吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 而家應該等定買

樓市動向今日: 0|主題: 74236

收藏本版

發帖

返回列表

跳至頁

查看: 4825 | 回覆: 13

而家應該等定買 [複製鏈接]

ume

公爵府

積分: 29804

1^#

發表於 09-2-23 13:19 |顯示全部帖子

其實樓市跌，成交都係唔會多，正所謂賣一間少一間，而用家多數會左諗又右諗咁先決定入唔入市，因此好多時未賣得出既都唔會係平盤。
所以想買樓的朋友，要keep住睇，遇到啱既盤就要大胆還價，如果一遇上大市氣氛回軟，再加埋個業主真係等錢洗，咁就可以買到平盤。
千其唔好係度等等佢跌，好多時等到個別單位跌價時都巳經係成交咗既紀錄。咁永遠自己就只會係後知後覺！

[ 本帖最後由 ume 於 09-2-23 13:20 編輯 ]

私人傳訊

ume

公爵府

積分: 29804

2^#

發表於 09-2-23 14:05 |顯示全部帖子

原帖由 Gogojuly 於 09-2-23 13:59 發表

agent唔係真係沒有生意的,唔會睇左樓,比左電話agent就會不停call你.
我都睇左幾多單位吓,但電話成個星期都唔見响過市場上已沒有我心水價既樓盤了. ...

好耐無見！
keep住睇樓啦。個失業率開始升緊喇，我相信樓市新一輪既跌浪巳暗暗開始！

私人傳訊

ume

公爵府

積分: 29804

3^#

發表於 09-2-23 14:19 |顯示全部帖子

原帖由 ac321 於 09-2-23 14:08 發表
I am waiting............

我都係，邊睇、邊等、邊放聲氣！

私人傳訊

ume

公爵府

積分: 29804

4^#

發表於 09-2-23 17:13 |顯示全部帖子

原帖由 Gogojuly 於 09-2-23 17:09 發表

好耐無見啦!
得閒我都會上來睇下會否見到你發表既意見,但很少見呢!
我睇左學士台啦,實在太偏僻了.如果真係買左,我個工人可能大條道理去買餸要半日時間,哈哈....... ...

係呀！鍾意學士台既人就會認為佢實用和清靜，唔鍾意既人就會覺得隔涉。唔緊要啦，加油，希望你可以找到心水盤。
我最近好忙，忙到都無咩時間上來留言呀！

私人傳訊

ume

公爵府

積分: 29804

5^#

發表於 09-2-24 14:34 |顯示全部帖子

原帖由 winkho 於 09-2-24 13:15 發表

hi ume,
我都經常見到你比好多好意見比我哋. thx
但我想問, 因為我由1/09開始睇樓, 我睇的係荃灣區的舊樓, 因為參考番上年的成交, 所以個地產經紀問我budget幾多時, 我就覆佢大約1.5m(這個也是我可以負擔的樓價). ...

如果係我，我會試下搵過第二間agent去睇，不過今次唔好同佢講實你budget既銀碼。當佢問你想要D咩嘢盤時，你只需要講個size、樓齡、間隔等等。如果佢堅持要你比個價，你就同個agent講，咁要睇下單位既質素啦，如果佢再迫你你先講話唔過200萬咁囉。因為agent唔太知你個能力，佢會比多D唔同既單位你睇，睇多D唔同既單位，你自己先可以鎖定啱心水既屋苑，咁先重點出擊。如果睇啱單位就要大胆還價，還得幾次你就唔怕唔好意思，到時機到就可以搵到心水盤。
上年年中，我有個朋友又係問我邊度幾錢抵唔抵，同埋點講價，我就係好似教你咁教佢。卒之佢面慒慒咁大幅還咗幾個單位個價。幾間之後，佢開始掌握到個技巧，最後佢不知不覺就在樓市回升前買入咗個單位自住，短期來講我朋友算係成功撈到底。
所以如果你都唔想買貴貨就要多做功課，對agent唔洗咁坦白既，比多D機會自己睇多D盤，遇上D ok既盤，不防還個超低價。

[ 本帖最後由 ume 於 09-2-24 16:00 編輯 ]

私人傳訊

ume

公爵府

積分: 29804

6^#

發表於 09-2-24 15:41 |顯示全部帖子

原帖由 littlepigma 於 09-2-24 15:08 發表

Hi ume,
我都有事想請教, 前兩日agent同我講, 一個之前我有興趣的單位比買家撻定, 問我仲有冇興趣, 仲講埋過成交價比我聽, 其實價錢都合理, 但距離我budget仲欠3, 我相信賣家都唔會減, 同agent講多3%我又驚唔好意 ...

買樓還價第一件事要唔怕唔好意思，第二件事就係千其唔好太死心眼一定要買到邊個單位，有時買樓要隨緣既，買唔到這個就第二個囉。
在你所講的情況，你就照減多佢3-5%。如果佢唔肯賣的話你就再等第二個機會，相反你就可以以心水價買到心水單位。
試多幾次你就得架喇！還有，千其唔好諗埋業主o個份，你諗佢唔會減，你又點知呢？可能佢收咗人地個訂之後覺得可以減呢，試下無壞啫。

[ 本帖最後由 ume 於 09-2-24 15:46 編輯 ]

私人傳訊

ume

公爵府

積分: 29804

7^#

發表於 09-2-24 16:12 |顯示全部帖子

原帖由 littlepigma 於 09-2-24 16:04 發表

照你咁講, 即係要照減佢多過3%, 等賣家還價? 我需唔需要講過目標價比agent知?

其實好睇你個Agent係咩嘢人，又要睇你自己既意願。
如果你個agent信得過，而又同你熟既你可以照實同佢講你個底價，真心幚你而又醒目既agent會同你用個再平D個價來同業主講。
但如果你担心你個agent都唔知信唔信得過，咁你就自己還個平D既價，例如減佢5%。然後先等個賣家還價。如果對方有心/好想賣的話，佢會還返個價比你的，如果佢無哂聲氣就算，等過第二個機會囉。
而家個市咁，樓價向下既機會點都多過向上，買家話事的時期，你就要好好利用喇！

[ 本帖最後由 ume 於 09-2-24 16:21 編輯 ]

私人傳訊

ume