Baby Kingdom - 親子王國 香港 討論區 › 首頁 › 自由講場› 何雁詩揭兒子發展遲緩

自由講場

收藏本版
回覆 發帖
返回列表
跳至頁

首頁
1

尾頁
   5
aidan08


伯爵府

積分: 19547


1#
發表於 23-11-12 22:52 |顯示全部帖子
本帖最後由 aidan08 於 23-11-12 23:11 編輯
701003 發表於 23-11-12 19:37
我大女未爬過，一歲九個月先識行，阿仔差一個月三歲先開口說話 小朋友發育有先有後，未必要跟大隊 ...

我都覺得係。
而家D人，無論家長、健康院定學校都太過緊張，嚇親好多媽媽。
三十年前，我堂妹四歲先識講嘢，四歲前成日大叫，我阿叔叫佢怪獸，完全無擔心過。嗰陣時無人話佢唔正常，無做過任何training.
結果佢發展不知幾正常，讀名校，性格開朗健談，大個咗做會計師，又捱得又識諗。
我成日會諗到一樣野，比較陰謀論，但真係有咁嘅懷疑⋯⋯
而家科技同醫學發達，所以D孕婦基本上全部驗過曬，確保絕大機會正常先生個BB出嚟。好多嚴重缺陷、唐氏嗰D疾病都驗到，大大降低咗真係有嚴重問題寶寶的出生率。以前嗰類小朋友好需要特殊教育，治療師主要幫嗰類小朋友。而家嗰類小朋友大大減少，但各種治療師仍然需要搵食，亦不斷會有呢D人畢業。於是就將個「正常」門檻set 到越來越高。本來兩歲唔識講嘢響以前年代好普遍，但現在已經變咗唔正常。內向D又話社交遲緩，性格固執D又話係自閉，曳D活躍D又話ADHD, 無咁專心同聽話又話專注力不足等等。咁班治療師就長做長有。

親身體驗，我大仔大我細仔十年，我大仔個年代，D同學甚少被標籤為SEN, 有D好曳的小朋友都無被標籤。而家我細仔就好多基本上睇唔出有問題的小朋友都被標籤，又要佢哋去做好多training. 我覺得根本係將個正常門檻set 到離曬地。

以而家個門檻，我覺得好多我細個時嘅親戚、同學都可以歸類為唔正常。但嗰D小朋友長大後，唔知幾多事業有成，正正常常囉！
私人傳訊回覆 引用

aidan08


伯爵府

積分: 19547


2#
發表於 23-11-12 23:53 |顯示全部帖子
本帖最後由 aidan08 於 23-11-12 23:58 編輯
pauline_c 發表於 23-11-12 23:11
SEN 唔係唔正常，佢地有某方面需要，亦唔等於成就低。只係多咗認知學童有唔同需要。
...

當然，可以講到好好聽，好政治正確，無歧視，係支援。

但有邊個阿媽聽到唔擔心？有邊個會覺得只係支援，一切正常，唔係標纖？

我唔係覺得支援係多餘，而係個懷疑同評估嘅門檻已經太過離地。嚇親好多媽媽！而且，其實小朋友個個發展快慢都唔同，真係唔正常的係需要支援，以前個年代，真係好明顯先會需要有特別訓練。但而家係發展有快有慢都唔比？個個要一樣進度？有D頑皮D、固執D、有性格D、難教D，又或怕醜D、文靜D而家已經比人的咗去做訓練！
私人傳訊回覆 引用

aidan08


伯爵府

積分: 19547


3#
發表於 23-11-12 23:56 |顯示全部帖子
本帖最後由 aidan08 於 23-11-12 23:57 編輯
cattz288 發表於 23-11-12 23:16
又唔可以咁講，以前既媽媽又無咁多高齡產婦啫！

而家有幾多個高齡產婦唔去做產檢？科技一定係令到生出有嚴重缺陷的小朋友大大減少。精益求精底下，D小朋友無咁易教，某方面發展慢少少已經被評為SEN.
私人傳訊回覆 引用

aidan08


伯爵府

積分: 19547


4#
發表於 23-11-13 00:13 |顯示全部帖子
Bobo1210 發表於 23-11-12 23:30
聽過唔識爬直接行，大左會大d機會有讀寫障礙，平衡力無甘好。
1

我媽同奶奶都係生三個，三個都直接行，無爬過。
我無讀寫障礙，強項仲係語言文學，大學都係讀語言文學。
我老公三姊弟妹讀書都叻，佢家姐細妹兩個都係寫嘢非常好。
我妹我就懷疑佢讀寫都麻麻地，但應該未至於有障礙，公開試都考得唔算差。
我細佬讀書好差，唔知佢有邊方面障礙
咁多個人當中，只有我妹平衡力差少少。

私人傳訊回覆 引用

aidan08


伯爵府

積分: 19547


5#
發表於 23-11-13 00:33 |顯示全部帖子
Bobo1210 發表於 23-11-13 00:18
唔洗甘大反應wor! 都話可能大d機會lor

我fd 個仔讀寫障礙，佢話醫生問佢仔Bb 時有無爬過，話無爬 ...

你誤會了，我唔係大反應，而係我都想知究竟係唔係。因為我見爬唔爬呢樣野，好似有遺傳咁，通常同一個家庭生出來的小朋友都會係個個都爬，又或個個都唔爬。所以，其實我一直好懷疑唔爬無咁好的講法，反而覺得好似有遺傳性質。
私人傳訊回覆 引用

aidan08


伯爵府

積分: 19547


6#
發表於 23-11-13 08:04 |顯示全部帖子
zitamamama 發表於 23-11-13 07:28
產檢唔會check到。可能佢唔知咩係sen。

我諗，係你唔明白我想表達嘅意思。

而家就係將產檢check 唔到嘅所謂「問題」，set 到個門檻好高，然後指出咁樣係有「問題」而有特殊需要。嗰D指標，唔係話可以好似驗血、驗腦等測試，睇到好客觀數據或異常而斷定的問題。標準set得高，自然大把SEN。

我當然知道什麼是SEN啦，嗰D問題，大部分無法用絕對科學，好似驗血咁驗得出。只係由一部分所謂專家，羅列一大堆準則，睇個小朋友中幾多項。咩年齡要達到咩要求，嗰D要求，係可以愈set 愈高。

我只係覺得，呢個範疇，係一門發展中的「科學」，根本未完善。正如以前將「阿氏保加」定在自閉症之下，現在已經好多專家推反呢個論調。

所以，我好贊成多D研究用絕對的科學去斷定呢D問題，例如發現人體內有哪種物質會導致呢D行為或障礙，而唔係將D非絕對科學的標準愈set 愈高，令大量人被標籤，連治療師都話供不應求，又嚇親家長。
私人傳訊回覆 引用

aidan08


伯爵府

積分: 19547


7#
發表於 23-11-13 08:50 |顯示全部帖子
莫失莫忘 發表於 23-11-13 07:39
我明你意思, 宜家「正常」個範圍好窄。

Exactly! 我就係咁嘅意思！

十幾年前，我大仔年代，小朋友被標籤為SEN係少過而家好多，但已經見好多我覺得係誤診、誇張咗的case. 我老友兩個仔，當年都被懷疑係。我老友本身自己都好叻，性格硬淨、自信，一開始已經無視呢D標籖，繼續用自己認為啱的方法去教。結果兩個仔唔知幾正常，社交學業都無問題，仲好叻。唔覺佢哋成長中有乜嘢融入唔到主流標準的焦慮。

到而家，我細仔好多同學被懷疑係，個個要去做training, 但好多家長根本唔覺得自己的仔女有乜大問題，開頭被懷疑都好困擾，只係慢慢叫自己接受，做training 無壞而已。真正有需要的小朋友，我覺得家長自己都會察覺，係會好難自己處理。而家我見到嘅係，好多小朋友，根本家長唔覺得佢哋有問題，自己亦處理到，但被逼要去被標籤，去洗錢做training.
私人傳訊回覆 引用

aidan08


伯爵府

積分: 19547


8#
發表於 23-11-13 08:52 |顯示全部帖子
RoseRosa 發表於 23-11-13 08:31
有時令真正需要嘅排服務要等好耐

呢個就係我認為將個標準愈set 愈高最大的問題！
私人傳訊回覆 引用

aidan08


伯爵府

積分: 19547


9#
發表於 23-11-13 08:53 |顯示全部帖子
RoseRosa 發表於 23-11-13 08:31
有時令真正需要嘅排服務要等好耐

呢個就係我認為將個標準愈set 愈高最大的問題！
私人傳訊回覆 引用

aidan08


伯爵府

積分: 19547


10#
發表於 23-11-13 09:13 |顯示全部帖子
本帖最後由 aidan08 於 23-11-13 09:18 編輯
sheepmui 發表於 23-11-13 01:27
真正認識下sen先才下結論吧。
讀得成書，事業有成，搵到錢，看似人生發展好好，也不代表沒有sen這回事。很 ...

我對SEN有一定認識，但對佢評估嘅方法、準則唔認同而已。


無錯，好多專業人士都有SEN特質。而呢D所謂SEN特質，係近呢十幾廿年開始被廣泛認同，然後作為評估是否有特殊需要的準則。但上面我都提過，大部分呢D準則，都非絕對科學，好似驗血咁驗證到出來。於是，結果係標準可以愈set愈高。


其實，你所講嗰D不自知有SEN的成年人，尤其有成就嗰批，有冇人統計過，佢哋在無被標籤和無接受training 底下成長，有幾多%有你所講的「因為自身的小眾SEN條件但要適應大眾準則的日常生活而造成的問題，內心的焦慮壓力等等問題」？



有冇人去研究吓，究竟被標籤問題大D，定不被標籤問題大D？



呢批人，在不被標籤，沒有training 下成長而能夠在社會爭取到過人成就，咁佢哋被標籤的需要在哪？假如佢哋並沒有感受到你所講的焦慮和難以適應的話。



我之所以咁講，係因為我有認識過都幾多呢類已成年，算是社會上比較有成就，而用現在標準睇，小時候有SEN特質的人。由於我對呢個範疇有興趣，所以我會問佢哋一D問題去了解一下。佢哋大部分無你形容嗰種焦慮，成長過程無所謂適應問題。我估計係因為當年的社會，並沒有如今日般咁去標籖咁多唔同特質的人。
私人傳訊回覆 引用

aidan08


伯爵府

積分: 19547


11#
發表於 23-11-13 09:28 |顯示全部帖子
pauline_c 發表於 23-11-13 01:36
唔係叫好聽，係正面，媽媽可能第一次聽要了解會嚇親，嚇係一種 alert，明白有危尋求改善。我個仔都係 SEN ...

媽媽，假若你在教養小朋友過程中，亦發現好多地方難以處理，面對好多挑戰，自己亦感受都好需要協助的話，那我相信你的小朋友真的有特殊學習需要。

我提出的問題是，現在其實很多家長，根本不認為自己的小朋友有特別難處理的問題，只是某些性格特質剛巧中了愈set 愈高的標準而被標籤的無奈。我認識很多這類家長，觀察所見，佢哋D小朋友放諸十幾年前，應該不會被懷疑或標籤，而需要去做training. 這些標準，其實對家長構成一定心理和經濟壓力。
私人傳訊回覆 引用

aidan08


伯爵府

積分: 19547


12#
發表於 23-11-13 09:46 |顯示全部帖子
本帖最後由 aidan08 於 23-11-13 11:39 編輯
afterall 發表於 23-11-13 09:29
其實asd 嚟講，個腦係同一般人唔同而照mri係可以睇到個分別，但又可能小朋友太細唔會照mri而只能用臨床去d ...

我認識大部分被診斷或懷疑有asd 的人，都無經過或被提議去照MRI呢個過程。根本仍然唔係大趨勢，亦未建立到如好多其他病症般可以依靠MRI去診斷的關係。


只可以話，SEN呢個範疇，基本上絕少用絕對科學的方法去診斷。在很多方面來說，係一門仍然處於發展中的科學。


「而亞氏保加係本身唔當係自閉症，後來就立入自閉譜系」，多謝指正，我混淆咗先後。但無可否認的是，自閉症其實同阿氏保加有非常大的分別。立入同一譜系，剔出同一譜系，相信仲需要好多硏究。
私人傳訊回覆 引用

aidan08


伯爵府

積分: 19547


13#
發表於 23-11-13 15:51 |顯示全部帖子
pauline_c 發表於 23-11-13 14:32
SEN 亦唔一定學習困難，要特別 training，似乎你唔太明白咩係 SEN。

我當然知道SEN不一定是學習困難，可以係社交、情緒、肌肉協調、專注力等等。

我都講過好多次，我唔係否定SEN的存在和其相關支援，而係現在發展到介定的標準太過高，令到好多根本只係性格特質、發展快慢的問題，被誤診為有特殊需要，令好多家長焦慮。其實也令個教育環境更欠缺包容性。

你可以唔認同，亦可以指教何以見得我唔太明白咩係SEN?

私人傳訊回覆 引用

aidan08


伯爵府

積分: 19547


14#
發表於 23-11-13 15:57 |顯示全部帖子
pauline_c 發表於 23-11-13 14:47
處理同 training 唔會被逼，家長可以決定。懷疑同確診仲係有條線嘅 ~ 評估唔係你講到咁虛無飄渺。
...

我無覺得評估虛無飄渺，我講嘅係未有絕對科學，類似驗血、照腦呢D方法去識別，好多時存在灰色地帶。
私人傳訊回覆 引用

aidan08


伯爵府

積分: 19547


15#
發表於 23-11-13 16:40 |顯示全部帖子
CCHINGC 發表於 23-11-13 16:27
回覆 aidan08 的帖子

因為宜家教育傾向要人人都要差不多，其實，每個人都有自己特質，有d野無咁叻，亦有d ...

好有同感！

現在所謂SEN的發展係令到教育愈來愈欠缺包容性，要全部人嘅能力同本性差唔多，要求符合曬高規範的「正常」標準，唔容許一D獨特性，去方便現今的教育工作者。而根本個真實社會，就係充滿各式各樣唔同性格、唔同能力嘅人。
私人傳訊回覆 引用

aidan08


伯爵府

積分: 19547


16#
發表於 23-11-13 18:45 |顯示全部帖子
本帖最後由 aidan08 於 23-11-14 07:12 編輯
莫失莫忘 發表於 23-11-13 17:56
我自己覺得呢種情況同學校要求愈來愈高都有關係。小朋友一日咁長時間喺學校, 要坐定定要留心聽書要趕課程, ...

非常明白你感受，你嘅情況實在十分之普遍。你講得無錯，醫生評估前其實已經有曬前設，去得評估，我幾乎無聽過check 出嚟係無事，就算無典型自閉、ADHD特徵，點都會話個小朋友有一兩樣發展遲緩。

再者，醫生嘅評估，都係建立喺一兩次嘅見面，好多小朋友對陌生人，本來就係會有同平時好唔同的表現。我覺得呢D評估，基本上都係流於草率。另一點就係，成個行業根本有點專業之間相畏的情形。老師叫家長帶學生去評估，即係老師覺得小朋友有問題，去到醫生度，醫生靠口述了解大部分情況，其中老師乃專業，醫生亦較傾向老師前設，而且，好老實講，寧嚴勿鬆吧？小朋友去做training 一定無壞，但比醫生評估咗無事，然後之後發現更多問題，咁醫生咪好大責任？咁點解唔話咗你點都有D問題，叫你去做training 先呢？呢個就係無絕對科學化嘅驗證方法帶來的問題。

成件事，家長壓力就最大！其他各方根本都有好處，老師將個小朋友交比治療師去train 到個小朋友更易處理，醫生nothing to lose, 又可以介紹治療師，治療師更好少話小朋友無事，咁細個，大部分小朋友點都有D嘢做得未夠好，照train 照收錢。而家長無咁強自我判斷能力的，就會照單全收，要接受小朋友被標籤，要比錢同周圍帶去做training, 小朋友響學校有乜問題，都可以歸究為小朋友自己有問題，而唔係老師嘅問題。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見