Baby Kingdom - 親子王國 香港 討論區 › 首頁 › 夫婦情感› 我仲可以原諒佢嗎

夫婦情感

收藏本版
發帖
返回列表
跳至頁

首頁
1

尾頁
   7
jor_mankiu


大宅

積分: 1086


1#
發表於 22-2-4 14:52 |顯示全部帖子
我情況同你差唔多，佢無睹但係大洗，過去十年我同佢還過幾十萬卡數，又搵過佢啲朋友幫忙解決，又試過好多唔同方法。最近又發現佢又欠銀行幾十萬。宜家小朋友12、14歲終於決定斬欖離婚。我來自完整家庭，身邊個個正常人唔會借唔會欠，無人離婚，所以呢個決定對我來講真係好困難。

我嘅經驗同睇法是賭同借錢嘅人係唔會改變的，唔好諗住呢次係最後一次。如果你接受到，你就搵個方式可以唔影響小朋友同自己財政下生活，甚至預左養埋佢。唔得的話早走早著。
私人傳訊

jor_mankiu


大宅

積分: 1086


2#
發表於 22-2-5 07:24 |顯示全部帖子
Karen0218 發表於 22-2-4 20:15
想問我所有資產都冇佢名，如果我唔同佢離婚，佢touchwood有咩事佢欠的債我係咪都會上身？ ...

債務唔會上身，但賭仔欠起錢上黎乜都做得出，佢想離婚分返你一半資產都可以，如果你有收入佢有收入，或者之後佢冇咗份工，你有責任要養埋佢。

我當時都係因為佢點都叫做有照顧下小朋友，煮下嘢食，車出車入，覺得唔好搞大件事，但其實真係唔好諗住佢會改，只會越來越差，我都好希望佢係一個正常人，點解講咗咁多次都係一個大話琴日個大話，原來係我自己有不合理期望，認為對方會最後會改變，原來真係唔會的，所以你要諗嘅唔係佢究竟幾時會變返正常人，佢係唔會的，要諗嘅係如果佢繼續都係咁你仲接唔接受到。
私人傳訊

jor_mankiu


大宅

積分: 1086


3#
發表於 22-2-5 07:28 |顯示全部帖子
Karen0218 發表於 22-2-4 22:28
係，我真係太天真心軟，次次好快就冇事照平常一樣生活

我都係同你一樣咁樣諗法，只係想搵方法解決件事，就算我唔想佢啲朋友都好想幫忙解決件事所以到最後都出手借咗俾佢。我屋企人都係一般正常家庭，覺得婚姻點都會出現唔同問題，解決左就可以過得去，但原來借錢嘅人係唔會改的，我而家過咗10年終於發覺有啲問題係解決唔到的，如果我成日做同埋諗所有嘢可以改變或解決一個問題，呢個應該係我嘅問題，因為我唔應該有不合理的期望，同埋要接受有啲問題係唔會解決，有啲人係永遠都唔會改，亦沒有打算改的。
私人傳訊

jor_mankiu


大宅

積分: 1086


4#
發表於 22-2-5 07:31 |顯示全部帖子
Karen0218 發表於 22-2-4 21:27
回覆 Nbs 的帖子

咁多年欠啲錢佢全部有還，只係俾唔到家用我，等於我自己供養小朋友 ...

其實即係話你一個人搞得掂，財務上你根本唔需要靠佢，咁你就要諗如果由而家開始佢一蚊都唔俾，你負責晒所有住屋工人小朋友等等你係咪可以接受，因為呢個就係你嘅事實，如果你老公一蚊都唔付出你都肯接受同樣埋佢的話，咁就繼續行落去。

對我自己來講，如果老公真係對我好好對小朋友好好，有得溝通的，大家目標一致的，我養埋全部人都唔係問題。但最後臨界點係佢又發脾氣，又好似我欠咗佢咁，我都唔知自己為乜，於是十幾年後終於醒，發覺其實應該早啲下這個決定。

私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見