Baby Kingdom - 親子王國 香港 討論區 › 首頁 › 婆媳關係› 有冇見過咁惡毒既99呀?

婆媳關係

收藏本版
發帖
返回列表
跳至頁

首頁
123

尾頁
   13
mrsleung0716


大宅

積分: 2668


41#
發表於 10-11-6 18:52 |顯示全部帖子
其實我都知你地都係緊張個小朋友..........
講真,識我既朋友不嬲都認為我係一個好媽媽,我一對自問對自己仔都好儘心,聽完你地咁講,我完來唔係做得好好.
照腦一事,如果比你地,你地小朋友成日話頭痛想嘔,你地會唔會唔理呢?如果我一心同99鬥氣而忽略左個小朋友病情,好在冇事,如果有事我相信你地又會話我唔好好保護佢地.
我99點解成日咁癲,其實係因為99好錫個孫,佢成日好想獨佔佢,連我呢個阿媽都嫉妒,99都叫做真心幫我照顧左我大仔幾年,我唔信99會害我個仔既.
同埋小朋友好奇怪既,今期唔仲意99,下期又會唔仲意同老公,有時佢去左99度唔肯返黎,老公去99度捉佢,佢又大喊大叫架,小朋友心情真係估唔到.
可能我講得唔詳細,只係幾行字未必令大家咁了解,我都唔會怪大家,我明白我係度公開呢個故事會有唔同反應唔同聲音,我知大家冇惡意既.
私人傳訊

mrsleung0716


大宅

積分: 2668


42#
發表於 10-11-12 13:00 |顯示全部帖子
好慘呀~~~~~大仔病左又傳左比細,之後自己又病埋,冇咩時間up呀..........
你地都要小心呀,呢d天氣小朋友好易病.
私人傳訊

mrsleung0716


大宅

積分: 2668


43#
發表於 10-11-15 17:51 |顯示全部帖子
多謝關心!好好多,係大仔一早一夜仲有幾聲咳.
其實呢我信有報應架,做人真係要對得住良心.99搞左一大輪野,我同c6已經唔so佢同自己揍番2個仔,99都冇咩動靜喎,我都好奇怪.點知有一日99打比c6又唔知講咩,c6之後同我講,話佢個擦鞋妹同一個離左婚有個仔既男人拍拖,叫我C6勸下佢,叫佢同個男人分手,我c6話唔會理佢呢d野,佢咁大個人唔駛人教,99仲不停叫我c6介紹男仔比佢識..............之後阿妹有日打比我話佢想唔做依家份工,做得唔開心,我心唸關我咩事呀?點知原來佢話叫我炒左工人(工人我地比番錢,因為有次99話仲咩要佢比錢請工人比我使喎?佢老人痴x左囉,我同c6講以後佢話比錢幫我地咩都唔好要,唔仗好受佢任何恩惠),佢幫我揍2個仔,我心唸你傻架,又唔知同99搞咩陰我?我笑笑口咁同佢講我請唔起你呀,點知佢個妹話唔緊要我比番工人錢佢就得,我當然一口拒絕佢啦,仲話我做埋今個月唔做,自己揍,唔使你喇.原來99叫擦鞋唔做,99比10000~15000比擦鞋妹,叫佢幫佢搶番個孫,我心唸99當然有問題,但佢個妹都不知所謂囉,20幾歲幫人揍bb?又冇經驗,又唔識煮飯煲粥,唔好以前我傻先得架.
佢個妹搞我唔掂,近期又話想開小食店,叫99比錢,99話要佢同佢男友唔來往先比錢撐佢,擦鞋妹話一早已經分開左,而家冇聯絡,點知99搵人跟蹤佢,知佢地仲一齊,99冇出聲扮唔知,但同擦鞋妹講話問過神你未係時候做生意,係時候我會同你講,呢d都係c6同我講,99一方面要靠佢個女接近我地,唔可以得罪,一方面又怕自己個女坤佢既錢,點解一家人要咁架?
私人傳訊

mrsleung0716


大宅

積分: 2668


44#
發表於 10-11-15 18:16 |顯示全部帖子
有一日99仲搞笑,話神同佢講呀,我做錯事發左唔知咩誓,神會懲罰我,快就1~2個月有事,耐既可能1~2年,要我同佢跪地認錯先冇事,仲話佢係中間人幫神通知我,我唔做唔關佢事,佢又狂留左4~5次言比我同C6講呢件事,又問我幾時跪佢,佢要同神講,我同c6真係理佢都正白痴.........
其實我地仲未搬到呀,我c6工作關係可以申請宿舍,我地都等左成年,年中想買但見樓價不停升,我又冇做野,實左買唔到呀,唯有等下啦,c6話唔好為左啖氣搞到自己負資產,到時99實好心涼,我地唯有忍下啦.唔忍都忍咁耐,我得既.
同埋99都好忙,佢每日8~9點先返,我要個仔9點訓,99都知夜晚見唔到個孫,佢日日一早係校車站等我地,我就唔到最後一分鐘都唔到校車站,99成日話我地唔好咁遲,我理都唔理佢,而家我直情當佢透明,佢都一樣,我有時望都唔望佢呀.............過時過節都冇去99度,99都有話我c6,但又唔敢太強硬,因為怕c6又唔聽佢電話喎..................
其實我既故事都完架喇,未知遲下99又會唔會有咩行動,有再同大家講,我信一定有囉,因為如果我地話搬,我唸佢一定有野搞我地,到時再講啦.

私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見