睇到相關條例(已婚必須除名)，我想睇到白紙黑字。

私人傳訊

Mabelline

洋房

積分: 79

3^#

發表於 19-5-21 19:19 |顯示全部帖子

回覆 maomaofafa 的帖子

係呀房署都係咁講㗎

私人傳訊

Mabelline

洋房

積分: 79

4^#

發表於 19-5-21 19:29 |顯示全部帖子

回覆 maomaofafa 的帖子

你知啦老人家係想住近個仔架喇！其實而家個單位有成三間房真係好好住。而家要除名調遷我真係唔洗返去住喇。。。

私人傳訊

Mabelline

洋房

積分: 79

5^#

發表於 19-5-21 19:30 |顯示全部帖子

回覆 newspaperhang 的帖子

多謝終於有我想要嘅答案了

私人傳訊

Mabelline

洋房

積分: 79

6^#

發表於 19-5-21 20:38 |顯示全部帖子

回覆 jesswu 的帖子

留意返，我唔係想要keep三房，只係想唔除名申請三人單位which = 2XX呎價房，比起而家嗰個係細一半。我除咗名，我兩老都可以住喺原本五百幾六百呎嘅大屋。

私人傳訊

Mabelline

洋房

積分: 79

7^#

發表於 19-5-21 21:09 |顯示全部帖子

回覆 MissUmuch 的帖子

一、好明顯我老公唔符合資格，我先唔加佢個名，唔係要人畫公仔畫出腸你先明？
二、我從來無話過房署唔公平！我淨係覺得佢蠢，佢寧願我兩老兩個人住六百幾呎，都唔想俾間二百幾呎嘅佢哋。如果佢要我除名，幫佢哋處理調遷一個二人單位百幾呎嘅，咁佢哋應該都拒絕，然後繼續住喺呢個現有三房單位直至百年歸老。正苦都話六十歲係中年咋，即係佢哋有排住，呢個係你哋想要嘅結果？

三、我出post係想知條文出處，因為我結婚之後已經即時申報已婚，但房署從未搵過我，我亦都唔知除名一例。係申請調遷佢哋先咁講。

私人傳訊

Mabelline

洋房

積分: 79

8^#

發表於 19-5-21 21:19 |顯示全部帖子

回覆 MissUmuch 的帖子

即係其實睇post唔係齋睇topic 嘅，係咪要睇內文呀？希望你教你小朋友讀書唔係咁教啦。。。標題黨你有無聽過？

私人傳訊

Mabelline

洋房

積分: 79

9^#

發表於 19-5-21 21:32 |顯示全部帖子

提示: 該帖被管理員或版主屏蔽

私人傳訊

Mabelline

洋房

積分: 79

10^#

發表於 19-5-21 21:37 |顯示全部帖子

回覆 hnh_mami 的帖子

你啱丫，為免浪費咁多人力資源，我係好應該叫佢哋繼續住喺六百呎呢個單位。我除名仲好，自此唔洗再被罰雙倍租金，真真正正享受到你口中所講嘅平租。

私人傳訊

Mabelline

洋房

積分: 79

11^#

發表於 19-5-21 22:47 |顯示全部帖子

我結婚嘅時候爸爸已經過60歲，所以除唔除名係唔會影響到佢哋需唔需要搬出，反而因爲我唔知要除名令到我哋交雙倍租金。我細佬一買私樓已經即刻申報除名。留意返，依家公屋已經再冇世襲傳承呢個條例，所以就算我唔除名我爹哋媽咪唔喺度公屋都唔會留俾我，我唔想呢一刻除名，係想佢哋搬近細佬之餘又唔需要住最細嘅一、二人單位。當然佢哋而家知道係唔可以嘅，咁就傾向住返而家六百呎大單位，講真有大屋邊個唔想住？如果一個住沙頭角一個住牛頭角咁遠唔係你哋話叫我細佬搬近啲就可以咁容易，老人家想住近啲個仔相信好多人都明白。至於嗰啲咩校網問題，我係無小朋友所以先成日同父母住，不過呢點係我疏忽，唔記得咗呢個係baby kingdom,梗係大部份人都係媽咪所以先咁猜度人。當初上嚟post文係求條文出處，google 一search”公屋除名” 發現呢度最多討論，相信呢度有大量公屋户所以先上嚟發問，估唔到最後有咁多陰謀論，又呃校網，呃世襲，最離譜咩 ”啲女最中意管住老豆老母” 都講得出😑真係令我對呢個forum大開眼界。
一句講哂，除名我報得上去就預咗，只係諗住大屋人人想住，肯讓出嚟房署應該好高興，而佢哋一時間由六百呎住一百呎會好慘，咪睇下可唔可以換間細一半instead of 細四分三嘅，唔得咪繼續住大屋囉

私人傳訊

Mabelline

洋房

積分: 79

12^#

發表於 19-5-21 22:53 |顯示全部帖子

回覆 virgokaren 的帖子

房署有講，如果老公無香港身份證，係可以被接納為已婚但又同父母住嘅理由。

私人傳訊

Mabelline

洋房

積分: 79

13^#

發表於 19-5-21 23:02 |顯示全部帖子

回覆流星花丸的帖子

啱丫，所以我咪問條例出處囉！make sure真係有呢條rule。記住而家公屋係無世襲制，即使我唔除名我父母係唔會留到間公屋俾我！我相信結咗婚無上報嘅大有人在，而我一結婚亦有上報，係到而家房署先建議我除名。
由始至終我係不解點解房署寧願佢哋住咁大間屋都唔肯開綠燈俾個一房單位佢哋，而家我明喇，學你哋話齋因爲行政手續各樣好麻煩，令我記起係喎呢個政府從來都唔係以人為本。

私人傳訊

Mabelline