吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 阿仔被確診係自閉症譜系…好徬徨

自由講場今日: 3507|主題: 1304021

收藏本版

發帖

返回列表

跳至頁

樓主: DTfamily11

積分: 1565

21^#

發表於 17-1-31 12:40 |顯示全部帖子

MariaTsui 發表於 17-1-31 12:08
如果想知那間小學對sen有支援，做媽媽一定不可以偷懶，要逐間逐間小學打去問，如果有open day，就直接私下 ...

我有試過打電話去學校問，但答我問題既只係一個學校書記，仲要係似無乜能力果隻，簡單如我問佢搭巴士去佢學校應該係咩站落車都答唔倒我，唔通我要寫信去學校問？

私人傳訊

DTfamily11

大宅

積分: 1565

22^#

發表於 17-1-31 12:47 |顯示全部帖子

megumiyu 發表於 17-1-31 06:48
咀嚼慢呢樣應該係感統問題，做訓練可改善的，唔好再罰佢冇飯食啦，因為佢都唔想的

...

多謝提醒，請問知唔知邊度有得做感統評估，而機構係可靠可信的？而家唔會咁罰個仔喇，果時係乜方法都試睇下邊樣work

私人傳訊

DTfamily11

大宅

積分: 1565

23^#

發表於 17-1-31 13:13 |顯示全部帖子

小manman 發表於 17-1-31 12:41
「我係佢阿媽，我看在眼內係睇倒阿仔同人有啲唔同，奈何身邊所有人都唔認同，包括佢爸爸，甚至認為我因為 ...

本帖最後由 DTfamily11 於 17-1-31 14:23 編輯

我仲要在職單親媽，完全無外家幫。工作上已經好大壓力，阿仔成日有事我要請假已經受盡面色，工人又唔生性，3個月前走完一個，新黎呢個本身做野一無事處，做唔夠2個月又話唔做，最近仲要發現阿仔係自閉症譜系。我一個人真係兼顧唔倒咁多野，唯有要求前夫要幫手，點知佢完全幫唔倒手不特止，仲要出口術下下話阿仔係男家無表現咁差，仲要係度認叻，果下我真係被刺激到失控大罵，果下我真係想俾番個仔佢湊，但我真係唔忍心唔幫個仔，因為如果俾男家湊，佢地一定唔會發現，接受，面對阿仔係有病，佢地一家人最興認叻，最叻講"細路仔係咁架啦"，"細路仔唔頑皮你先驚"

其實我懷疑我前夫都有自閉症，啲症狀中晒，完全溝通唔倒，啲野講極都唔明...我真係好不幸，好命苦

私人傳訊

DTfamily11

大宅

積分: 1565

24^#

發表於 17-1-31 18:44 |顯示全部帖子

chowqv 發表於 17-1-31 14:40
本帖最後由 chowqv 於 17-1-31 14:42 編輯

冷靜d，我地逐樣拆解。

多謝你既提點，令我領略倒少少，下次我試下一個指示一個指示咁俾睇下會唔會好啲。

個仔多數係工人湊，就算我返到屋企，因為太多事情都要我處理，所以我分唔倒太多精神俾個仔係真既…

另多想請教，我係咪應該將件事話番俾阿仔讀緊間幼稚園知？前提係我好不滿個班主任，佢係一個好無heart每日放學只趕住收工既不知所謂老師。以前我每次問佢阿仔插班入去讀適唔適應倒，佢都表現出極不耐煩唔想答我; 試過聖誕班際表演唔俾阿仔同幾個比較唔定性既同學仔參加，擺明歧視放棄啲無咁好湊既學生，當然官腔答案唔係咁講; 阿仔係學校出現社交問題，俾一個同學柸葛叫晒全班唔好同阿仔玩足足一個學期，阿仔同班主任反映，個不知所謂班主任叫阿仔唔好同佢呢啲，攪到阿仔最後承受唔倒被欺凌而喊住話唔返學！之前未知阿仔有事時，我抱住忍耐放棄同班主任接觸既態度，因為得罪佢係對阿仔更不利，但而家阿仔有事，我又好想學校俾倒支援我個仔，我應該點做好？

私人傳訊

DTfamily11

大宅

積分: 1565

25^#

發表於 17-1-31 18:48 |顯示全部帖子

chowqv 發表於 17-1-31 16:05
其實，有無得同CAC要求做小一入學評估？呢份報告，好有用，學校拎住佢同教處申請額外既錢俾小朋友。
阿仔小 ...

而家最緊要睇下cac肯唔肯幫我個仔做評估先，如果有期，我就要求佢做埋小一入學評估請問我應該點樣為個仔揀小學？

請問你仔仔之前係邊度評估出黎的？

私人傳訊

DTfamily11

大宅

積分: 1565

26^#

發表於 17-1-31 18:59 |顯示全部帖子

vvchoi 發表於 17-1-30 22:07
http://www.swd.gov.hk/tc/index/site_pubsvc/page_rehab/sub_listofserv/id_psosps/

thanks a lot. 但我check倒阿仔間學校無到校服務...咁點算？

私人傳訊

DTfamily11

大宅

積分: 1565

27^#

發表於 17-1-31 20:20 |顯示全部帖子

chowqv 發表於 17-1-31 19:45
本帖最後由 chowqv 於 17-1-31 19:53 編輯

阿仔係CAC（尤德）做評估。

本帖最後由 DTfamily11 於 17-1-31 20:23 編輯

多謝你耐心解答同鼓勵！我會努力！
个班主任唔應該內疚，佢發現倒學生嘅問題係幫緊佢，值得表揚。
請問你仔仔而家邊个湊？我諗緊係咪應該辭左份工去湊仔，但我前夫又靠唔住，我都好掙扎。
另外，我都想去做評估，請問成人可以去邊度做？

私人傳訊

DTfamily11

大宅

積分: 1565

28^#

發表於 17-1-31 20:54 |顯示全部帖子

Nymph_ 發表於 17-1-31 15:16
樓主好欣賞你甘積極面對同幫個小朋友,但我知道有個媽媽吾接受個仔係中度智障,個小朋友今年p.2,完全吾明白對 ...

本帖最後由 DTfamily11 於 17-2-13 22:41 編輯

本帖最後由 DTfamily11 於 17-2-1 11:12 編輯

我絕對明白你講既野。咁多年以黎好多人都唔認同我既睇法，send好多文章俾我睇叫我要正面咁睇個仔，要相信自己個仔既能力唔好否定佢。有人吹噓我個仔幾叻幾醒時，我好多時都無被蒙蔽，個仔做得好既地方我絕對會認同，但佢既不足之處，某方面既能力未能達至同齡我就必須要正視。作為家長，要吹噓自已小朋友，要認叻好容易，但要誠心正視接受小朋友既缺憾係艱難。好彩我份人硬頸，自己認為啱既事係唔容易妥協。

果個小朋友係你小朋友既同學仔？如果佢阿媽唔肯改變自己既諗法，無人可以幫倒佢個仔，可憐的小朋友….

私人傳訊

DTfamily11