吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 報喜及廣華生產分享 (篇幅有點長, 請耐心閱讀^^)(已編輯 ...

懷孕前後今日: 4|主題: 329759

收藏本版

發帖

返回列表

跳至頁

查看: 12819 | 回覆: 138

報喜及廣華生產分享 (篇幅有點長, 請耐心閱讀^^)(已編輯)

[複製鏈接]

12 3 4 5...7

cocok

琥珀宮

積分: 151309

畀面勳章

1^#

發表於 12-7-26 00:55 |只看該作者 |倒序瀏覽 |打印

本帖最後由 cocok 於 12-7-26 10:01 編輯

終於等到我報喜喇!!!

我會永遠記得這一日, 就等我同大家分享一下, 廣華就來生既JM亦可參考一下和作心理準備!

話說我放前三後七, EDD 724, 一直都心急如焚, 覺得產假在燃燒!
加上原來到左懷孕後期壓力大加上失眠, 簡直渡日如年!

7月18日, C6難得早放, 於是同媽咪講同C6出街食晚飯, 媽咪話如果我生左就有排都唔會出街食飯,
所以竟然少有地贊成我出街食晚飯, 同C6去附近食完晚飯返到屋企9點, 去廁所既時候發現見紅!
(感恩可以外出同C6食多一餐晚餐先作動同全程有C6陪伴

)
第一時間真係好開心地嗌左出黎!

因為之前好驚BB過期居留同要催生!!

冷靜返落黎就打俾媽咪, 之後沖涼洗頭, 但因為未有陣痛, 所以諗住訓醒先入醫院!

訓得唔係咁好, 因為心情都KEEP住緊張, 五點開始FEEL到輕微有規律陣痛, 大約8-10分鐘一次,
到六點幾叫醒C6, 之後佢同我收拾好走佬袋就出發到M記食早餐!

食完個豐富早餐, 就施施然坐巴士到廣華, 去到廣華急症室, 好快就被安排上9樓, 姐姐話當日(7月19日)好多人入去生仔

之後佢帶我入左一間房, 一位姑娘問左我有咩先兆, 叫我留小便, 訓在床上按肚, 之後就俾左件衫我換同叫我執簡單物品跟佢到另一間房, 簡單物品係衞生巾, 紙巾同BB尿片(可預大約6片), 大家可以預備一下, 其他野其實可以叫C6之後先拿來~(此時C6可以返屋企休息一下)

之後去到一間房, 其實那間應該是待產房而不是產前房, 待產房有兩間, 裝修得幾靚, 一間房有6張床,
如果佢地發現你無咩跡象似就生, 會轉你去產前房, 聽聞產前房無咁靚, 所以覺得自己好LUCKY一入去就住到待產房

佢地會駁一部機CHECK 住BB心跳同我既陣痛頻率, 之後有醫生過來幫我CHECK 度數, 佢話開左一至兩度!

去到探訪時間一點鐘, 當時陣痛已經密到大約4-5分鐘一次, 但中途醫生沒有再CHECK度數, 家人來探我, 但因為痛所以胃口不佳, 唔想食飯, 但都勉強食左半碗飯, 因為驚生產時沒有氣力

mouth:mouth:" />!

之後下午既時間過得很慢, 眼見對面床一位JM痛到叫生叫死, 不停聞笑氣, 真的又驚又替佢擔心!

為了消磨時間, 也勉強下床行下, 又有姑娘教我坐FIT BALL, 在FIT BALL 房可以看電視, 不過其實都幾痛, 坐FIT BALL 都只係分散下注意力

探訪時間前醫生終於再幫我CHECK度數, 當時陣痛已經3-4分鐘咁密, 而且好痛, 心諗應該開左6-7度啦, 點知佢話開左兩度, 簡直把我打沉

mg:" />, 由9點一入黎話我開左一兩度到而家6點過左9個鐘咁痛都仲係兩度????

但佢話我個子宮已薄左好多, 並唔係無進展, 而且BB頭仔好低, 所以叫C6唔好行開, 晚上好大機會可以生喎!

6點又係另一探訪時間, 又係無胃口下吞左D飯, 屋企人來探我但我心情好差, 因為真係好痛, 佢地想幫我加油打氣, 但我都不能好好同佢地傾計! 最感激C6由一點開始一直在9樓門外默默等候!

好不容易過左探訪時間, 姑娘俾笑氣我問, 我之前一直想佢快D俾笑氣我聞, 點知原來聞笑氣對我黎係無咩用, 都唔覺得止到痛.....................好無奈, 但都聞下啦, 聞左有時WING WING地都有少少幫助

到8點50分, 醫生再過來幫我CHECK度數, 就在此時羊水穿了! 醫生話開到4-5度!

眼見同一間房其他JM 一個一個被推入產房, 我的心愈來愈急, 去到快11點幾開左7度, 個醫生話凌晨3點再評估!! (佢ASSUME一個鐘開一度!) 成間房其他5人都入晒產房了, 連之前隔離床進展緩慢既一位JM都突然開夠10度入得產房, 只係得返我一個未入, 壓力好大!! 如是再等呀等, 過埋12點

, 再捱呀捱, 終於護士長親自過來幫我CHECK, 佢話唔駛等到3點, 話好快就得, 到凌晨一點, 佢話我入得產房!!! 當時真係好開心!!!!

因為知道陣痛就結束同好快見到BB!!!!!!

C6被召入來產房陪產, 由於開10度後陣痛會變疏, 所以要趁每次既陣痛痾個BB出來, 頭3次唔成功, 於是再教我轉另一姿勢痾, 原來都幾難, 又要夠氣夠力, 中途愈來愈多助產士入來幫我打氣, 有一位姑娘直頭在我隔離動作指導, 佢係有點惡的, 勁話我做錯(好灰!), 終於第5次護士長幫我剪左同在好多個謢士幫助之後就痾到阿B出來! 過程大約半個鐘, 感恩順產!!!

(個有點惡的助產士即刻180度轉為勁讚我, 好搞笑!)

之後護士長再幫我縫針, 清理傷口! 護士長好細心, 又在成個生產過程鼓勵我! 仲有C6, 不停溫柔和細心地聽姑娘指示教我做對姿勢同運氣, 終於生到阿B出來!

阿B 7月20出世, 男, 3.39KG

由開始陣痛到生共20個鐘, 真係唔講得笑!!!!!

mouth:

之後佢地會幫BB磅重同打針,等你休息一陣再推你加埋BB過產後房,
去到產後房會抱阿B去沖涼, 果時佢地會叫C6幫你執好野同買野俾你食 (生完會勁肚餓^^)
, 過多一陣, 如果你餵人奶姑娘會盡快俾阿B你埋身餵,
不過我覺得都幾辛苦, 因為剛剛生完又要餵奶又要自己照顧阿B (醫院只會幫你同阿B沖涼),
我諗因為而家醫院人手不足! 大家要有心理準備!!!

不過都有D係好要讚既:

1. 醫生會KEEP CHECK 你個會陰口同子宮恢復程度
2. 姐姐會給你便盆等你在床上先去第一次小便, 仲要幫你著網褲同貼好衞生巾
3. 第一次落床小便會有姐姐跟住陪你去(驚你落床頭暈)
4. 每日兩次有人幫你加熱水, 而家已經有保暖壺, 所以只係帶隻杯都OK
5. 有坐墊借俾你坐, 可減輕坐時會陰傷口痛楚
6. 佢地會KEEP CHECK你BB既情況, 如發現佢有唔妥會送佢去8樓兒科CHECK (佢地發現我阿B第二日似有黃疸, 就幫佢抽血CHECK,點知真係有所以幫佢照燈, 第二日又話佢呼吸快左要打抗生素, 所以我明天才可接佢出院)
7. 由於太擔心BB, 所以我情緒起伏大, 出院前佢地會有個問卷CHECK下你情緒, 佢地知我有情緒問題係因為擔心BB, 安排左個姑娘同我傾計同情緒輔導
8. 出院前有個簡單講座提你留意事項同辨出世紙/ BOOK健康院
9. 有廣播可以學幫BB沖涼, 換片, 泵奶等
10. 兒科既跟進都幾好, 會有時間俾你幫BB餵奶同見醫生/ 探BB等

明天終於可以接囝囝出院, 非常感恩!!! 做媽媽真係好偉大!!!! 各位JM 加油, 共勉之!!~

喜歡的請按"支持"!!!!