吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› Del

夫婦情感今日: 3|主題: 42455

收藏本版

發帖

返回列表

跳至頁

樓主: nyny87

Del

[複製鏈接]

nyny87

複式洋房

積分: 163

21^#

發表於 21-5-17 11:21 |顯示全部帖子

每逢星期六日就係高危時間, 因為唔洗番工, 係屋企時間多。再加上星期日工人姐姐放工, 更多要自己落手落腳, 佢就更多野睇唔順眼, 覺得哩樣唔岩, 個樣唔岩, 哩樣唔好,個樣唔好。

琴日佢話已經忍左我一日...我已經盡力去做, 係有幾次幾分鐘攤係梳化度...抖一陣。
琴晚去到十點幾, 佢終於餵完阿仔餐飯, 放番阿仔落地去, 阿仔好興奮地不停爬來爬去 (就2歲, 仲未識行)...之後就...咳, 跟住嘔。

跟住就係被鬧, 話叫左我睇住, 幾分鐘都唔理阿仔 (當時我計緊阿仔食既食物營養攝取量, 睇下每日intake 仲差幾多蛋白質, 卡路里等) ...又係一輪難聽既粗口夾雜不停貶我, 鬧我廢, 鬧我無錢既說話...我都忍唔住有鬧番去。

成日就係為左阿仔而黎鬧我...我真係無咁鍾意細仔, 明顯原因就係因為佢好多時將問題放在我身上, 都係我錯。我真係唔想照顧阿仔, 因為有乜冬瓜豆腐又黎搵我麻煩, 又黎嘈。

真係無人令佢可以放心, 我都希望搵個佢放心既人黎照顧個細 (包括佢自己阿媽都唔放心...)。成日話換個男人都唔會好似我咁, 成日錯。我真心想搵位勇士黎試工 (有薪), 睇下邊個頂得順我老婆既要求, 有錯就不停罵

打破唔到逢星期六日, 可以唔嘈架既魔咒....佢仲要話佢忍得好辛苦, 一天裡面已經想鬧我好耐

私人傳訊

nyny87

複式洋房

積分: 163

22^#

發表於 21-5-17 11:27 |顯示全部帖子

bunbunbunny 發表於 21-5-14 08:04
樓主，希望你睇到
我好明白點解你太太會變成咁
因為真係經歷過嘅人就會知

1. 帶我太太睇醫生無可能, 佢叫我自己去睇, 有精神病個係我
2. 唔會有合適機構可以令我老婆放心, 有咩事, 到時同機構主任, 老婆有爭執就費事...排左S位架啦, 我放長雙眼睇下學校會搞出D咩事, 令我老婆不滿
3. 托兒服務唔會花咁既時間去餵食...兩個鐘至三個鐘去餵一餐飯。以我所知, 好多餵食困難小朋友既家長係set左個時間, 食左幾多就算, 到時間就打碎, 用胃喉打入肚度。我老婆就覺得咁做到時長大後BB會唔用口食野, 邊個個女個仔就係用得多胃喉, 而加唔用口食野, 都係用條喉啦

私人傳訊

nyny87

複式洋房

積分: 163

23^#

發表於 21-5-17 11:35 |顯示全部帖子

肥肥寶發表於 21-5-17 11:31
其實睇下你自己做唔做到衰人，你大可以離婚一走了之就解脫，如果你要做負責任既人就要過住地獄般既輪迴生活 ...

無兩個小朋友, 我一早就同佢拜拜。剩下的一點愛都俾佢磨到灰飛煙滅。為左小朋友, 我依然忍緊...我知佢一個人帶兩個好極有限, 尤其是對大個個.

私人傳訊

nyny87

複式洋房

積分: 163

24^#

發表於 21-5-17 11:56 |顯示全部帖子

bunbunbunny 發表於 21-5-17 11:37
第三點，你老婆真係好盡責
唔會求其，試問有幾多個人能做到
其實佢會不停鬧你，係因為佢真係病咗

係咯, 只有佢自己先事事做到佢自己想要既標準。
其他人過得你一關, 做得好你要求既其中一樣, 你轉個頭就睇住另一點做到唔好既去指出, 去批評。
係呀, 同阿仔無關既可以隻眼開隻眼閉, 但成個屋企時間大部份就係搞個細既

細仔成16kg, 重過家姐, 又大力, 有時發脾氣唔用力都捉唔住。
醫院覆診、去特殊幼兒中心上物理治療、言語治療、職業治療。
每日煮特製餐、要計算佢每日食物營養攝取量、清洗胃造口換上新紗布、俾藥俾奶、照顧情緒唔好俾佢大叫同激動。
換片, 大便完後同佢洗屁股....

食飯又未必時時配合, 訓著時侯俾奶、怕佢醒個陣會情緒激動, 易嘔、俾藥時又成日搞搞陣, 一腳或一手掃低。

係我知老婆辛苦, 但唔好經常阿仔一有事就搵身邊人開刀。工人姐姐不給力, 我無辦法, 變左事事與我相關, 做唔好就入我數。工人姐姐做唔好, 就會係我無同佢講, 無交待清楚, 我監管不力 etc.

私人傳訊

nyny87

複式洋房

積分: 163

25^#

發表於 21-7-12 11:30 |顯示全部帖子

本帖最後由 nyny87 於 21-7-12 11:31 編輯

回覆 cookieman 的帖子
我又出現黎update個post.......係好左一段時間噪架都唔會郁手既情況下, 終於佢又黎料...
8月中開學啦, 我估計幫助唔大。反正覺得番學, 放學, 有咩事入醫院, 都係佢一個人, 不停鬧我唔幫手。就算開左學, 我唔覺情況會改善...我已身心疲倦。對上一次出現暴力事件, 我去左我阿爸個面住....阿公都話我係佢地度住一晚個人精神,狀態, 面色都好好多。而加每次見我都話我無精神...

琴晚又出現暴力事件...我亦都係佢叫唔停既情況下, 有還手, 我都唔岩。我係男人, 亦都比較大力重手, 咬左佢手一下, 想佢鬆手唔好鎖我頸...對住佢真係同帶住個炸彈係身無分別...佢點人火就唔覺有問題, 覺得係我小氣。人地講多句, 佢就已經自燃, 著左火...

私人傳訊

nyny87

複式洋房

積分: 163

26^#

發表於 21-7-13 17:21 |顯示全部帖子

回覆 Ivan1023 的帖子

佢唔會咁諗咯。佢會覺得, 我就帶個大既出街去happy, 佢就留屋企湊個細既...
連我番工平日食晏要係出面食, 佢都覺得我就日日番工出面食好野, 佢就屋企是但煮是但食....

真係痴線...心諗你都可以間唔中買外賣,食你想食既野, 但你又唔鍾意食出面, 覺得人地煮得唔好。又話我從來唔帶佢食好野....咁出得去食, 成家出左去, 大部份時間又係係餐廳/酒店度照顧細既...

私人傳訊

nyny87

複式洋房

積分: 163

27^#

發表於 21-7-13 17:46 |顯示全部帖子

回覆 Ivan1023 的帖子

無可能，細B食野異常麻煩，吞嚥能力好差，每餐食既野要磅住，計重量，計蛋白質。餵得唔好又易嘔，叫得激動得濟又會嘔（我懷疑細B因病情原因係有D情緒上問題，成日叫／瀲動）......邊個敢幫佢湊？外母之前黎過住，幫手，都會同佢會吵架。。。外母最後都話之後唔會再黎幫手，我都唔會再去求外母佢地。我自己屋企個面係無屋企人，有個D一個二個各種理由推托，都唔會搵佢地幫手。太太又會話都係因為我唔識做人, 無人黎幫你啦...反正任何野都可以係我既錯, 我既唔岩......

私人傳訊

nyny87

複式洋房

積分: 163

28^#

發表於 21-7-13 18:30 |顯示全部帖子

回覆 Ivan1023 的帖子

全港唔多, 香港醫生經驗亦唔多...罕見病既一種出外讀書上堂都要跟住...

真係好辛苦....
每日最輕鬆時刻竟然係番工, 佢唔好搵我既時間。
每日最難做既決定,係放工番唔番屋企
每日最難捱既時間, 係佢係身邊, 但唔知邊一刻會"爆炸"既時間

私人傳訊

nyny87

複式洋房

積分: 163

29^#

發表於 21-7-13 19:47 |顯示全部帖子

回覆 Ivan1023 的帖子

兩個人傾唔到，我講一言一語都覺得我說話唔客氣，態度唔好，佢會嬲，會激動，忍唔住就會動手。
佢唔想我搵社工，唔想我同其他人講。
我都覺得我自己心理有病。。今晚我又離家出左，唔想番屋企了。。。

私人傳訊

nyny87

複式洋房

積分: 163

30^#

發表於 21-7-14 15:01 |顯示全部帖子

回覆 minna456 的帖子

我覆左佢幾句就關電話...一睇番都係一堆鬧我、威脅我既說話...話我不負責任, 我唔番屋企, 轉頭佢都走。話我廢,話我無用, 淨係識逃避...由佢鬧吧, 我由好介意, 變得已經無所謂, 話我係乜就乜啦...佢身邊好多勁人, 好多好男人, 我叫佢你鍾意既你去搵個又勁, 又叻, 把口又識講野既男人。成日嫌我唔識講野，講野直接，唔識講好說話哄人。。。咁我係咁既人，調番轉把口勁叻，無句真，句句都哄到你開開心心，你又擔心唔知佢邊句真。。。可能佢鍾意哩類啦。。我今晚會番去，一諗起番去受刑（言語上／肉體上都好）我個心真係好累。。

私人傳訊

nyny87

複式洋房

積分: 163

31^#

發表於 21-7-14 18:29 |顯示全部帖子

我都想同佢傾到, 但當佢正常時同佢講野, 佢愛理不理, 同佢講野又唔應, 問佢幾次, 講幾次就嫌我煩。發脾氣上黎更加傾唔到, 一係就鬧, 眨低我, 侮辱我。一係就話我道歉態度唔好, 唔會咁就算,話我講野越講佢越嬲, 唔答佢又話我無禮貌...

放工時間了...又到我做決定番唔番去受死既時間...

點評

cathngai

發表於 21-7-14 19:16

私人傳訊

nyny87

複式洋房

積分: 163

32^#

發表於 21-10-12 12:55 |顯示全部帖子

兩個月後, 今日依然毫無進展. 脾氣一黎就不顧一切, 話我唔即刻講對唔住, 唔即刻哄佢. 發緊脾氣, 嬲到會打人既時間, 有邊位男士可以笑嘻嘻地繼續去哄你另一半? 加上我唔係口甜舌滑既人...

我唔怕講, 我太太係內地人士 (一講哩一點肯定好多唔鍾意內地人既心諗原來係咁, 抵你死)...

我已經解唔到哩個局, 家庭唔係我唔想維持落去, 只係做乜野都即係得到負面的評價, 經常言語上既侮辱, 精神上既壓榨 (我出面食餐飯普通茶餐廳都要被罵), 經濟上既管控 (出糧找曬卡數後俾曬佢, 要用時再問佢拎錢)...佢唔覺得佢做緊既係家暴, 佢覺得都係我對佢唔好, 所以佢咁樣做...

佢亦都提出離婚、離婚、離婚已經無數次...我工作亦都未能專心, 日日屋企佢同工人姐姐溝通唔到就搵我, 阿仔有要跟進,處理我有幫手去跟. 日日就話我唔理屋企, 唔幫手, 都係佢做曬, 處理曬...唔想講啦

而加疫情關係, 加上內地有財產, 有無律師可以介紹...

私人傳訊

nyny87

複式洋房

積分: 163

33^#

發表於 21-11-11 14:32 |顯示全部帖子

精彩過TVB...我近幾個月實在唔知做乜，我出軌了（無固定對象）...俾老婆發現左。

而加所以道理番番去佢個面，佢要離婚，要我淨身出戶，財產俾曬佢，最近一次出糧已將人工全數交俾佢，卡數都唔理我。。
而加仲住係一齊，但日日屋企少左野，唔見野就懷疑我，成日驚我身有錢。我問朋友借錢搞掂卡數先，覺得我扼佢，唔老實。。。我知我犯左好大既錯，變左拆散屋企既罪人。。。我希望希望可以去彌補，修復。我知我咁樣一犯，對老婆打擊好大，對我乜都唔信任。。。

私人傳訊

nyny87

複式洋房

積分: 163

34^#

發表於 21-11-12 14:14 |顯示全部帖子

回覆 wingyaumama 的帖子

係...無錯, 我作出錯誤既選擇, 行錯一步, 咎由自取。肉體上出軌, 心依然係我太太身上 (我知好多女士會想打我, 出軌就出軌, 污糟, 唔好搵借口分咩肉體同精神出軌)
我好自私, 成日只係諗自己, 無顧及太太感受, 對小朋友唔好, 亂洗錢, 對佢地就好孤寒, 佢都一一忍....出軌佢真係忍唔到, 佢既其中一條底線.

哩一步, 令我變成人人眼中的渣男

私人傳訊

nyny87

複式洋房

積分: 163

35^#

發表於 21-11-12 14:22 |顯示全部帖子

本帖最後由 nyny87 於 21-11-12 14:23 編輯

回覆 cupid0627 的帖子

講就容易, 簽字, 交紙就完成...但背後小朋友安排, 生活費, 探視權, 照顧上...等等都未安排好, 太太又氣在心頭上, 一句說話可以令佢爆發...
就好似琴晚, 佢話我阿仔訓前要查cream, 成面口水味都唔幫佢洗個面先, 我答佢, 佢成手成身都係口手味, 洗唔洗沖個涼.
佢就話你鍾意啦, 我沖動多口就話, 緊係啦, 又唔洗你幫佢沖 (兩姊弟沖涼都係我負責), 根住就爆發了...

私人傳訊

nyny87

複式洋房

積分: 163

36^#

發表於 21-11-15 11:04 |顯示全部帖子

本帖最後由 nyny87 於 21-11-15 11:04 編輯

嗯, 又一個weekend, 中間又有唔少事, 又激嬲過佢, 俾佢打過幾次, 手上都係指甲印, 面俾佢打到一邊腫起, 眼俾佢踢到/刮到視力有D問題, 時不時出現閃光/光印。

去到琴晚(星期日晚)佢冷靜黎同我講, 我地真係分開啦, 放過我啦....佢喊住講左一堆心底話. 見佢咁唔想一齊,咁辛苦...儘管我再想去修補, 重新砌番哩個屋企, 我都係放手。

原本已經叫我即時搬出去住, 而加係我賴死唔走, 繼續留係同一個屋企, 想去幫手照顧小朋友,同見到佢...後悔我所做既一齊, 唔犯錯前永遠唔知自己錯...經常怪我有野隱瞞佢, 無同佢講...有時我真係唔知要同佢事事講...唉

唔好意思, 結左婚後無乜同朋友,同學聯絡, 無乜人願意/可以聽我呻, 聽我講野, 只好係度打一堆字, 講下野...

私人傳訊

nyny87