吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我與C6又名Bruce Wayne的崎嶇之路（全篇完，多謝） ...

夫婦情感今日: 3|主題: 42454

收藏本版

發帖

返回列表

跳至頁

查看: 124382 | 回覆: 726

我與C6又名Bruce Wayne的崎嶇之路（全篇完，多謝）

12 3 4 5...37

積分: 11575

1^#

發表於 12-7-28 18:22 |只看該作者 |倒序瀏覽 |打印

本帖最後由 oguh 於 12-7-30 22:07 編輯

今年，係我同C6由相識至今第15年，經歷好多野，同大家分享下，大家可以當故仔睇下，希望inspire到大家對感情唔好咁易放棄。

我中學開始已經去左英國讀寄宿學校，然後到大學，一直都係英國生活；大學讀書時internship識左C6，當時我仲係學生，佢已經有自己事業，同另外3個partners一齊開左公司，我就去佢公司做intern。

話說當年，佢都尚算年青，咁後生就有所成就，見到佢第一個印象就係「乞人憎，持才傲物」；公司其實唔大，同埋主要男人多，突然有個亞洲女仔係度，可能佢先留意我，第一日返工佢已經好輕佻咁約我食lunch。我心諗，真係要小心D呢個人，一直對佢都保持距離，冷冷淡淡。

但做左一個月之後，發覺佢其實真係好叻，30幾歲已經好成熟，handle客好有辦法。但我一直都無表示過任何仰慕，無乜理佢，但我知佢一直對我特別關照。當年C6後生俊朗又有錢，真係眼見大把女人痴埋去，佢成日去clubbing，仲請埋好多同事朋友去，包人玩包人飲包人食，我跟埋去又見佢身邊勁多女，次次唔同，又開晒跑車咁，後尾我仲知道佢其實有暗中take野，佢話呢D野好普遍，幫佢減壓，我見佢好似聖誕老人咁「派糖」，當然大把人痴住佢玩啦。

當年我都唔係小野架，我都可以玩得好癲，但我低線係，除左酒，其他野絕對唔會掂。咁成個internship裡面，我都有同佢地成班人去玩，同埋有時自己D同學又一齊去玩埋一份。

當時我只係覺得C6係一個好有運氣既人，脾氣可以好臭，會同人係club打交，總之佢就非常囂張同埋巴巴閉閉咁，爛滾花心，佢點玩我真係見識唔少！絕對唔係做男友首選，更加唔好講做人世！

直至internship完結，佢地搞左個farewell party，咁當晚大家當然玩得好盡興啦，最後C6借D椅咁話送我返屋企，我返到去，佢問我佢可唔可以上去，咁我覺得大家都係玩玩下，咁高興咪同你玩埋最後一晚！浪漫左一晚之後，第二朝我唔記得因咩事我要好早出門，之後我晚上返到屋企，當然佢已經走左啦，咁我都預左，我見佢寫左字條比我，話會再搵我，我就無理到喇。

無耐我要準備final year既功課、論文，好忙，佢搵我，我一直都無理佢，因為唔想再同佢出來再有下文。但可能當時壓力大，我有左一個免疫系統問題既怪病，惡夢即刻來臨！

我由細到大都順順利利，無遇過咩難關逆境大挫折，但呢個病好折磨我！仲要面對畢業論文，我真係好驚畢唔到業，又要成日食藥，一星期打一次針，我又唔想香港既屋企人擔心，一直都無講比佢地知。當時真係覺得好無助，一個人係外地，雖然都住左多年，但突然間人在他鄉既感覺好強，孤獨無比，無人幫到我，我痛只有我自己知。就係呢個咁軟弱既時候，我C6搵我問我近況，我就話左比佢知。

之後，佢幫我搵醫生，車我去睇醫生，睇左一個又一個，佢話要睇到好為止，平日佢放工過來買野比我食，又幫我打掃屋企，因為我太痛完全做唔到野；我功課上有困難佢又幫到我，又幫我借書。當年佢陪我勁出入唔同醫院，佢話佢呢世人都未試過去咁多醫院、見咁多醫生。就連佢阿媽病，佢都唔會同佢去睇醫生（題外話，佢同佢媽關係好差）

果段日子真係好難捱，佢對我咁多，真係令我減輕唔少壓力，但我講到明大家只係朋友，咁佢就話，朋友有事佢一定會幫到底。其實我真係感動，同埋好感恩，因為我向來獨立，我知道無人應份係對你好的，所有野都係有條件，而佢呢個playboy竟然忍住唔去蒲唔去玩女，反而留係我身邊照顧我。

呢次係我第一次對佢改觀，見到佢另一面。（續）

點評

kin818kin

發表於 13-2-6 12:47

PandaWhite

發表於 13-1-31 23:40

kawai120 loving 發表於 12-8-13 21:21

MYbbzone

發表於 12-7-31 15:15

ilovetofuhua VKwan: 畫公仔唔駛畫出腸ar? hahahaha 發表於 12-7-30 11:44

wongjoetabo

發表於 12-7-29 21:52

VKwan 我想你…你"浪漫左一晚"的意思係……

發表於 12-7-29 21:02

0 18 1

私人傳訊

i_love_pampers

子爵府

積分: 12358

2^#

發表於 12-7-28 18:33 |只看該作者

回覆：我與C6的崎嶇之路

Sweet

私人傳訊

曈曈媽咪

男爵府

積分: 5525

3^#

發表於 12-7-28 18:40 |只看該作者

回覆：我與C6的崎嶇之路（長）

留位

私人傳訊

RickYan

大宅

積分: 1867

4^#

發表於 12-7-28 18:44 |只看該作者

回覆：我與C6的崎嶇之路（長）

woo

私人傳訊

DIMDIM2011

珍珠宮

積分: 38671

5^#

發表於 12-7-28 19:05 |只看該作者

回覆：oguh 的帖子

私人傳訊

tyon

子爵府

積分: 14835

6^#

發表於 12-7-28 19:15 |只看該作者

兩人相識相愛真係一種緣份!
等.....等.....

私人傳訊

oguh

子爵府

積分: 11575

7^#

發表於 12-7-28 19:15 |只看該作者

本帖最後由 oguh 於 12-7-28 19:56 編輯

第二節：

捱過左果段日子，終於可以first hon畢業，病都好左好多，幾乎無咩復發。呢段時間C6對我既照顧真係好重要，但我好驚自己從此依賴一個人，所以就算佢對我點好，我都刻意保持距離，只係當大家係好朋友。

undergraduate完成，我準備報讀MA，當時病已好，同C6繼續好朋友關係，當時係假期，佢話佢想搞公司旅行，去西班牙，佢想請埋我去。我同佢公司D人非常friend成班人都好玩得，咁我就同佢地成班人一齊去西班牙玩！

當時係夏天，馬德里有carnival，有巡遊、又有勁多party玩到勁夜，晚晚都玩凌晨到天光；有晚近天光我地行返酒店，我C6同我行係最後面，清晨既馬德里好靜，周圍都係垃圾、醉酒既人(包括我地），空氣中有種熱鬧過後既沉靜，C6突然拖住我隻手行足全程，佢話呢一刻佢好清醒。我無反抗，突然對佢有心跳感覺，成個人都僵硬晒。然後我地一齊睇住個天光，果一刻，真係好浪漫，好多年之後，我都仲係好記得果種天色。之後成個trip佢都趁無人留意時捉緊我隻手，但我地大家都無再更進一步，亦無咩時間獨處，我地成日都係一大班人玩。

西班牙之旅完結，返去倫敦之後，由機場又係佢車我返屋企，其他人好似知道我地之間既事，成日陰陰嘴笑。終於我地兩個獨處，但係車上大家都無咩講野，返到屋企佢終於忍唔住表態，佢想同我認真開始一段關係。

佢對我好，但基於之前我見過佢真係玩得好勁，真係比唔到任何安全感我，雖然我對佢真係有感覺，但我都好忍得住拒絕左佢。我話，同你上左一次床，唔夠可以再上，但唔可以係一段關係。佢聽完之後唔明，死問我點解，又話明明大家有感覺但我唔比機會佢，有D老羞成怒，因為佢真係超自大，佢覺得佢之前都付出左咁多，點解試下既機會都無。

我話，我無辦法相信佢可以對我忠誠，同埋我最介意係佢take野，呢樣野只係慢性催毀佢既人生，但我唔會迫佢改，佢本性咁爛玩，你咪玩飽佢，但唔好同我玩認真！佢好嬲，果晚之後佢好耐無搵我，我都無搵佢，只係間中同佢既同事出來飲下野，有時佢地會講起佢近況咁。我間中諗起西班牙個trip，個心都會隱隱痛。

之後，我離開倫敦，去另一個城市讀post-graduate，以為唔會再諗住佢，西班牙之旅當發一場夢。去左兩個幾月之後，我生日當日，佢竟然不請自來！突然打電話比我，話知我係呢度讀MA，佢來左搵我話同我慶祝生日。

我應佢約出來，佢話送生日禮物比我，亦都係佢第一次送禮物比我，我真係幾乎激死！大家估下佢送咩比我！

當時我係馬路邊等佢，佢揸左架黑色跑車來，唔係平時佢揸開果幾架價值不飛既跑車，但呢架車都係名車。落車見到我笑騎騎，然後話：「生日快樂!」我都唔知點反應，佢就指住架車，話：「鍾意呢份生日禮物嗎？特登係車廠訂全新！」

我幾乎暈低，我問做咩要送車比我，佢話，佢知我住既宿舍同大學距離遠，需要一架性能好又安全既車，呢架就perfect口岩晒我。我話，太貴，收唔起，唔要。
總之，係條街度（好彩無乜人）大家嘈左好耐，最後佢迫我要左。

我對住架車真係又嬲又好笑。然後佢同我去食飯，佢話佢已經開始戒毒，唔再take野，同埋佢會應承我，一齊之後唔再去玩，就真係去都一齊去，唔咪唔洗擔心佢去玩女。

唔知點解，拒絕左佢咁多次，佢都仲咁堅持，係佢自尊太強唔甘心，定係佢真心？我無從得知，但我知道，只有嘗試同佢一齊，先可以印證到，到底佢係堅定流。所以最後我最後屈服，面對自己既感覺，願意冒險同佢一齊。

對於我，或者對於C6，呢一樣野都係前所未有，大家都從未有過一段認真關係。感覺好似大家拖住手，一齊跳落一個懸崖。（續）

私人傳訊

fafacat

男爵府

積分: 6375

8^#

發表於 12-7-28 19:32 |只看該作者

Bless you

Do not count your days down!

私人傳訊

Catvole

男爵府

積分: 7180

9^#

發表於 12-7-28 19:42 |只看該作者

好好睇,追!!!

私人傳訊

Catvole

男爵府

積分: 7180

10^#

發表於 12-7-28 19:44 |只看該作者

好好睇,追!

點評

MYbbzone X2 發表於 12-7-31 15:21

私人傳訊

oguh

子爵府

積分: 11575

11^#

發表於 12-7-28 19:57 |只看該作者

第三節：

剛剛一齊之後既日子，大部份都係好開心好sweet，應該因為係熱戀中。

成日同C6一齊周圍玩，佢會同我周圍去，去好多短途旅行。有時大家各有各忙，忙極都會盡量比時間大家。

呢段時間，佢真係用行動證明，佢改變左好多，包括：脾氣好左好多，玩少左，無take野，生活變得健康，比我感染下開始鍾意打網球同埋游水。我都為左佢改變左，例如為佢學煮佢鍾意食既野，佢工作上有D野我都可以幫到手安排下，又陪佢去應酬。

快樂時光過得好快，咁就兩年，轉眼我就快MA畢業，我又忙到癲。咁口岩佢工作上遇上一個重要既客，個客同佢本身性格好似，又係年青爛玩以為自己好叻果類型，咁佢要成日都群住呢個客同佢既人，開頭話係工作應酬，搞搞下，又成日去玩，除左又take野，比以前take勁左，仲飲酒飲得好勁，仲要同人地去俄羅斯，話係考察，實質咪又係去玩，仲有好多波斯貓玩添！我點解知呢，因為我同佢公司某幾位同事真係好friend，其中一個有同佢地一齊去，唔覺意爆左比我知。

之後我嬲左佢好耐，主要因為係佢take野，佢求我原諒佢，果排我忙緊自己論文，我閉關完全唔比佢揾我，冷靜左一排我就原諒左佢；從前我以為自己可以好灑脫，有人背叛我咪say goodbye，有幾難？但我發現我自己真係愛佢，唔想咁快放棄。

有段時間我返去倫敦同佢一齊住，佢成日扮忙瞞住我走去玩，算，我忍，無眼屎乾淨盲，有時佢玩到醉昏昏返來，嘔到一身都係，我又幫佢抹身洗地；從前細個我係屋企，父母視我為千金，由小到大都有傭人，從來只有人服侍我，到當日我終於知道自己要服侍返第二個人喇，上天真係公平。我無怨無悔咁，一直忍佢，我相信終有一日佢會玩厭，更好玩既野，都會厭啦。

有一日佢終於出事喇，take野OD入左醫院，心臟仲曾經停頓過。而第二日就係我畢業禮，父母都飛左過來。（續）

私人傳訊