吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係唔知點算好-深層矛盾（唔好意思好長...） ...

婆媳關係今日: 1|主題: 27701

收藏本版

發帖

返回列表

跳至頁

樓主: A.Yin

真係唔知點算好-深層矛盾（唔好意思好長...）

積分: 518

1^#

發表於 12-4-29 20:23 |顯示全部帖子

我覺得佢地好變態，好似焗你上轎咁，一方面唔聽你老公電話唔俾人搵到佢地，唔聽任何解釋理由，淨係一味要人地順佢地既意思做﹔另一方面完全係疲勞轟炸式咁監你去。佢地明知你軟淋淋，唔敢拒絕佢地，所以先會搵你又唔聽佢地個仔電話囉。

其實你一味逃避唔聽佢地電話都唔係辦法，我明白你覺得好難拒絕佢地，但係而家搞成咁佢地都知你避緊佢地，咪搞到仲核突。你不如聽佢地電話，正式拒絕佢地啦，理由跟樓上講就得，ｂｂ唔穩定，唔想四圍去，想享屋企休息下，信唔過大陸醫生，香港有個睇開既都叫唔好四圍走等。你唔聽佢地電話，咪將件事愈搞愈大，俾個機會佢地覺得你唔俾面又發癲，醜婦終需見家翁，事情始終要解決的。

私人傳訊

lochehon

別墅

積分: 518

2^#

發表於 12-4-30 21:31 |顯示全部帖子

A.Yin 發表於 12-4-30 06:13
好多謝哂咁多位，我現在真係喺醫院等睇醫生，經過咁多位開解我有鼓起勇氣同我呀媽講，得到C6同意連6299之間 ...

慘豬，見到ｄ人叫你扮ｂｂ唔穩定，估唔到唔使扮都弄假成真，我覺得你真係俾你老爺奶奶迫到有ｄｄ抑鬱，希望你多ｄ休息，唔好影響到ｂｂ，最緊自己身心健康。

私人傳訊

lochehon

別墅

積分: 518

3^#

發表於 12-4-30 23:38 |顯示全部帖子

梗係唔好去啦！你奶奶而家已經發緊爛渣，你再上去咪盞火紅火綠你一個人食哂！而且你ｂｂ又唔穩定，根本唔適宜再舟車勞頓，上面又無睇開的醫生，唔知頭唔知路，有起咩事邊個救到你？

你奶奶的性格根本就唔聽別人意見，自己一意孤行，簡單來講就係獨裁者，你就佢佢只會覺得應份，淨係睇文字都覺得佢ｄ態度好難頂，你又唔敢駁佢，你一個人頂唔住的。有咩野叫你老公去解釋叫佢去頂啦，你乖乖留享香港屋企度休養下，唔好再咁心煩咁勞氣啦。

私人傳訊

lochehon

別墅

積分: 518

4^#

發表於 12-5-1 04:38 |顯示全部帖子

A.Yin 發表於 12-5-1 00:49
因為她不嬲係皇帝，如果要她嚟香港她會覺得自己好冇面！
呢個我好肯定她係咁諗因為有次C6有個親戚係62個呀 ...

哦, 明白, 原來搞咁大單野, 都係想個新抱專登上去向佢請安。

佢要做皇太后, 你地都唔需要自動降格做奴婢。而家要講又講左, 解釋又解釋完, 佢都cut左佢個仔線, 咁佢唔接受都無辦法啦。樓上都講得好岩, 佢地屋企幾四分五裂都唔應該將個波拋俾你, 變左係你既責任。而家你最重要係好好安胎休息, 唔好太心煩, 其他野放低佢啦。

私人傳訊

lochehon

別墅

積分: 518

5^#

發表於 12-5-1 17:09 |顯示全部帖子

咁得啦，你都同你老爺解釋左，作小產唔操勞得，咁就算解釋左啦，唔使心煩啦。

私人傳訊

lochehon

別墅

積分: 518

6^#

發表於 12-5-2 00:42 |顯示全部帖子

咁不如就應承享香港飲餐茶啦, 親戚就唔好叫啦, 叫你父母同你一家人咁飲, 拎左d野就算數啦, 既然佢都落到來香港, 又係好難唔見佢既, 飲餐茶都係一兩個鐘姐。如果唔係到時佢搵到機會強行去澳洲你地度一住不走, 咪仲大大鑊。

私人傳訊

lochehon

別墅

積分: 518

7^#

發表於 12-5-2 13:28 |顯示全部帖子

A.Yin 發表於 12-5-2 01:28
我冇講哂她的對話，只講重點，她當時＂教訓＂咗我幾句意思話她是長輩，落嚟見晚輩唔應該係＂探望＂， ...

頂，佢真係好煩，咁鬼多事實。飲茶就飲茶啦，又要分名目，擺款，真係煩到喊。

要約幾多親戚至夠呀，是是旦旦約四五個比較熟的，阿哥阿嫂，舅父舅母，是旦幾個就算啦。如果你頂到，就咁你同你娘兩個上去飲餐茶都係辦法，頂兩個鐘，換取你餘下安樂時間。人多佢應該唔會發癲既，不過如果你約左親戚，記得同佢地講聲先，難保你奶奶會享眾人面前數你，俾個下馬威你睇。

講真，你要完全一次都唔見佢，又真係比較絕，尤其佢已經俾左幾個方案你揀，享佢自己角度來睇，佢已經退左好多步架啦。唔係Ａ就Ｂ啦，去澳洲就真係NO THANKS了，呢樣你叫你老公一定要企硬。佢Ｄ野話明要ＢＢ出世前俾到ＢＢ，咁如果佢一去澳洲，就肯定由你未生，住到陪你生完，有排都唔走，到時你就喊得一句句。

以後如果你老公無陪你，你就千祈唔好俾你奶奶老爺知你一個人返香港探你父母啦，你可以預期呢Ｄ事一定會再次發生。

私人傳訊

lochehon