母乳餵哺 今日: 0 | 主題: 85695

積分: 827

342^#

發表於 15-8-19 17:04 |只看該作者

BB宜家2個月大，半人奶半奶粉。我喺BB出世前一直認為餵人奶理所當然，冇特別準備。

到BB出左世，姑娘幾時話餵奶我就餵，姑娘話BB食得好好，初時都有食損好痛，所以驚左餵奶，BB又成日瞓，我就佢扭先餵，到出左院都係。

點知過2日去健康院話佢比出世時輕左12%，好嚴重要入院，入院後埋身後要補奶粉，好彩第二日已可出院，D姑娘仲提我記住要補奶粉。

我就以為自己冇奶，好怕BB過輕有事，所以好聽話次次補粉。次次埋完身BB都唔夠狂喊，但補完粉BB一瞓就幾個鐘，我又隔幾個鐘先再餵，中間又唔識要泵下奶。不過我又冇乜谷奶，個身體可能以為咁少奶就夠冇再造多D。

之後密密去健康院覆診，次次話我餵得太少次，但BB補完粉就瞓幾個鐘，叫醒佢都唔想食，啜下又瞓左，所以一日餵得6次到。

之後我上下網搵下唔夠奶既資訊先知死，幾驚收奶，同埋發現埋多D身先造到多D奶，忘記奶粉，所以開始試全埋身，全日不停埋身食。BB啜住又食又扭又扯乳頭，放開又狂喊，啜到冇我就擠壓乳房俾佢食等出多D奶，BB一次可以啜6、7個鐘，至太累先瞓一陣，之後又食幾個鐘，我差唔多冇瞓過。後來睇草的post先知BB梅下梅下係冇用，但已太遲。

一直至滿月，覺得BB真係餓得太厲害，咁多日每日得五六條好輕既濕片，忍唔住補粉，BB即刻飽晒舒服晒好好瞓。

第二日去健康院，醫生話BB體重僅僅合格，又開始繼續埋身再補粉，不過之後再加泵（單泵），埋完身次次泵得10－20ml左右。之後補粉愈黎愈多，BB先開始長肉。

好唔甘心，再買左swing maxi兩邊一齊泵，3個鐘泵一次，遇啱BB要食就餵完先泵。3個鐘兩邊加埋60ml左右，埋完身泵就有30ml。全日埋完身泵加埋淨泵共7、8，次，維持左日十幾日奶量都冇乜改善。

心郁郁又想試下全埋身，不過BB好明顯唔飽，成日好餓狂喊，試左2日就放棄，變番埋身補粉泵清，再中間有時間就加泵。

不過實在太攰，又埋身補粉再泵同洗泵，宜家唯有大多數泵，間中一兩次先埋完身再泵。BB宜家2個月食6安，有時埋完身都要食多6安先夠！好無奈又唔忿氣，咁努力，瞓得咁少都繼續就係為左俾到全人奶BB，好辛苦！

私人傳訊回覆引用

積分: 573

343^#

發表於 15-8-19 18:33 |只看該作者

回覆：Miniethel 的帖子

媽媽，你已經好叻，其實我同你情況好似，bb又係出咗院返健康院時體重跌咗超過10%要入院，然後我又係好似你咁餵奶，但我bb而家已經87日啦，我之前係瞓前嗰餐食奶粉，bb一直都係埋身同補泵奶，因為好想全人奶，最近日以繼夜咁爬文，睇咗草媽媽嘅分享，呢3日已經全人奶，我返工只可以泵2次，你唔好以為我都好多奶，其實都係得70-130ml左右，睇下咩時間泵咋，放工放假會全埋身，因為我唔忿氣，冇理由個個都得我唔得，我唔係要求儲滿個雪櫃或者冰箱，我只求足夠比我bb食，所以你唔好氣餒，支持你，加油！

私人傳訊回覆引用

積分: 827

344^#

發表於 15-8-19 21:04 |只看該作者

回覆 idyyiu 的帖子

多謝你idyyiu，你好成功呀可以全人奶！請問你係點樣可以追番全人奶？我都係但求可以俾到自己個女溫飽，唔使靠奶粉咋....草真係幫到大家好多！

私人傳訊回覆引用

積分: 573

345^#

發表於 15-8-19 22:13 |只看該作者

回覆：Miniethel 的帖子

其實我都冇咩特別，只係睇咗草媽媽嘅分享，諗住佢講嗰個供求問題，於是就響啱啱嗰個星期六日，不停咁比BB啜，即使佢未喊，我都每3個鐘比佢埋身，就係咁我發現奶量都ok, 不過我個bb要食晒2邊先夠，跟住我食完1個鐘就泵下，其實可能身體未造得切，所以都係得10ml左右，我唔理有幾多，我就係要做到話比身體知我仲要奶，唔知算唔算盲目死做呢

後來呢3日我瞓前12:00嗰餐唔用奶粉照埋身，bb都可以瞓天光先食，我諗住嚟緊會試下比bb只食1邊，另1邊我就泵，不過要星期六日放假先可以試下，所以你都得架，加油！仲有我撐你！

私人傳訊回覆引用

積分: 827

346^#

發表於 15-8-20 06:42 |只看該作者

回覆 idyyiu 的帖子

我開始試補少D奶粉，埋身密D睇下。不過唔知仲洗唔使埋身後泵？泵完隔一陣BB又喊食咪冇乜俾佢食？定係一定要泵呃多D奶？但之後BB喊食唔夠可以點？同樣補少D奶粉？

私人傳訊回覆引用

積分: 573

347^#

發表於 15-8-20 08:42 |只看該作者

回覆：Miniethel 的帖子

其實我放假冇泵，只係不停比bb埋身，因為埋身刺激造奶快啲，所以冇特別泵，有時bb可以4-5個鐘先食，我就3個中比佢埋身，食食下其實身體已經知道會造多啲奶。

平日放工7-8點會埋身1次，唔住10-10:30我又泵1次，不過通常得10-20ml, 最後12:30埋身就瞓，我希望咁樣身體知道我需要而再造多啲奶，因為返工我只可以泵2次，lunch 1次，5:30左右1次，想刺激多啲都冇，唯有放工放假諗辦法，你可以試下

私人傳訊回覆引用

積分: 573

348^#

發表於 15-8-20 12:35 |只看該作者

回覆：Miniethel 的帖子

私人傳訊回覆引用

積分: 827

349^#

發表於 15-8-20 12:58 |只看該作者

回覆 idyyiu 的帖子

明白晒！我努力D試下！仲有一星期產假，希望可以成功啦～

私人傳訊回覆引用

babyloveyou0329

積分: 1092

350^#

發表於 15-8-20 13:48 |只看該作者

回覆：千其唔好放棄埋身 (長氣)

我女琴日54日大先識埋身，個刻真係好開心
但因為一出世到宜家佢都係用開樽，所有睇到分量，埋身就唔知，而佢淨係識啜左邊，
但佢埋身左幾次都好快訓左，啜左20分鐘就離口，最長啜左30分鐘，之後我就去泵，左邊淨返50ml，平時泵都有80-90，我怕佢唔夠飽會餓，（平時食開90-130）但我朋友話餓就一定會嘈唔會放過我，我都明，但仲係擔心，此終第一次做媽媽好多野擔心又唔識

私人傳訊回覆引用

積分: 827

351^#

發表於 15-8-29 13:10 |只看該作者

idyyiu 發表於 15-8-20 12:35
其實我放假冇泵，只係不停比bb埋身，因為埋身刺激造奶快啲，所以冇特別泵，有時bb可以4-5個鐘先食，我就3個 ...

跟進下先，宜家BB已經唔使點補奶，不過都有扭計，可以氹住先，再餵密D，不過有時都一兩個鐘餵一次。下星期返工冇得咁密埋身追奶喇，宜家泵出黎個奶量只有多10ml至20ml，唔知關唔關奶泵喇叭事，好似24mm偏大，我諗住試下換個21mm睇下産量會唔會好D～仲有，多謝idyyiu你既support！你都要加油！

私人傳訊回覆引用

babyloveyou0329

積分: 1092

352^#

發表於 15-8-29 15:51 |只看該作者

引用：我女琴日54日大先識埋身，個刻真係好開心但

原帖由 babyloveyou0329 於 15-08-20 發表
我女琴日54日大先識埋身，個刻真係好開心
但因為一出世到宜家佢都係用開樽，所有睇到分量，埋身就唔知，而 ...

我宜家返工一日泵四次，放工原先埋身食，但打左兩個月針後唔肯再埋身😣我本身係窮媽，如果四個鐘泵一次有150ml,返工隔七個鐘泵最多有240ml，我
開始少奶，但返工只可以泵到一次，有咩方法可以增奶呀?

私人傳訊回覆引用

b@by

積分: 3993

353^#

發表於 15-9-9 01:14 |只看該作者

回覆：千其唔好放棄埋身 (長氣)

大前提係要bb肯啜，我仔一惦到奶就喊

私人傳訊回覆引用

草

伯爵府

積分: 18713

環保接龍勳章

354^#

發表於 15-9-9 10:00 |只看該作者

回覆 b@by 的帖子

所以要比佢掂多D, 掂到佢喊唔出, 比佢更加有耐性. 一得閒就比佢掂下, 佢習慣呢樣野存在先會有轉機. 佢堅持, 你比佢更堅持就OK.

私人傳訊回覆引用

b@by

積分: 3993

355^#

發表於 15-9-9 10:33 |只看該作者

引用：回覆 b@by 的帖子所以要比佢掂多D, 掂到佢

原帖由草於 15-09-09 發表
回覆 b@by 的帖子

所以要比佢掂多D, 掂到佢喊唔出, 比佢更加有耐性. 一得閒就比佢掂下, 佢習慣呢樣野存在 ...

我驚令到佢有陰影，恐懼，佢又喊又爭扎，隔一段時間再試以為佢會唔記得，點知都係狂爭扎同大喊

私人傳訊回覆引用

草

伯爵府

積分: 18713

環保接龍勳章

356^#

發表於 15-9-9 10:38 |只看該作者

回覆 b@by 的帖子

唔會, 越試得多就越唔會, 佢會習慣架. 本身呢樣野唔係恐怖野. 佢可能怕迫佢的感覺, 可能係餓又食唔到至會喊. 你多D係唔同時間都比佢貼下心口. 唔好淨係食之前先貼, 佢先唔會抗拒, 咁先唔會一埋就喊.
喊得多佢都會厭, 唔好假定佢係討厭乳房而一直幫佢逃避, 呢D對佢好的, 不如同佢一齊適應同學習.

私人傳訊回覆引用

happymama617

積分: 972

357^#

發表於 18-2-20 13:33 |只看該作者

回覆草的帖子

身同感受, 我太遲見到你個post, 我就係陪月ee叫泵出嚟, 加上細佬有黃, 所以大部份時間都泵出嚟, 間唔中埋身, 但有一日開始爆喊唔肯再埋身, 唔知點解, 奶量係ok, 每次見到佢唔想食推開我, 喊得好惨, 我個心就好痛, 可以點做

私人傳訊回覆引用

connie.chungkp