少年成長 今日: 0 | 主題: 15862

積分: 33212

143^#

發表於 09-7-7 21:12 |只看該作者

原帖由 潮爆.媽 於 09-7-7 12:54 發表
hi sandra~

麻煩check pm~請指教一下

潮爆媽：

介唔介意將問題放上嚟？因我係用手寫板, 打字好慢, 又希望多些媽咪睇到, 所以一般都唔答pm！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 33212

144^#

發表於 09-7-7 22:52 |只看該作者

原帖由 jj032008 於 09-7-7 12:40 發表

睇左啦，但係都唔係好明，你話唔係得先讚，咁即係幾時讚，因為好多時佢一啖都唔肯食，如果食左一啖我都仲可以即刻讚佢。同埋如果佢係喊完一輪先肯食，咁我又應唔應該讚佢。 ...

jj032008 :

如果佢以後都唔再食飯, 咁當然係冇得讚......
「喊完一輪先肯食」都可以讚, 問題只係你focus邊一樣嘢; 簡單重覆(我指重覆点讚個topic嘅內容)：如你想佢唔做某一個壞行為, 就响佢冇做呢個壞行為時讚佢; 假設有個小朋友食親飯都行來行去唔肯坐定, 你就要响佢一坐下時讚：「bb好乖喎, 坐响度食飯！」
又假如你想針對bb每次食飯都要喊吓先, 佢一坐低你趁佢未開始喊就讚：「bb好乖, 食飯冇喊！」
好似你個case嫌小朋友食飯食得慢, 可以咁做去「成就」一次勁讚：
1/ 先要肯定佢係餓, 例如刻意遲一個鐘先食飯.
2/ 那次的飯量減少讓他一定可以比平時快吃完.
3/ 每兩啖就已經可以讚一次, 到他完成時, 好開心的讚他：bb吃得好好, 好快又好乖！並可附加一些獎品例如平日沒得吃的小食/雪糕等作獎勵.
如是者三四次之後, 應有明顯改善！

私人傳訊

積分: 867

145^#

發表於 09-7-7 22:55 |只看該作者

Hi Sandarlo~

咁細個就識興世無爭... 係好定唔好.

我唔sure 佢記唔記得, 我地會講返件事講佢聽可以點做, 佢無論任何事都會答 '知' '係呀' '明' 之類. 但, 點都唔會唔開心, 佢除左出去變呆左(某場合, 某環境), 返屋企係好精靈.
佢係返 playgroup, 都唔叫返d咩, 全場係唱歌同洗手同畫畫, 仲要係返啟思, 一d都唔會沈重.
我地係比工人湊. 工人就覺得仔仔細膽, 婆婆就覺得仔仔太乖, 乖到係會比人蝦果隻, 因為佢體讓到太誇張.

不過, 佢有架單車 (唔係一般, 係 design house 既 sample, achieve safety standard), 超鐘意, 帶出街好多小朋友眼金金想玩, 佢就唔太想 sharing 了, 每次人地一借, 佢就會眼紅紅, 即時有眼淚, 一路叫住自己個名, 即係話係自己既. 但, 即使咁鐘意, 我地講, 只係share一陣, 因為你架單車好特別, 所以大家都鐘意... etc.
佢都唔會再喊or 大叫, 只係眼紅紅咁望住 ..

原帖由 SandraLo 於 09-7-7 10:00 發表

officecatcat :

當然明….
你所舉出嘅例子未必關乎自信…. 有少少似與世無爭….
1) 同2) 嘅情況, 你有冇同囝囝响夜晚傾番, 佢重記唔記得？有冇唔開心？
佢咁細個就有學返？呢兩件事件發生時, 佢知唔知你係睇到嘅？除咗你 ...

私人傳訊

積分: 33212

146^#

發表於 09-7-8 23:51 |只看該作者

原帖由 officecatcat 於 09-7-7 22:55 發表
Hi Sandarlo~

咁細個就識興世無爭... 係好定唔好.

我唔sure 佢記唔記得, 我地會講返件事講佢聽可以點做, 佢無論任何事都會答 '知' '係呀' '明' 之類. 但, 點都唔會唔開心, 佢除左出去變呆左(某場合, 某環境), 返 ...

officecatcat :

唔駛太担心…..
如佢自己選擇嘅, 唔好俾壓力佢 (唔好俾佢覺得讓步係唔啱或者係你地唔鐘意), 同佢傾多d 計, 鼓勵佢表達多d, 但係…….. 点解佢肯表達唔願意借架單車俾人, 你又要佢借呢？如果真係俾人整爛咗点算？重有就係如佢想借其他小朋友嘅嘢, 小朋友又唔肯, 唔点解釋呢？佢會覺得呢個世界好唔公平喎！其實我地大人自己d 嘢係好少會同人share, 唔駛一定要要求小朋友將自己嘅嘢同人share架！

私人傳訊

PaPa

積分: 38465

2024年龍年勳章

147^#

發表於 09-7-9 00:54 |只看該作者

Hi SandraLo,
我小朋友現讀一年級﹐佢既脾氣越來越差﹐而我每次都會罵他﹐媽咪好少罵他﹐可能我罵完佢都唔改﹐所以我就越罵越大聲﹐最近媽咪話俾我知﹐小朋友話不喜歡我﹐聽完後我非常不開心﹐我應該點樣同小朋友相處才好呢？

私人傳訊

積分: 867

148^#

發表於 09-7-9 11:25 |只看該作者

sandra,
多謝你既意見呀! 其實我係有d 唔知點處理, 對於人地小朋友走埋黎要求玩呢樣野, 好似做比人地阿媽睇我有教 sharing 架咁..

我應該當時點講呢? 話小朋友玩緊未玩完呀. 如果你想玩試下問小朋友肯唔肯借啦, 咁樣?
我個仔唔想既話係會當人地透明..

我仲有d問題想你分享下意見... 對於一d playgroup, 聲稱可以增強小朋友合群, 自信, 自發待既思維基礎, 可信度及有幫忙度係幾高, 係唔係都係要小朋友玩完家長自己作個人評論先最準確呢??
你可唔可以比呢方面意見我呀?

私人傳訊

積分: 33212

149^#

發表於 09-7-9 22:10 |只看該作者

原帖由 PaPa 於 09-7-9 00:54 發表
Hi SandraLo,
我小朋友現讀一年級﹐佢既脾氣越來越差﹐而我每次都會罵他﹐媽咪好少罵他﹐可能我罵完佢都唔改﹐所以我就越罵越大聲﹐最近媽咪話俾我知﹐小朋友話不喜歡我﹐聽完後我非常不開心﹐我應該點樣同小朋友相處才好呢？
...

PaPa :

現在發現問題仍來得及改……
你先看我簽名位的兩個主打topic (第一個post便夠), 不要以為那只是給扭計的小朋友, 你先要明白讚與好/壞行為的關係, 我會逐步教你, 最後再會有些輔助資料給你.
看完後請告訴我你小朋友通常是什麼事發脾氣, 你有沒有和他玩, 有多少時間等.

私人傳訊

積分: 33212

150^#

發表於 09-7-9 22:56 |只看該作者

原帖由 officecatcat 於 09-7-9 11:25 發表
sandra,
多謝你既意見呀! 其實我係有d 唔知點處理, 對於人地小朋友走埋黎要求玩呢樣野, 好似做比人地阿媽睇我有教 sharing 架咁..

我應該當時點講呢? 話小朋友玩緊未玩完呀. 如果你想玩試下問小朋友肯唔肯借啦, ...

officecatcat :

就係啦, 為咗要俾其他媽咪知你小朋友有教養…..
我唔係話要佢唔借嘢俾人, 但如你知佢怕人怕事又退讓又無求, 到佢care的, 你就接受佢容許佢, 唔駛太多管制, 教佢表達, 同小朋友講：唔好意思, 呢樣唔借得俾你！唔好搞到佢無所適從, care嗰d你要佢借, 唔care嗰 d你見到佢冇所謂你又唔開心！

Playgroup潮流沒法擋, 搞到d人好似唔去唔得咁……
我估質素可以好參差, 好多為揾錢嘅, 揾個F5畢業姐姐, 講吓故事唱吓歌, 十人一組一堂收你一百都好好賺, 有d走高檔就重死, 要講英文+普通話, 我都識幾個差d搞到個仔言語遲緩！我唔係話反對去playgroup, 亦相信有d係好好, 不過你要慢慢揾同試, 睇到小朋友上堂情況, 就會知好唔好同得唔得！

私人傳訊

PaPa

積分: 38465

2024年龍年勳章

151^#

發表於 09-7-10 00:21 |只看該作者

原帖由 SandraLo 於 09-7-9 22:10 發表

現在發現問題仍來得及改……
你先看我簽名位的兩個主打topic (第一個post便夠), 不要以為那只是給扭計的小朋友, 你先要明白讚與好/壞行為的關係, 我會逐步教你, 最後再會有些輔助資料給你.
看完後請告訴我 ...

SandraLo,
佢通常係以為自己會掂或贏既時侯﹐但最後係做唔到或輸了﹐咁佢就發曬脾氣；另外有時叫佢做好D功課﹐但佢都係不太用心去做﹐咁我就自然會「話」佢﹐這時佢都會發小小脾氣；另外有時又唔聽話﹐咁都會發脾氣。
我返工很晚才回家﹐平日跟他玩的時間最多一小時﹐另外還需要些時間跟他講功課﹐所以玩既時間不多。

[ 本帖最後由 PaPa 於 09-7-10 00:23 編輯 ]

私人傳訊

積分: 867

152^#

發表於 09-7-10 09:48 |只看該作者

Sandra,
多謝你既意見, 咁我就尊重佢既反應行為, 唔好咁著緊啦.

我想知, 咁係你心目中, 係唔係建議幼稚園唔需要太多功課, 唔好太又字又句仲三文二語呢? 因我記得你話你個囡都係讀好輕鬆既幼稚園但都升名校.... 呢d題外話.

你對啟思既感覺係點, 有無d感覺可以分享呀? 太多媽咪講緊係啟思幼稚園太簡單, 追唔上小學 etc, 我真係好需要你既意見. thanks a lot.

原帖由 SandraLo 於 09-7-9 22:56 發表

officecatcat :

就係啦, 為咗要俾其他媽咪知你小朋友有教養…..
我唔係話要佢唔借嘢俾人, 但如你知佢怕人怕事又退讓又無求, 到佢care的, 你就接受佢容許佢, 唔駛太多管制, 教佢表達, 同小朋友講：唔好意思, 呢樣唔 ...

私人傳訊

積分: 33212

153^#

發表於 09-7-10 22:05 |只看該作者

原帖由 PaPa 於 09-7-10 00:21 發表

SandraLo,
佢通常係以為自己會掂或贏既時侯﹐但最後係做唔到或輸了﹐咁佢就發曬脾氣；另外有時叫佢做好D功課﹐但佢都係不太用心去做﹐咁我就自然會「話」佢﹐這時佢都會發小小脾氣；另外有時又唔聽話﹐咁都會發脾氣。
我返工很晚才 ...

PaPa :

如果話得聽, 相信你唔駛揾我, 話唔聽重話, 就好傷感情！
「通常係以為自己會掂或贏既時侯﹐但最後係做唔到或輸了﹐咁佢就發曬脾氣」 ~~ 呢d 通常只係發自己脾氣, 如果冇整爛嘢或影響到的, 由得佢, 唔好話, 佢慢慢會知個世界唔會跟住佢轉.
「唔聽話﹐咁都會發脾氣」~~ 唔聽話係你話佢先, 佢至有得唔聽, 當中一定有d嘢係佢做錯咗你先會話佢, 你睇完点讚個topic之後, 有冇idea点用讚嚟改變佢嘅壞行為而唔駛話？
「功課不太用心去做」~~ 意思係做錯好多？定係你只係見到佢比較心散？怎樣才算「用心」, 小朋友是較難掌握的, 用對錯較好, 十題數做對了八題, 便可以讚他做對了八題, 而不是駡他做錯了兩題, 反正他錯了的他要再做; 若因環境而分心, 你便要幫他製造一個適合做功課的環境, 必要時, 你可以用罸, 罸的意思是一個壞行為的後果, 例如十題數做錯了七題, 不是他能力未到, 只是一面玩一面做所以錯, 你可以罸他(要事先講好)錯多過半便要多做額外五題……, 罸的好處是可以將話同鬧減到最少, 罸咗就唔好再話, 中國人教仔方式的致命之處, 就是太依懶話同鬧, 呢兩樣都唔會幫到小朋友改善, 只會挫敗佢, 令佢冇信心兼學埋話人, 唔會有融洽家庭！

私人傳訊

積分: 33212

154^#

發表於 09-7-10 22:51 |只看該作者

原帖由 officecatcat 於 09-7-10 09:48 發表
Sandra,
多謝你既意見, 咁我就尊重佢既反應行為, 唔好咁著緊啦.

我想知, 咁係你心目中, 係唔係建議幼稚園唔需要太多功課, 唔好太又字又句仲三文二語呢? 因我記得你話你個囡都係讀好輕鬆既幼稚園但都升名校.... 呢d ...

officecatcat :

啟思口碑算好好…..
因小學功課深, 小朋友會辛苦, 所以幼稚園就要「深定先」, 等小朋友較易適應小學 ~~ 呢個講法真係唔知邊個講先, 完全頂唔順…….
小朋友一路小學中學咁讀上去, 基本上唔會讀唔哂個考試範圍, 偏偏d 學校就知道d家長鐘意「深」, 結果乜都一早讀定, 3歲就要寫字, 4歲又要默書, 5歲張測驗卷竟然有3頁紙.......惡性循環……

依家点解殺咗咁多校, 又有咁多直資小學？佢地好多標榜小班同少功課, 要俾貴學費都一樣爭崩頭, 咪因為有另一派要求嘅家長！讀書嘅嘢, 一讀成廿年, 你話乜嘢最緊要？我就話係學習興趣同要讀得開心, 唔係点支持到咁耐？

私人傳訊

PaPa

積分: 38465

2024年龍年勳章

155^#

發表於 09-7-11 00:12 |只看該作者

原帖由 SandraLo 於 09-7-10 22:05 發表

如果話得聽, 相信你唔駛揾我, 話唔聽重話, 就好傷感情！
「通常係以為自己會掂或贏既時侯﹐但最後係做唔到或輸了﹐咁佢就發曬脾氣」 ~~ 呢d 通常只係發自己脾氣, 如果冇整爛嘢或影響到的, 由得佢, 唔好話, 佢慢 ...

當佢發自己脾氣﹐就會唔聽講﹐例如當時食緊飯佢就會話唔食﹑好飽﹑食物唔好食等等﹐咁我又開始扯火。
「功課不太用心去做」意思係佢貪快﹐導至做錯或寫得"肉孫"﹐同佢講做錯左﹑好難睇﹐佢就答我「咁又點呢﹐無問題」﹐同樣地我又開始扯火。
其實我係有諗過用讚的方法﹐但係當我講俾佢知甚麼地方做得唔好﹐佢跟本不接受自己有錯﹐又開始發脾氣﹐咁我無理由不告訴他有錯架。

私人傳訊

AW224

禁止訪問

積分: 37

156^#

發表於 09-7-11 01:37 |只看該作者

提示: 作者被禁止或刪除內容自動屏蔽

私人傳訊

GraciousC9

禁止訪問

積分: 404

157^#

發表於 09-7-11 18:14 |只看該作者

提示: 作者被禁止或刪除內容自動屏蔽

私人傳訊

積分: 867

158^#

發表於 09-7-11 21:47 |只看該作者

其實我已經報左啟思 nursery, 但見到好多媽咪係 bk 都講啟思有個問題就係太淺易, 上小學無咩選擇.

雖然我已經講到偏晒題, 但你可唔可以比d意見邊間幼稚園/ 小學好呢? 當然我係用作參考唔係以作指引, 因我會再睇實際情況同我仔仔既反應作出決定.

再次多謝你比既意見.

原帖由 SandraLo 於 09-7-10 22:51 發表

officecatcat :

啟思口碑算好好…..
因小學功課深, 小朋友會辛苦, 所以幼稚園就要「深定先」, 等小朋友較易適應小學 ~~ 呢個講法真係唔知邊個講先, 完全頂唔順…….
小朋友一路小學中學咁讀上去, 基本上唔會讀唔 ...

私人傳訊

積分: 33212

159^#

發表於 09-7-11 22:32 |只看該作者

原帖由 PaPa 於 09-7-11 00:12 發表

當佢發自己脾氣﹐就會唔聽講﹐例如當時食緊飯佢就會話唔食﹑好飽﹑食物唔好食等等﹐咁我又開始扯火。
「功課不太用心去做」意思係佢貪快﹐導至做錯或寫得"肉孫"﹐同佢講做錯左﹑好難睇﹐佢就答我「咁又點呢﹐無問題」﹐同樣地我又開始扯 ...

PaPa :

我用手寫板的, 寫咗個幾鐘架啦！

就好似我尋日嘅比喻, 要讚係要「揾位」去讚, 代表見好即收, 十題數做啱五題, 係好定唔好？個準則係你定的, 你可以鬧佢做錯五題, 但亦可以讚佢做啱五題！
你同囝囝嘅關係轉差, 係因為你成日話佢, 我明白你話佢係想佢改好, 但你已知話同鬧都係唔work; 原因好簡單, 你有冇家人想你改嘅缺点？你老婆同阿媽又有冇話過你？你有冇改？抑或佢地愈話, 你只會覺得愈煩？咁你會易明d 個種感覺........

好啦, 見招拆招：
「食緊飯佢就會話唔食﹑好飽﹑食物唔好食等等」~~ 佢講呢d 說話根本就係引你去話佢, 係完全唔須要理, 唔好話, 唔好有反應, 眼神都要一樣, 如佢要離枱, 由得佢, 只須注意一定要等下一餐先可以再食, 唔好出咗街或有小食, 但亦唔好刻意講d唔好聽嘅說話如「衰唔衰呀, 有得食又唔食」之類！

如只係d 字寫得唔靚, 確實係佢講得啱, 佢並冇錯, 咁少事你就扯火, 只因佢駁你咀, 你頂住, 若你的「大前題」是搞好關係, 請先放下這些少事, 而更重要的, 係你demo緊少少事就扯火鬧人俾囝囝睇, 佢只係跟咗你！

「其實我係有諗過用讚的方法﹐但係當我講俾佢知甚麼地方做得唔好﹐佢跟本不接受自己有錯」~~我睇錯定你寫錯？定係你重未睇点讚個topic？依家講緊点讚喎！点解會去咗「講佢知甚麼做得唔好」？佢做錯, 同做得唔好, 又係兩回事呀！好少人會接受自己有錯, 我就係教緊你點用讚嚟改錯(壞行為), 進而改善關係！

「咁我無理由不告訴他有錯架」~~如果有錯, 當然係要話佢知, 即場可以簡單咁講, 唔係鬧, 到夜晚傾計/講故事時間, 再同佢傾番, 之後就唔駛再「哦」, 因道理佢已知, 只須用讚去改！
請睇熟d 点讚個topic, 再將你唔知点處理的「位」告知, 我再講点做！

[ 本帖最後由 SandraLo 於 09-7-11 22:35 編輯 ]

私人傳訊