吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 後悔移民

國家地區媽媽會今日: 1|主題: 20236

收藏本版

發帖

返回列表

跳至頁

樓主: iriswy

[美國] 後悔移民

[複製鏈接]

1 234 5...6

mugtaitai

公爵府

積分: 28219

41^#

發表於 18-9-20 13:23 |顯示全部帖子

本帖最後由 mugtaitai 於 18-9-20 13:25 編輯

rose-mag 發表於 18-9-20 12:48
唔只老人院，仲有醫療同生活習慣，我父母嚟咗廿幾年，早年細佬問佢地返唔返香港，思前想後，佢地都話唔返 ...

我有個 auntie，早年陪仔女過來讀書兼移民，到最細嘅仔都入左大學就搬返去亞洲住，但離開左咁多年，再返去真係唔慣，住左幾年又搬返美國。佢前幾年就係賣左間屋，入左間老人院，佢話 ok 呀，地方闊落，有人定時來清潔，樓下有餐廳，日日轉餐單，院友都係退休教授同專業人士，斯斯文文，老人院又有好多節目安排比院友，佢話好似郵輪假期咁。老人院有三種單位，可以自理、中度護理同高度護理，佢而家可以自理，住緊普通單位，前一排佢跌親，自理唔到，就轉左去同一個老人院嘅中度護理房，好返後就搬返普通單位，佢話老病到唔可以自理就會搬高度護理房，可以住到終老，佢好滿意

希望我將來都搵到以及可以 afford 到佢呢種老人院

私人傳訊

mugtaitai

公爵府

積分: 28219

42^#

發表於 18-9-20 13:30 |顯示全部帖子

kfc1999 發表於 18-9-20 13:16
引用kkyyn
HK現在的年青人, 怨氣太多, 成日都話, 政府點樣吾好

對，所以唔可以淨係用錢來比較兩地，有 d 嘢錢買唔到，而家中國搵錢機會可能仲多過香港，但係你要唔要去？

私人傳訊

mugtaitai

公爵府

積分: 28219

43^#

發表於 18-9-20 13:33 |顯示全部帖子

wrymoep 發表於 18-9-20 11:35
我估如果要係香港住同美國相同質素既老人院，價錢比美國還要貴。

的確好多食物係美國平過香港，過去幾年我每次來美國都帶大量農產品返香港，我諗比海關見到會笑

私人傳訊

mugtaitai

公爵府

積分: 28219

44^#

發表於 18-9-20 13:43 |顯示全部帖子

kayeeian 發表於 18-9-20 13:29
係呀不過好好笑㗎
如果呢你喺海外報稅成日都收入低嗰個免稅額，政府會畀封信你話你在仲係低收入交唔到稅 ...

資本主義世界都係用錢來分階層㗎啦，天下烏鴉一樣黑。喺香港都係咁啦，問下住邊區，做邊行，小朋友讀邊間學校，學緊乜，平時喺邊度 hang out，你都估到佢大約係邊個階層，玩唔玩得埋，一樣嘅

私人傳訊

mugtaitai

公爵府

積分: 28219

45^#

發表於 18-9-20 13:59 |顯示全部帖子

1mocha 發表於 18-9-20 12:52
本帖最後由 1mocha 於 18-9-20 12:59 編輯

其實我都唔太清楚佢點解要返香港入老人院。我覺得可以係我未 ...

如果食物唔啱食又冇啱傾嘅朋友，又真係唔會住得開心。我見過屋企幾個高齡親戚住嘅老人院，真係覺得好灰，已經唔係貪平了，而且有 d 有家人或者工人日日帶私家飯餸去探，但質素真係

行得走得還好，到不能自理時，真係生不如死

私人傳訊

mugtaitai

公爵府

積分: 28219

46^#

發表於 18-9-20 16:40 |顯示全部帖子

kayeeian 發表於 18-9-20 13:51
其實如果我返亞洲
大陸一線城市係正㗎！我以前做嘢有station過生活過，機建設施係最新嘅，亦因為有好多海 ...

一線城市、MNC、海歸... 係，聽起來唔錯，但踏出呢個圈子，外面係咩世界？極權，人治，全民以錢為宗教，為賺錢所有道德都可以放下，或者你覺得呢 d 唔關你事，你只需留喺 “一線城市、MNC、海歸” 呢個玻璃罩裡面就 ok 了，but no，呢個唔係我想住嘅地方

私人傳訊

mugtaitai

公爵府

積分: 28219

47^#

發表於 18-9-20 17:10 |顯示全部帖子

wrymoep 發表於 18-9-20 14:53
你可能離開香港都有一段時間了！ E家係新界，D鄉紳要為民請命，起條行人天橋要問政府攞17億！佢地見起高 ...

呢個係一個隱憂，睇返呢幾年嘅大型基建，中標嘅絕大部份係中資，天價嘅建造費去左邊？有幾多係實際合理開支有幾多落左唔知邊個格？唔好話我陰謀論，我真係覺得而家中國係有組織有計劃地逐步掏空香港嘅儲備，而家香港人有錢，仲有 d 利用價值，到將來儲備都用光，仲可以唔背靠祖國聽晒話咩？冇左強大嘅外匯儲備做後盾，港元會點呢？同美元掛勾仲行唔行得落去呢？脫勾嘅話就要預備有大上大落嘅風險，我哋是否願意？

再諗下庫房嘅錢喺邊度來？無非係稅同賣地。有一日庫房被掏空，政府可以點做？加稅？用政策維持高地價甚或再推高地價？either way 最終吃虧嘅都係香港市民

私人傳訊

mugtaitai

公爵府

積分: 28219

48^#

發表於 18-9-20 17:27 |顯示全部帖子

wrymoep 發表於 18-9-20 15:39
你講出左個重點！去大陸，你搵到幾多同你係咩底有關！同樣，香港好多大大小小公司都加多左「紅」血人， ...

係，而家 ibank 已經幾乎全線淪陷，冇一間行唔係講國語嘅 dominate，冇計，過去二十年絕大部份都係中國刁，佢地有人脈有關係，熟知文化，香港人難同佢地爭。而且香港人真係唔夠佢地狠，佢地係完全冇底線，只要達到目的，咩手段都可以用咩規則都可以唔理，喺佢地嘅概念中，冇一人退一步大家 win win 呢回事，一定係有我冇你，完完全全森林定律，好恐怖

私人傳訊

mugtaitai

公爵府

積分: 28219

49^#

發表於 18-9-20 17:55 |顯示全部帖子

wrymoep 發表於 18-9-20 17:50
阿爺都做曬出面，佢都無需隱瞞！你香港庫房既錢就係佢既錢。其實唔洗等庫房用光，E家就一大班香港擦鞋仔 ...

早前李怡寫過一篇評論，以佢一向反共嘅背景，我唔敢講呢篇文章好持平，但佢舉出嘅事例的的確確發生過，佢嘅預測，希望唔會成為事實，但值得深思：

兩天前，大陸網上一篇文章引發熱議，題為〈私營經濟已完成協助公有經濟發展應逐漸離場〉，作者是曾任國有重點金融機構監事會主席的體制內經濟專家吳小平。文章發出短短十幾小時，跟帖評論超過兩萬條。接着就在所有網頁被刪除。「鳳凰網財經」問吳小平，文章是他寫的嗎？他回答：「是我寫的，就不解釋了，太多朋友問起。」這個「確認」，也很快遭刪除。
有網民議論：「在這個新時代，總有些政經觀察人士的嗅覺比常人要靈敏許多，在關鍵時刻，也總能夠說出一些主子想說而又沒有說的話。」
在這篇文章中，吳小平說：「在中國偉大的改革開放歷史進程中，私營經濟已經初步完成了協助公有經濟實現跨越式發展的重大階段性歷史重任。下一步，私營經濟不宜繼續盲目擴大，一種全新形態、更加集中、更加團結、更加規模化的公私混合制經濟，將可能在社會主義市場經濟社會的新發展中，呈現越來越大的比重。面對當今國運之爭，當前強國之戰，國家必須集中財力、物力和人力，必須統籌發展，必須令行禁止。」並說「私營企業，有其優勢，有其劣根」。
這說法和我早幾天提到中央高層新訂的經濟政策第一條「加大中央集權」，可謂一脈相承。只不過，他提出私營企業已完成歷史任務，下一步將走向公私混合制經濟，這個要消滅私營經濟的說法就太敏感。刪除是因為現在還不是提出的時機，而並非不符合中央高層的構想。
中共在建政初期，曾經提出中國處於「新民主主義」階段，要大力發展民族工業，爭取民族資本家共同建設新中國。經過在私營企業安插黨員參與運作幾年後，到1956年，就要進行社會主義改造，把私營企業轉為公私合營，實際上是沒收私人資本，原有老闆轉為只獲取股息，最後就連股息也一筆勾銷了。
更早的土地改革，是發動農民鬥地主，沒收地主的土地，分給農民，但分了沒幾年，來個農村合作化運動繼而人民公社，農民分得的土地歸黨國了。
二戰後，中共宣稱掌權後會實行民主化，與各民主黨派組聯合政府，因而獲知識分子支持。但建政後到1957年來個「引蛇出洞」後反右，過去支持中共的知識分子和民主派領袖全被打成右派。
文革時號召紅衞兵造反，待毛澤東打倒了政敵後，即將所有年輕的紅衞兵送去農村，說是「廣闊天地，大有可為」，結果被利用的知青是「大受苦難」。
過去對香港的政策是「充份利用」，主權轉移後漸漸覺得「利用」完了，香港已完成對中國發展的「歷史任務」，於是「兩制」可以休矣！
在鳳凰視訊的一個談話節目中，導演馮小剛說，香港人不會仇恨有錢人，只會想怎麼迎頭趕上，但在中國就有一種仇富心理，因此他相信再搞文化大革命的可能性很大，而且這次不僅是批鬥了，而是「會把你弄死」。馮導的嗅覺也很靈敏。
王健、劉強東，然後馬雲突然退休……。
大陸網頁流傳一張李嘉誠臨窗下望的照片，圖片說明寫着：「你們都跑得太慢」。

私人傳訊

mugtaitai

公爵府

積分: 28219

50^#

發表於 18-9-20 20:02 |顯示全部帖子

wrymoep 發表於 18-9-20 18:33
唔會再有私營企業，全部歸黨！阿爺已經唔需要再避忌任何嘢！好出名果幾個如王健林、劉強東、馬雲全部都 ...

我希望全部私有財產收歸國有呢件事唔會發生啦，畢竟國民享有過咁多年嘅私有產權，要收返恐怕唔係咁容易，唔怕全民暴動咩

你講得啱，政治話題就此打住，我哋繼續喺呢度分享移民嘅笑與淚啦

私人傳訊

mugtaitai

公爵府

積分: 28219

51^#

發表於 18-9-20 20:17 |顯示全部帖子

rose-mag 發表於 18-9-20 13:38
我契媽住德州就係，佢早好多年俾人打劫跌倒，之後不良於行，而家已經要輪椅出入，契爺反而行得走得，但始 ...

呢個 auntie 同我講，typical 嘅美國夫婦，年輕時打拼，有家庭後一路換大屋，然後到仔女離家入大學後，屋企剩下兩老，就開始 downsizing，大屋搬細屋，退休後再搬細 d 嘅 condo，套現一筆錢用來慢慢搣，然後年紀再大 d，就連間 condo 都賣埋，攞嗰筆錢入老人院。auntie 話佢嗰間老人院係入住時比一筆錢，數目視乎入住時嘅年紀，通常賣左間屋都夠比呢筆錢，然後老人院就生養死葬（當然醫療要自己保險包），一路住到走，你長命，老人院蝕，你早走，老人院賺

呢個模式我又覺得 ok 喎，如果唔諗住留間屋比仔女，賣左佢攞筆錢來住老人院至終老，起碼唔使擔心用晒 d 錢，臨老唔過得世，自己用返自己錢，唔使麻煩仔女，都幾好呀

私人傳訊

mugtaitai

公爵府

積分: 28219

52^#

發表於 18-9-21 08:55 |顯示全部帖子

wrymoep 發表於 18-9-20 22:04
美國買house，如果係 South Carolina 買左遇著個颱風 Florence 吹爛間屋都唔知點算。唔知要買幾多保險先 ...

一般嘅 property insurance 會 cover 到一部份嘅維修，有 d 颱風活躍嘅州會有分開嘅 windstorm insurance 同 flood insurance，呢 d 又唔會好貴，通常都係幾百美金一年，唔算好離譜，反而喺西岸，地震真係一個幾大嘅風險，加州好多業主都會買地震保，我住華盛頓州，地震風險稍稍低過加州，我暫時未買，不過都有 quote 過價，保費大約係 U$1.5 per $1000 insured，即係話如果你間屋值 U$1M，每年保費係 U$1500，好貴

私人傳訊

mugtaitai

公爵府

積分: 28219

53^#

發表於 18-9-21 17:56 |顯示全部帖子

wrymoep 發表於 18-9-21 16:22
WA property tax 貴嗎？係用樓既市價計算某個% 還是以買入價計算 ? 咁如果退休無收入，property tax 可以 ...

WA 嘅 property tax 嘅用樓嘅市價來計算，大約係 1.0x%

據我所知，應該唔可以用個人免稅額來扣減，因為呢個稅係州政府（嚴格來講係 county）收嘅，而 WA 並冇入息稅，WA 居民只會交 federal tax，property tax 可以作為 itemized deductions 嘅其中一項，可以扣減 federal tax，但 not the other way around。不過 2018 onward，property tax 最多只可以 claim $10000 一年，以前可以全數 claim

私人傳訊

mugtaitai

公爵府

積分: 28219

54^#

發表於 18-9-21 18:01 |顯示全部帖子

kkyyn 發表於 18-9-21 17:21
回覆 wrymoep 的帖子

真係吾知, 原來有 "property tax 可以用個人免稅額扣減", 咁那個州有呢?

我就唔知道有呢樣嘢了，如果有 tax expert 知道，請告知。萬分感激

私人傳訊

mugtaitai

公爵府

積分: 28219

55^#

發表於 18-9-22 09:59 |顯示全部帖子

wrymoep 發表於 18-9-21 22:53
聽聞有人會選擇買果D由獨出入口 bedroom 既 house 分租，可以幫補繳 property tax！有呢種設計既 house ...

呢種設計而家喺溫哥華非常流行，我有朋友係小型發展商，專門喺靚區收購舊屋，拆左再起新屋，佢過去幾年起嘅屋全部都係 basement 有獨立廚廁同出入口，方便出租，然後車房也變成另一個複式 apartment，一樣有獨立廚廁同出入口，屋主住主屋，basement 同車房屋可以分開租比兩戶人家。

以前車房係唔可以改建嘅，後來屋價越來越貴，好多後生嘅家庭 afford 唔到，於是市政府放寬左條例，希望咁樣可以比多 d 人可以住得起市區。我朋友話好多亞洲太空人家庭鍾意買呢 d 屋，租出去一來有 d 收入，二來呢 d 家庭通常都係阿媽帶住細路住喺度，有租客一齊住，佢地反而覺得安全感大 d，有咩事起碼有多個人幫手報警，又或者屋企有咩要整，男租客有時會仗義出手

美國都有呢種設計，獨立出入口嘅 basement 我唔係見好多，in-law suites 就見得多，通常係一間屋仔喺花園，同主屋分開，有獨立廚廁同出入口，有 d 甚至有獨立門牌號碼（我見過一間主屋係某街 x 號，in-law suite 係某街 x 1/2 號，好搞笑），而家好多 airbnb 就係屋主自己住主屋，然後出租間 in-law suite，或者 vice versa

私人傳訊

mugtaitai

公爵府

積分: 28219

56^#

發表於 18-9-22 10:19 |顯示全部帖子

wrymoep 發表於 18-9-22 06:52
TX、SC、NC 呢D州最出名成日有颱風，成間屋摧毀左都唔知保險夠唔夠重新買過間

如果係 SC 讀書，我 ...

我諗嗰度嘅人世世代代住左咁耐，一定已經有一套有效嘅機制去應付天災，而且間屋摧毀左，唔係買過另一間，而係喺原地重建，價錢唔一樣，因為地已經喺度，只係比重建嘅錢。

至於讀書，又唔好太迷信名校同排名，叻嘅細路喺邊度都 shine，我早前先分享過，我有個表姐住喺 east bay，校區十分一般，但兩個仔女都出色，一個入史丹福，一個入 Cornell

私人傳訊

mugtaitai

公爵府

積分: 28219

57^#

發表於 18-9-22 13:19 |顯示全部帖子

kkyyn 發表於 18-9-21 17:21
回覆 wrymoep 的帖子

真係吾知, 原來有 "property tax 可以用個人免稅額扣減", 咁那個州有呢?

hey 我搵到呢個，原來我住嘅 county 可以比低收入（年收入 $4 萬以下）嘅老人（61 歲以上）減免物業稅

https://www.kingcounty.gov/depts/assessor/TaxpayerAssistance/TaxRelief.aspx

你去搵下 NY/NJ 有冇類似嘅法例啦

私人傳訊

mugtaitai

公爵府

積分: 28219

58^#

發表於 18-9-22 16:46 |顯示全部帖子

rose-mag 發表於 18-9-22 14:41
呢種喺加州特別舊金山好普遍，我地呢度叫姻親，英文叫in-law，取個音近似，同埋以前好多人租個地庫（或車 ...

而家溫哥華嗰 d 新屋就做得好正規，basement 有自然光，標準樓底高度，獨立廚廁同出入口。車房屋都係好正規，完全就係一間獨立屋仔，兩層，三房兩廁，700-800 呎，同主屋分開，有足夠 privacy，我去我朋友幾間屋睇過，真係幾唔錯，兩夫婦或者小家庭都夠住，我朋友嘅太太甚至話比佢寧願住呢間屋仔，容易執拾打理，好過住 5000 呎嘅主屋

私人傳訊