zzzfatkit 寫道:
我仔仔一歲五個月,情況比你仔仔情況還差.byebye、拍手、比比全部唔識,又唔理人,偶爾自己說BB話. 經過一個多月的努力,現在才叫好一點。上了一個月的十多次playgroup。現在才開始和其他人一起坐,仍當其他小孩透明。但明顯對人聲和眼神反應都有了進步,人也比以前開朗.協康會剛打電話給我,說我仔仔太小,先不做評估,十月直接做訓練。
我太太脾氣很固執,愛心爆滿但知識缺乏,我同佢講個仔唔多妥,佢就話個仔無病好正常,遲早會自己識byebye、拍手、說話,話我多餘。但明眼人都見到我仔仔"別樹一格"啦, playgroup校長叫我快D去私人評估,唔好只等政府浪費了時間(我們都報了,估計最少要排一年才有訓練).
為了仔仔,我同太太吵到上天花板,社工都搵啦,佢依家先肯同仔仔返學和檢查。但佢仍然話個仔好正常,(有時我都唔知我太太逃避定真唔知). 有幾次唸起仔仔和太太,真係想死。但一唸起仔仔以後比我太太"為所欲為",真係死都要起翻身。好彩這裡有像Jay媽和onalwong的人明白我,可以吹吹水。
依家我希望保持心境開朗(但有時見到人地D可愛BB,都會down嫁),多找途徑去問和學,才可以幫到仔仔。
如果你真係唔放心,可以打電話去協康會青蔥計劃(23937555)問問
Irene189 寫道:
大家好!我的女兒二歲一個月, 由九月開始返上午幼兒園, 上個禮拜幼兒園的老師同我講話懷疑我的女兒有自閑症的傾向, 因為她在學校不會同其他小朋友玩, 言語發展比起其他小朋友較遲, 只會講單字, 而且如果有一個課室轉去另一個課室就會相當不安, 老師叫我再觀察多一個月, 如果情況依然如是就建議我去做評估, 我今早已經打左去協康會查詢評估, 但由於很多家長排隊, 需要二至三個月左右才可以做, 故我想請問於這個月內我應該如何去觀察我的女兒呢?現在我的心情好亂亦好內疚, 因為我的工作比較忙, 每日都只有很少的時間陪伴女兒, 她很多時侯只有工人陪伴, 不知這是否會是原因呢, 煩請大家給些意見我, 萬分感謝!
Irene189 寫道:
Jay媽
已收到pm, 唔該曬!
看到你之前的post, 希望你心情已經平復, 旁人的說話唔好太著意, 最緊要係自己的仔女, 我都俾親戚問過, 係未因為我太老生仔(bb出世個年我35歲), 所以我個女會有自閑傾向, 個一刻我都差d喊, 不過而家已經無野, 只係諗辦法去治療女女, 大家一齊努力啦
zzzfatkit 寫道:
仔仔上個禮拜終於去左協康會做訓練,導師先了解下仔仔,今個禮拜正式做訓練,人地真係幾專業,一眼就睇出D我地無留意的事,但佢幾擔心仔仔唔望人同好少聲的問題,成日問我幾時會去政府做評估(佢淨係做訓練,而且佢話仔仔歲半太細,唔適合做評估,可以先做訓練)。佢話仔仔坐唔定,D玩具一無興趣就走開周圍走,而且仔仔玩玩具的技巧好弱,就算拿往件玩具都唔識玩:-(,又習慣左自己一個人玩,好在佢都肯俾人捉住一齊玩。:-P
不過依家仔仔都比前兩個月好左D,依家學識打掌仔,成日自己邊周圍行邊拍手仔。雖然平時都係當人透明,好多時又唔會應你,但同我地玩得開心都會望住我地笑一陣,而且我地見佢都會留意附近的事,有時我地講野(唔係同佢講),佢會望過去講野個人。最好笑有幾次我地係佢隔離講佢,佢明明玩緊玩具都轉頭望我地講乜。
希望仔仔一日日會好D啦