Baby Kingdom - 親子王國 香港 討論區 › 首頁 › 自由講場› 爸爸已走一個星期了 ...

自由講場

收藏本版
發帖
返回列表
跳至頁

首頁
1

尾頁
   0
AndrewMami


子爵府

積分: 10244


1#
發表於 16-8-3 11:43 |顯示全部帖子
自從爸爸走了, 個天好似塌了下來, 每行一步都感到無力, 去辦証件, 籌備後事, 雖然老公一路陪住我, 但每一步都好難行
既要處理煩瑣事情, 亦要每日打俾媽媽, 問吓佢有無食飯, 做緊乜... 呢一切我都好樂意
但仲要應付三姑六婆, 事情太複雜, 我只知我會不顧一切去保護我屋企人, 我好相信如果爸爸還在, 佢會一樣咁嬲, 唔會原諒d 傷害家人嘅人 ...
要處理嘅野實在太多, 同媽媽頂咗兩句, 我自己都好唔開心
從爸爸開始中風, 入老人院, 到依家突然走了, 只係短短 3個月都無...
以為關關難過關關過, 都係呃人嘅...
我好大壓力, 每日只可以瞓到兩個鐘, 我唔知自己仲撑唔撑得住 ....
爸爸, 你喺邊道.. 我好想再聽到你叫我傻囡, 傻瓜

點評

karenlohy    發表於 16-8-3 17:29
siu05    發表於 16-8-3 16:19
私人傳訊

AndrewMami


子爵府

積分: 10244


2#
發表於 16-8-3 12:27 |顯示全部帖子
雲 發表於 16-8-3 12:22
好明白樓主的心情，你要努力撐下去，爸爸一定會知道你疼他的。
大半年前，我爸爸走了。為了不想媽媽傷心操 ...
其實我, 老公同家姐, 都係唔會 care 其他人點睇, 我只係做俾媽媽同爸爸睇 ... 家姐好忙, 所以所有事情我都係要去處理
正正就係因為有個阿姨講咗句說話, 傷害咗我爸爸媽媽, 我哋真係好嬲 ... 我知道我做細唔應該無禮貌, 但我亦容忍唔到有人咁對佢哋, 所以我好驚自己控制唔到, 如果當日見到佢, 我會鬧佢 ...
私人傳訊

AndrewMami


子爵府

積分: 10244


3#
發表於 16-8-3 12:29 |顯示全部帖子
20150618bb 發表於 16-8-3 12:24
你而家做到.邊度.......睇下可否提点下你,我唔係個的從業人員.
依家爭回魂未做, 其他野 agent 都安排緊同已落實 ..
私人傳訊

AndrewMami


子爵府

積分: 10244


4#
發表於 16-8-4 10:44 |顯示全部帖子
噚晚, 又打俾媽媽.. 都OK 無乜野... 正常 ...
繼續做要做的, 我叫咗佢, 如果有其他人說話, 就話我個囡已經搞掂喇, 無問題 .... 唔駛件事再兜兜轉轉...

不過 ... 又另一個問題嘅開始 ...

不嬲兩老都好錫我兩個小朋友 ... 始終得兩個孫仔... 佢哋又尚算乖巧 ..
但兩個小朋友喺屋企梗有爭野用, 玩呀咁 ... 哥哥好獨立, 鍾意自己一個人, 妹妹就鍾意人陪, 有人同佢玩 .. 結果兩個就成日就話你唔陪我, 我唔想玩咁 ..
事緣噚日兩個小朋友又係咁爭電腦, 爭到喊, 咁工人姐姐就兩個都唔俾玩住, stop 佢哋 .. 哥哥就狂喊打俾婆婆, 就話姐姐唔俾佢玩, 無哂前因後果, 咁工人梗係中哂鎗啦 .. 跟住婆婆叫姐姐聽電話, 想問咩事.. 但姐姐係講英文嘅, 加上妹妹又唔想有人篤佢, 就同婆婆講姐姐話唔聽... 結果, 姐姐又中多次鎗 ...

到夜晚同婆婆講電話嗰陣, 婆婆話唔鍾意個工人, 我唔可以話工人係最好, 但問心, 喺呢段咁艱難嘅時間, 係姐姐自己搞掂怇哋, 屋企無咩, 佢就帶住兩個出去買返嚟, 就算無放低錢, 佢都肯攞住錢出嚟 ... 小朋友鍾意食咩就煮俾佢哋食.. 起碼我同老公返到屋企都有餐飯食... 唔駛增加我哋負擔, 我係有眼見嘅 .. 小朋友每晚都同工人玩得開心, 如果工人真係蝦佢哋, 又點會咁呢....
而且我哋已經問哂佢兩個, 兩個都講返件事出嚟, 所以我更加肯定

我明白媽媽喺呢段時間係好唔開心, 但都要問清楚小朋友發生咩事, 而唔可以單憑一面就信..... 唔可以將自己唔開心, 就發洩喺其他人道...

我未完一個煩惱, 依家又另一個.... 真係好煩.... 又唔可以唔解決 ....

私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見