吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 後悔移民

國家地區媽媽會今日: 0|主題: 20236

收藏本版

發帖

返回列表

跳至頁

樓主: iriswy

[美國] 後悔移民

[複製鏈接]

眼訓

子爵府

積分: 14621

環保接龍勳章大廚勳章

21^#

發表於 18-9-29 07:56 |顯示全部帖子

本帖最後由眼訓於 18-9-29 08:36 編輯

kfc1999 發表於 18-9-28 05:38
天下烏鴉一樣黑

一個月前才啟用的舊金山新越灣車站(Transbay Transit Center) 有一條主要鋼樑25日上午被發 ...

唔係新聞啦。早幾年附近有棟豪宅話沉降仲歪咗。（有留意因為同一個發展商喺我呢度起咗棟一模一樣嘅豪宅）而家又有多棟歪歪地。其實都唔知發生咩事，淨係見你吿我，我吿人地。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

22^#

發表於 18-9-29 07:58 |顯示全部帖子

本帖最後由眼訓於 18-9-29 07:58 編輯

笑爆嘴！各位慢慢睇佢其他d vlog。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

23^#

發表於 18-9-30 15:20 |顯示全部帖子

回覆 rose-mag 的帖子

咁加州灣區有佢嘅吸引力你先會繼續住嘅。天氣，生活上嘅種種。。。起碼係自己嘅選擇，先至可以心甘命抵咁實行事在人為。就正如同一價錢可以選擇去Manhattan買間condo仔，或者Jersey嘅大屋，起碼有得揀。

Netflix有套英國節目叫How to live mortgage free。我睇咗一集，基本上所有嘢都係錢同時間嘅格力。第一個係一個女人用7萬鎊起咗間屋，但係乜都要自己跟，講緊由買達爛地返來自己同town搞zoning開始。第二個係個後生女用3.3萬鎊買隻舊船返來自己裝修。雖然實行起上來估計都唔容易，但起碼價錢合理。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

24^#

發表於 18-9-30 15:23 |顯示全部帖子

回覆 kayeeian 的帖子

美國去歐洲機票$200起，一d都唔貴。或者可以考慮改吓旅行目的地。美國仲有50個省有排你玩。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

25^#

發表於 18-10-1 02:43 |顯示全部帖子

回覆 rose-mag 的帖子

係，留係一個地方一定係有原因。所以同香港比的話已經幸福好多倍，起碼仲有得揀。香港如果冇父幹又只係正常人收入，有咩選擇？可以走去邊？想creative d搵隻船住吓都冇。住工廠又唔合法。錢冇，時間冇，選擇都冇，想阿Q d安於現狀，真係難事。苦！

你今日backup左未？

私人傳訊

眼訓

子爵府

積分: 14621

環保接龍勳章大廚勳章

26^#

發表於 18-10-1 02:55 |顯示全部帖子

本帖最後由眼訓於 18-10-1 03:02 編輯

mugtaitai 發表於 18-9-30 14:31
有一樣嘢我留意到好耐，就係喺香港，如果工人放假一日我唔抹屋唔掃地吸塵，間屋就已經見到有塵，喺美國我 ...

以前讀大學住宿舍。有個本土女仔同學來到我間房唔除鞋一嘢條上我張床，Q起對腳坐喺度。我係第一次見識呢樣嘢發生喺我張床上面喎。本能反應破口大罵。佢見我咁凶惡又唔覺得自己做錯d乜，大家互嬲。之後大家和解咗啦。佢之後上我床識先除鞋啦。而我住耐咗亦覺得d地方認真乾淨。我有對白色皮鞋著咗10年。雖然只係夏天先著幾個月。鞋面係乾淨，鞋底只係小小灰咗。

而家都接受咗本地人來我屋企唔除鞋。人地成個look包括埋對鞋，唔好意思叫人除嘅。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

27^#

發表於 18-10-1 09:10 |顯示全部帖子

回覆 rose-mag 的帖子

我唔覺得講出來就等於踩。咩二等公民，歧視，人人有槍，經濟差，唔知係聽到麻木晒定係真心唔care，完全冇感覺。你覺得我係二等公民又點，我聽日一樣要努力工作，要準備唔夠兩個月後嘅感恩節大餐，我連水槍都冇，生活一樣美滿，係冇影響㗎喎。

係最近侵侵喺聯合國俾各國元首恥笑，我皺了眉，因為係國恥。但其他國民就算講到美國已死，更話美國人唔敢喺外國話自己係美國人，唔緊要，因為有一半係事實。事實係美國有一大部份人之前被忽略，先有今日嘅總統，唔怕攤出來講。而我嘅自身價值唔會因為各位認為美國係個鬼地方而降低咗囉。

本來香港變成點我真係事不關己。奈何我父母話想返香港長住喎。佢地話，人老眼矇唔想成日渣車。就算搬出市區，都唔係落街飲茶買餸嗰d生活。而且始終英文差d，一係睇唐人醫生，唔係就始終表達難d。一路都有問我有冇興趣一齊返香港，本來都以為佢隨口up吓啫，點知早排叫我問吓公司可唔可以調我去香港做。講到好似我喺香港大，應該冇乜話唔適應，又好似唔記得咗我有個唔識中文嘅老公。冇啦，我講笑話，間屋冇2千呎生唔到仔㗎喎！同埋淨係睇見公海d人講排隊都可以變hit post已經夠晒恐怖（完全冇踩嘅意思），如果我返咗去，我保證各位一定會喺公海見到我個樣！

我可以講大話話有問過公司㗎，唔得呀。但我比較想佢地死咗條心，我係唔會返香港嘅囉。

我覺得最理想嘅做法係佢地香港美國兩頭家。佢地過咗來11年，口講話掛住香港，身體可能已經適應晒。年年去香港玩3個禮拜，次次返到來話d地方“認真細”（絕冇貶義）。所以就算幫佢搞返香港都唔知會有幾認真。雖然未到認真階段，但某程度覺得自己精神上被舞弄！

你今日backup左未？

私人傳訊

眼訓

子爵府

積分: 14621

環保接龍勳章大廚勳章

28^#

發表於 18-10-1 11:31 |顯示全部帖子

wrymoep 發表於 18-10-1 09:01
鬼佬入人地屋企係咪無除鞋習慣？呢樣我都想知。咁如果外面落大雨、大雪、滿地泥濘，入到人地屋都唔除鞋 ...

一般來整嘢嘅師傅唔會除。最叻都係自己帶個鞋套套住。
朋友嘅話一dd。我見有d會帶對鞋去換。有d唔介意淨著對襪。要睇佢地屋企係點教育。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

29^#

發表於 18-10-1 15:15 |顯示全部帖子

rose-mag 發表於 18-10-1 13:02
你有冇睇下出面幾個帖講嘅，果幾位人兄/女士真係講到外國幾差（唔只講美國架，澳洲都有講），要中產及高級 ...

公海講移民嘅帖我連睇都廢事，因為我冇興趣同d唔會移民或移民失敗嘅人講移民，有乜謂？

我其實知道parents唸乜。因為我有咗之後的確係work from home多咗。可能佢地好單純咁唸，既然邊度返工都得，點解唔一齊返香港，個孫又可以學中文。但同時我又唔知佢地有幾認真，可能理性上佢地係知冇可能，但潛意識上就好想，就得閒無心凳兩句出來，因為冇可能唔記得咗我個唔識中文嘅老公，要佢離開屋企。。。呱？而家託賴佢地冇大病痛仲行得走得，係試過手臂生粒脂肪瘤要割，就嗰時開始騰。其實唔係複雜嘅症，以佢地英文水平係handle到，不過應該係緊張，醫生講完d好簡單嘅嘢，佢地問我即係點？或者其實係想要我嘅confirmation多過唔識聽。所以同時我覺得，一d都唔關英文唔好事，就算返到香港冇我喺度一樣唔識聽。過咗嗰次之後感覺上佢地想返去原本嘅地方。可能有d subtle hints之前我冇留意到啦，但我一直覺得佢地唔係唔鍾意呢度㗎。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

30^#

發表於 18-10-2 05:18 |顯示全部帖子

本帖最後由眼訓於 18-10-2 05:19 編輯

wrymoep+版主：出年佢地應該又會返去。到時真係可能叫佢地玩多幾個月。應該會租間airbnb先，因為傢俬都係一個問題。唔會搵間好正嘅屋啦，因為我私心確係想佢地死咗返香港條心，因為真係怕佢地繼續幻想落去。假如真係返咗去。咁我就好大機會要“老奉”每年走香港一轉。我怕佢地只係仲行得走得以為仲有本錢扮瀟灑，如果大病起上來忽然先走去覺得冇仔女係身邊好慘，咁到時又唸搬返來，否則就係passive agressively要我內疚？我喺度先可以直腸直肚，對住佢地就會委婉好多，但都唔知點講。如果佢地自己明白會成為負累就好了。

呻完。

笑返：

你今日backup左未？

私人傳訊

眼訓

子爵府

積分: 14621

環保接龍勳章大廚勳章

31^#

發表於 18-10-2 22:25 |顯示全部帖子

本帖最後由眼訓於 18-10-2 22:34 編輯

wrymoep 發表於 18-10-2 14:55
我地呢一代可能算係因禍得福，但除左搵錢，香港確實近乎乜都無！多數人唔會對藝術創作、音樂、畫畫、歷 ...

唔關事，呢d係中國人同印度人文化。移民唔會有改善。有邊個家長會真正放手？而家唔係話亞裔區d學校競爭好大嗎？為乜？大家心知肚明。之前講過，電視有個廚師比賽，個中國人女仔要贏有大部份係要證明俾父母睇佢有熱誠有資質唔好再睇死佢。講到喊晒陰功。而家香港話再冇巨星，近年又有邊個父母會推個仔出去唱歌？ d人唔係唔想要“文化”，而係做文化嗰個唔係係我個仔就得。

所以係個沙漠係人腦入面，跟香港無關。

你今日backup左未？

私人傳訊

眼訓

子爵府

積分: 14621

環保接龍勳章大廚勳章

32^#

發表於 18-10-3 01:04 |顯示全部帖子

本帖最後由眼訓於 18-10-3 05:04 編輯

wrymoep 發表於 18-10-2 23:47
你都講得o岩！父母對細路既影響力當然最大，不過周邊環境都好重要！環境唔一定只影響細路，有時都可以 ...

中國人一日要為仔女好，就好難會主動鼓勵佢認為冇前途或低下嘅行業發展。一日d人將職業等級化，一日都唔會有改善。

餐廳侍應，一般香港人應該覺得係低下工作，同奴才差不多性質。但呢度出街食，好多時侍應來到話“My name is xxx, I'm here to take care of you tonight"。意思係我唔係負責幫你針茶遞水，而係負責確保你今晚有一個愉快時光。係兩件事來。有位同事，本來打份人人眼中嘅好工，裸辭，走去做bar tender。

空姐，OMG，要求後生，靚，有笑容。空姐嘅責任係負責將你安全舒適地由A點送去B點。冇笑容嘅大嬸就做唔到？如果我有個女想做空姐，一定會叫佢唔好揀亞洲airline做，因為唔想佢去賣笑。（某程度上見到美國airline有上咗年紀嘅做覺得自豪 https://life.tw/?app=view&no=556491）

Live-in housekeeper，外國冇咩？只不過係US$700請唔到啫。調轉唸，你覺得一份要離開屋企，去幫另一個家庭打理到一塵不染，頭頭是道，等佢兩公婆可以安心上班去，值幾多錢？（又調返轉唸，咁嘅人工係咪“好唔抵”？）

不過。。。外國起碼搵唔到大錢，都唔愁冇地方住結唔成婚就真。而呢度d家長亦唔會要求“俾家用”，個仔搵唔到食係佢嘅事，有手有腳實餓唔死嘅。

老實講，我自己都未必睇得咁開。或者再過多10年20年啦。。。不過咁！如果我小朋友做到fine dining侍應我又唔拒喎，因為我自己都好有興趣做！