吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 到左37w後, c+產檢真係有必要做的!!!

懷孕前後今日: 25|主題: 329755

收藏本版

發帖

返回列表

跳至頁

查看: 8417 | 回覆: 17

到左37w後, c+產檢真係有必要做的!!! [複製鏈接]

idykawaii

男爵府

積分: 5466

1^#

發表於 12-5-1 17:19 |顯示全部帖子 |倒序瀏覽 |打印

本帖最後由 idykawaii 於 12-5-1 17:22 編輯

我真係有感而發, 長篇左D唔好意思, 但我想同各位jm講下發生咩事先...

事源我選擇左在政府生, 一直都打算餵人奶俾阿b, 所以一心都係選擇順產的, 我一直都很感恩阿b和我都平安健康咁一齊, 一直都係無特別所以都在湖康健康院做產檢(我在tmh生), 一路都相信健康院的姑娘及醫生. 之後到28w後, 湖康健康院開始每四週改至每二週檢查一次, 我見每兩星期都檢查一次同埋我每日都有習慣數住阿b的胎動, 亦都達標, 所以就打算推遲d到37w後再自己去私+做產檢啦, 期間就depend on健康院的檢查.

有喺健康院檢查的jm, 都知道健康院檢查每次都係自助磅重, 量血壓及驗尿; 之後就係姑娘摸肚和聽心跳, 然後就約下次產檢日期就拜拜啦. 由28w開始, 我每次檢查摸肚都會問姑娘阿b轉左頭未, 姑娘都話阿b"轉左頭"、"好似轉左頭"、"應該轉左頭"等的答案, 直到我35w+去健康院做b鏈檢查, 當日亦係做產檢的仲要係見醫生做, 醫生都係摸肚和聽阿b心跳, 醫生話阿b轉左頭. 咁我一直都相信阿b係轉左頭的, 我去健康院檢查, 姑娘和醫生不少於四次同我講話阿b已經轉左頭仔, 我用相信的心態去信任康健院為我所做的檢查, 包括佢地話阿b已經轉左頭仔. 來臨我將會在5月10日開始放產假, 咁我就貼埋心水等放產假等阿B出世.

到左36w, 唔知點解我成日都心不在焉, 成日都覺得個胸骨雞心位成日頂住晒, 第六靈感話我知如果係阿b雙腳應該唔會咁頂同咁硬, 所以我就打去俾c+醫生去做產檢, 36w4d(即昨天)我去做產檢, 照超聲波時我問醫生阿b臍帶有無cool住阿b, 點知醫生答我"bb係上面都未轉頭仔", 個一刻我晴天霹靂

mg:" />阿b竟然未轉頭仔, 但係健康院姑娘+醫生每次摸肚都話阿b轉左頭仔, 玩咩!!!!!!

咁我再問醫生阿b轉頭仔機會大唔大, 醫生好好人, 佢好決絕咁答我, "你依家36w4, 阿b已經有3kg, 我可以話你知阿b轉頭仔的機會係0"

其實我都感謝楊醫生咁坦白話我知, 唔俾假希望我, 唔似健康院d姑娘咁, 每次問轉左頭仔未, 都加d"應該", "好似"尼d助語詞.

一直打算順產的我終於夢碎, 為左阿b我將會捱一刀, 係搭西鐵返屋企途中, 我係度諗點解阿b咁百厭豬唔轉頭仔

但係諗諗下, 已經係事實惟有接受, 或者應該向好方面咁諗, 依家知道阿b未轉頭, 好過只相信健康院的答案, 以為轉左到時一定要我順產的, 去到tmh痛我十幾個鐘先知未轉頭仔再推我開刀仲大鑊, 起碼依家我仲有時間plan開刀後要怎樣餵人奶和坐月

所以我真係好衷心同各位jm講聲, 如果在政府生, 真係唔好只係依賴健康院的產檢, 一定一定要在37w後點都去c+檢查一次, 懷孕到左最後階段, 尼d錢真係唔慳得

mouth:mouth:" />

0 0 0

私人傳訊

idykawaii

男爵府

積分: 5466

2^#

發表於 12-5-1 17:32 |顯示全部帖子

回覆南天白雲的帖子

真係唔好信健康院d姑娘, 摸肚真係信唔過

私人傳訊

idykawaii

男爵府

積分: 5466

3^#

發表於 12-5-1 17:35 |顯示全部帖子

回覆 mgm00 的帖子

懷孕初期及中期都有去私+睇, 對上一次去睇c+係27w, 果時阿b仲未轉頭, 到左28w左右, 有一日我覺得個肚好墮同埋恥骨位會好酸, 咁arm又去健康院檢查, 姑娘同我講阿b轉左頭仔, 我都相信的, 因為果幾日的感覺真係好唔同, 好明顥下面位置墮d, 所以無特別再睇c+, 打算等35w後再約c+睇.

我只能話自己...信錯健康院

私人傳訊

idykawaii

男爵府

積分: 5466

4^#

發表於 12-5-1 17:40 |顯示全部帖子

回覆 mgm00 的帖子

真係信唔過，摸中左都係撞彩，健康院根本就要有超聲波儀器，摸肚邊信得過呀，仲要摸足四次以上都話轉左，我先咁怒對健康院咁失望呀！

私人傳訊

idykawaii

男爵府

積分: 5466

5^#

發表於 12-5-1 17:49 |顯示全部帖子

回覆 AliceCbaby 的帖子

我諗生之前佢地都會照一次的!

唉, 依家知道左阿B未轉頭仔, 仲有D手尾要搞, 明天我要打去健康院問問可以點安排, 因為我已經37W了, 要安排開刀生都要睇TMH有無期呢.

私人傳訊

idykawaii

男爵府

積分: 5466

6^#

發表於 12-5-1 18:22 |顯示全部帖子

babybeauty 發表於 12-5-1 17:52
樓主,

想問BB會係幾時開始轉頭? 到幾時開始CHECK私家比較好? 因為我上一次CHECK私家時已經係27周,依家31周 ...

通常都係28W開始轉頭的, 但係早轉頭都有機會轉番上去, 所以到36W後先會confirm係唔係真係轉左, 轉左就轉左, 未轉就唔會轉, 因為阿b已經大, 個肚會位俾阿b轉.

未轉頭要安排開刀生的, 因為胎位不正, 順產唔到, 但係tmh一定要37w後confirm未轉頭先會安排開刀, 我昨日去產檢係36w4d, 明天我打去健康院同姑娘講都係搏下佢地會唔會咁衰到連2日都堅持, 因為我阿b頭仔已經去到38w了, 依家重3kg添, 所以c+俾左三張超聲波相我同寫左幾隻字話阿b未轉頭同轉頭機會不大, 叫我攞去俾tmh作安排囉.

如果你35w檢查時若bb未轉頭, tmh及健康院會堅持睇多陣的, 最好等多1w, 到左36w後去c+檢查睇下阿b轉左頭未, touchwood如果未轉, 都可以有得同tmh商量和安排開刀日期.

祝你bb乖乖轉左頭, 咁你可以順產唔駛捱一刀呢.

私人傳訊

idykawaii

男爵府

積分: 5466

7^#

發表於 12-5-1 18:32 |顯示全部帖子

AlvinMom 發表於 12-5-1 17:52
我都係湖康產檢，問題同你一樣refer 去TMH follow up. 健康院姑娘&医生都摸錯肚，皆因呀b 個頭大過pat pat, ...

哈哈, 我昨天睇c+醫生時佢都摸我個肚, c+都係度笑話如果真係摸下就知就好lu, 一照超聲波咩都現形了.
你都好呀, 起碼依家refer去tmh, tmh有超聲波機真係咩都睇清睇楚. 我同你剛剛相反, 健康院姑娘和醫生摸你肚話你阿b未轉頭, 所以先refer你去tmh再check; 而我就係健康院姑娘和醫生話我阿b轉左頭, 由得我等生, 到時痛我十幾個鐘先落產房check才發現胎位不正推我開刀仲大鑊

所以我明天都要打去湖康健康院問姑娘可以點安排, 如果再拖到下個星期產檢先問, 計LMP已經38W, 但昨天c+ check話阿b已經38w了, 拖多一個星期就39w啦.

祝你順產順利, 你和bb都平安健康, 加油呀, jm

私人傳訊

idykawaii

男爵府

積分: 5466

8^#

發表於 12-5-1 18:37 |顯示全部帖子

zikeemaggie 發表於 12-5-1 17:54
我都一路冇特定時間去私家睇，只係初期去睇吓阿b嘅生長情況，但完來健康院係咁靠唔住架，好在有你提 ...

係呀, 我真係好衷心同各位jm講一聲, 真係唔好慳個幾百蚊, 去到37w後點都check多次呀. 有d jm去醫院做產檢, 有得照下聲波都好d, 起碼知道bb情況, 如果只係去健康院, 佢地無超聲波機的, 咩都係靠估靠摸

私人傳訊

idykawaii

男爵府

積分: 5466

9^#

發表於 12-5-1 18:50 |顯示全部帖子

kklemon 發表於 12-5-1 18:40
我第一胎的情況都好似你咁,37W前都係去政府到做產檢,一直都話阿囡個頭已轉下,到咗37W突然心血來潮去睇私家, ...

如果佢叫我去推肚, 我一定唔會答應

mouth:

昨天我去c+產檢, c+醫生話我阿b頭仔已經去到38w, 重3kg, 而且我肚細, 醫生好風趣咁話"你成個肚都係bb", 我都有問過佢推肚得唔得, c+同我講推肚有風險, 同埋我個肚已經無位俾bb, 我望住超聲波部機, 醫生開4d俾我睇, 阿b手仔要屈住, 我見佢好似好迫, 住緊蝸居咁

私人傳訊

idykawaii

男爵府

積分: 5466

10^#

發表於 12-5-1 18:55 |顯示全部帖子

best-horse 發表於 12-5-1 17:56
其實健康院同e院應該用超聲波照B先係呀~成日估估吓....一睇起碼都睇到會唔會臍帶繞頸,有無掉頭等情況嘛! :n ...

係呀, 健康院都有一位醫生駐院, 點解唔可以有一部超聲波機呢. 經歷過今次件事, 我會寫信俾特首辦, 根本無可能無超聲波機的, 香港又唔係好多間健康院, 每間健康院加部機要幾錢wor, 唉!

私人傳訊

idykawaii

男爵府

積分: 5466

11^#

發表於 12-5-1 22:50 |顯示全部帖子

引用：所以必須去私家診所照超聲波，摸肚！？五、

原帖由 天使CHUBB 於 12-05-01 發表
所以必須去私家診所照超聲波，摸肚！？五、六十年代咩

未係! 我阿媽生我時係摸肚和聽心跳，到今時今日我生阿B都係摸肚和聽心跳，根本無進步到!

私人傳訊

idykawaii

男爵府

積分: 5466

12^#

發表於 12-5-2 12:28 |顯示全部帖子

回覆 iamlazy 的帖子

係呀, bingo!

我住屯門區, 唔想下下都走到九龍產檢, 屯門又無咩好的婦科醫生, 所以去元朗睇囉! 我覺得楊醫生唔錯, 細心同部機都新, 起碼可以睇4d嘛

加上楊醫生好體諒孕婦的, 我次次下午先去產檢佢都會寫一日假紙俾我.

私人傳訊

idykawaii

男爵府

積分: 5466

13^#

發表於 12-5-2 12:29 |顯示全部帖子

加上楊醫生好體諒孕婦的, 我次次下午先去產檢佢都會寫一日假紙俾我.

私人傳訊

idykawaii

男爵府

積分: 5466

14^#

發表於 12-5-2 12:29 |顯示全部帖子

加上楊醫生好體諒孕婦的, 我次次下午先去產檢佢都會寫一日假紙俾我.

私人傳訊

idykawaii

男爵府

積分: 5466

15^#

發表於 12-5-2 12:41 |顯示全部帖子

babybeauty 發表於 12-5-1 18:33
回覆 idykawaii 的帖子

謝謝你詳細的回覆.

babybeauty, 我今早打左電話去湖康健康院同佢地講左我的情況俾佢知, 剛巧逢星期三下午有產前檢查, 佢地叫左我今日下午返去湖康健康院見左醫生先, 唔駛等到原定下星期的產險先去. 我諗36w後在c+產檢若發現阿b未轉頭仔或有咩異樣, 佢地都會接受的.

私人傳訊

idykawaii

男爵府

積分: 5466

16^#

發表於 12-5-2 14:53 |顯示全部帖子

回覆回覆:easyahk的帖子

我今日打左電話問了，佢地叫我今日下午去返健康院見左醫生先，再決定下一步點做.

私人傳訊

idykawaii

男爵府

積分: 5466

17^#

發表於 12-5-4 15:04 |顯示全部帖子

Franceschingyi 發表於 12-5-4 14:07
我係瑪麗做產檢，而且係孖，但每次產檢，除佐等足三個鐘外，見醫生都係五分鐘，一様只係摸肚丶度肚、同聽心 ...

係呀, 我都同意你陀住孖b, 咁辛苦去QE等三個鐘做不足五分鐘的無謂產檢, 加上又係個醫生SUGGEST你唔需要去, 我覺得休息下去私家睇仲好呢.

我果日攞住私家封信去健康院俾醫生睇, 因為我一直去健康院檢查姑娘及醫生都無我阿B轉左頭仔, 點知我去私家檢查照超聲波時一睇已知阿B無轉頭, 健康院見到私家封信及超聲波相, 立即寫紙我即去TMH, 我去到TMH再由醫生超聲波再確認阿B無轉頭後, 俾期我38w4要開刀生了. 如果唔係私家醫生有mon住我的情況知道阿b無轉頭叫我立即有幾快得幾快去TMH, 我諗到我生時佢地實要我順產痛足十幾粒鐘後先知胎位不正, 先推我去開刀仲麻煩呢, 起碼依家安心D知道無轉頭後會幾時開刀生, 好過到時臨急抱佛腳呢.

所以私家產檢真係唔好慳, 慳咩都好, 慳孕婦按摩或慳大肚相都好, 都千其唔好慳私家產檢D錢呢.

政府摸頭, 又邊會信得過呢<---親身經歷

mouth:

私人傳訊

idykawaii