懷孕前後今日: 7|主題: 329759

收藏本版

回覆發帖

返回列表

跳至頁

樓主: Yin807

(長文）經歷兩次失去，bb今次終於成功出世 [複製鏈接]

Yin807

大宅

積分: 3950

1^#

發表於 24-2-17 18:13 |顯示全部帖子 |倒序瀏覽 |打印

唔知大家記唔記得我，21年經歷過9週小產，22年24週胎停，23年妹妹再次番黎，24年終於成功出世。

今次調理左一年，辭左工比左個deadline 自己，每日都同自己講bb 一定會健康咁番黎，要有一個強大既信念。

呢個生命好奇妙，曾經係520 果日失去，佢正正起520 果日出現。

感謝天父賜我第三次既生命同埋勇氣，我相信天上面兩個囡囡係阿妹既好朋友，㨂選佢比天父再比媽媽，一直都守護住阿妹提佢唔好再矇豬豬帶漏野落黎。

呢37週每一關都過得唔容易，特別係對於有經歷既人唔會有平常人既單純，經常玻璃心（醫生鼓勵我要將玻璃心變成鑽石心）同埋間歇性痴痴地，每日都洗自己腦打氣，同自己講要有信心有信德，要係失敗嘅地方企返起身再成功。耶穌話過不要怕只要信。唯信的人，一切都是有可能的。

每次產檢好似考試咁，由一開始流啡流血真係好驚。後尾發現有息肉出血又唔敢行得遠。平時好抗拒食西藥，中B鏈食左過百粒抗生素，生長得慢加埋胎水擇界d 陰影又黎，不停迫自己食野飲野。呢隻囡郁得好斯文所以成日都令我地提心吊膽。最尾兩個月先黎中人生第一次covid入院, 未好番晒又黎個感冒咳到甩肺，病未好番晒醫生又話要催生果下真係好多野未準備得好，到催生又遇到特發情況，隨時準備要緊急開刀，好彩最後一切順利，～最後居然氣都無聞無痛都無用就生左。

真心多謝幫我地集氣，祈禱，鼓勵我既所有人(emoji)(emoji)

家希bb 要繼續健康咁成長，你既到來就係叫我地信相希望，要勇敢唔好放棄，鼓勵身邊既同路人。過去既經歷雖然痛苦，但係一個磨練, 成就自己做一個堅強既人，要同自己講無論如何內心都要強大。

天恩，祈恩永遠都係媽媽既寶貝，相信有天父照顧，同埋天上面有好多朋友仔既陪伴，你地係天上面一定會健康快樂

0 0 0

私人傳訊回覆引用

Yin807

大宅

積分: 3950

2^#

發表於 24-2-18 22:07 |顯示全部帖子

HOPEFORBB 發表於 24-2-18 18:42
回覆 Yin807 的帖子

恭喜你，苦盡甘來，我記得你，我都明白經歷過失去好難好平常心，我都仲有一星期就生得 ...

比d 信心bb,同佢加油打氣～祝褔你

私人傳訊回覆引用

Yin807

大宅

積分: 3950

3^#

發表於 24-2-23 11:02 |顯示全部帖子

sandylau_21 發表於 24-2-23 10:23
恭喜樓主，媽媽真偉大，祝bb 快高長大！
可以請教你辭工休養那一年做左甚麼身心上的調理嗎？有keep住食中 ...

辭職頭一個月有去慢跑做下運動（平時真係好小運動），每次邊跑邊同自己講bb 一定會健康番黎，我一定要係失敗既地方企番起身再成功。

好好彩試一次就bingo 左，我有keep 住食中西藥，懷孕前一年有食d 養卵supplement 又拉埋老公食,少味精。

到有左其實身體好多變化，乜都做唔到大部份時間都係係屋企，但有信仰支持每日都會祈禱，唸經文，叫自己要有信心信德，相信奇蹟會係自己身上發生。無論點驚叫自己保持正念，雖然好多玻璃心時候，但每日都會同bb 講野打氣。好多時其實自己嚇自己，bb 比自己想像中strong 的