少年成長 今日: 0 | 主題: 15863

積分: 6990

1^#

發表於 07-4-27 16:40 |只看該作者

屋企有個"祈福黨"

我囝囝5月就6歲了.從他呀呀學語到今天長成一個大男孩,我感覺上帝給我機會做媽媽,真是辛福的事情.

一直以來,我覺得同囝囝相處0既方式及關係都OK. 但近排,發生咗幾件事,我懷疑是否我教育方法唔妥,而令到囝囝人格出現咗問題......

有位媽媽同我講,話我囝囝好"搞笑". 搭屋苑小巴時,我囝同一個3歲幾0既小朋友講話:"你好乖噃.有好味嘢要同人分享哦."結果,人地俾咗D薯片佢食.

又有位婆婆同我講,話我囝囝同佢孫講話,食煎炸嘢會生CANCER0架.冇食咁多.分D俾第二D小朋友食. 結果,佢孫就分咗俾我囝食啦.

我知道咗之后,真係好嬲.但都冷靜同囝囝傾解,我問佢,咁樣做有咩唔妥.我囝話,佢知0架啦,以后唔會咁做.

平時係屋企,佢已經好惡.冇乜禮貌.禽晚發生件事: 佢做緊功課,但係腦諗緊另外一樣嘢.我同佢講話,做功課時,要將個心由第二度返返黎. 佢就頂嘴啦.話:"我個心生係我身体入邊,根本就出唔到去.由邊度返黎呀?依家唔係係度嘍." 講時好吋.

前一排試過,又係因為好小事,佢扭解,爸爸同我話佢時,語氣嚴厲咗. 我囝就話:"0拿!你地兩個同我聽清楚呀.唔好用呢D語氣同我講嘢呀." 佢講時,又係好吋.好冇禮貌.

禮貌,我地已經同佢講過嘴皮都磨穿啦. 老師話,佢係幼稚園入邊,又冇嘢噃.表現仲幾好添.

大家有咩好建意俾我,管制一下呢位"未來祈福黨". :cry: :cry:

快樂的甜芋快樂的甜芋

私人傳訊

積分: 33212

2^#

發表於 07-4-27 16:54 |只看該作者

Re: 屋企有個"祈福黨"

你阿仔好鬼醒，贈你幾個字：

「身教」、「平起平坐」！

盡量「話」佢少啲，以「行為控制」代替「思想控制」！ :lol:

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 6990

3^#

發表於 07-4-27 17:12 |只看該作者

Re: 屋企有個"祈福黨"

Sandra : 你好! 多謝你回覆我. 有樣嘢身教,我囝已經改善咗好多.其中一樣嘢,就係佢對屋企工人,由囝囝K1時,對工人呼呼喝喝,到今時今日,同菲姐,冇再雞蛋入面挑骨頭. 我覺得自己0既"身教"已經見到一個成績.

但係平起平坐呢樣嘢,我覺得我囝囝依家已經時時要做我老豆.我唔識掌握.

同埋,點樣先可以以「行為控制」代替「思想控制呢? 我理會唔到,可以教吓我嗎? 多謝你呀.

快樂的甜芋快樂的甜芋

私人傳訊

積分: 6990

4^#

發表於 07-4-27 17:16 |只看該作者

Re: 屋企有個"祈福黨"

Sandra:仲有嘢呀!佢做"祈福黨".我同佢傾.佢話以后唔會啦.佢講時,好輕松,我感覺係表面應吓我.但係心入面,唔當係一回事.

快樂的甜芋快樂的甜芋

私人傳訊

積分: 33212

5^#

發表於 07-4-27 23:28 |只看該作者

Re: 屋企有個"祈福黨"

甜芋寫道:
Sandra : 你好! 多謝你回覆我. 有樣嘢身教,我囝已經改善咗好多.其中一樣嘢,就係佢對屋企工人,由囝囝K1時,對工人呼呼喝喝,到今時今日,同菲姐,冇再雞蛋入面挑骨頭. 我覺得自己0既"身教"已經見到一個成績.
但係平起平坐呢樣嘢,我覺得我囝囝依家已經時時要做我老豆.我唔識掌握.
同埋,點樣先可以以「行為控制」代替「思想控制呢? 我理會唔到,可以教吓我嗎? 多謝你呀.

今晚夜咗返，唔知答唔答得起......

心理同思想控制係中國人家長較易犯的毛病，即希望操控子女的思想，要他們跟隨自己的方法行事，但又未能以身作則，教導方式以「話」「怪責」為主，日子一耐，令子女不願甚至抗拒跟父母談話。
「行為控制」則要認識子女的須要，表達對他們的期望，適當監控，還要獎罸分明等等。

講出嚟似乎大家都不會揀錯嘅嚟做，但做起上嚟就......
(明續)

私人傳訊

健朗媽咪

公爵府

積分: 25060

好媽媽勳章

6^#

發表於 07-4-28 12:24 |只看該作者

Re: 屋企有個"祈福黨"

甜芋:

我覺得你個仔都幾醒喎
我個仔都係啱啱6歲, 所以我同你都係6歲小男孩的媽咪

聴你咁講, 你個仔的轉數都好快,
不過不幸地快在駁咀同走精面上

你話你同個仔相處都OK, 但你多唔多時間陪佢
當你唔係度時, 工人姐姐又會點管教佢呢
定係當你唔係度時, 工人姐姐都唔會點教佢
會唔會佢曵或做得唔啱,工人都又得佢唔理
因為如果你要返工
佢對住個工人仲多過對住你喎
如果你唔清楚平時工人點教佢,
又或者你好似之前陶傑咁講, 當工人係奴隸
咁你個仔就會有樣學樣, 就算佢對工人有禮貌
但佢都唔會尊重佢, 更加唔好講聴工人教

仲有佢會唔會係睇好多電視
我覺得睇得電視多的小朋友, 駁咀都會叻D
好多你無教過佢講的野, 睇電視都會學到

幼稚園老師話佢無問題, 表現幾好,
但係我有個FD話佢幼稚園老師會教佢個女走精面
佢個女都試過騙我個仔D零食同玩具
有時有D幼稚園都幾敷衍家長, 尤其係唔常見面的家長
問親D乜都話佢無乜野, 好好吖咁

同埋我覺得佢唔止無禮貌仲唔尊重人
連你係佢亞媽佢都唔係好尊重, 其他人更加唔駛講

至於你講到嘴爛佢都係咁,
不如你考慮下比佢上下D 4Q培訓課程睇下會唔好D

私人傳訊

積分: 6990

7^#

發表於 07-4-28 20:58 |只看該作者

Re: 屋企有個"祈福黨"

你好呀! 健朗媽咪.

我係在職媽咪.如果同全職媽咪黎比較,我係屋企同囝囝相處0既時間係短咗2個鐘左右.我囝囝返全日幼稚園.返到屋企5點,做埋功課温習睇埋佢中意0既書,食埋飯.7點我就返黎啦.菲姐會帶佢地去慢跑半個鐘.我捉緊時間食飯沖涼,凈餘時間就俾晒囝囝囡囡啦. 因為我先生係內地返工. 所以,幫唔到咩手.星期6,日,先生同我0既時間,都係俾晒小朋友0架.

講吓工人先. 依家0既菲姐幾幫得手.我同工人相處暫時都幾好.而我本人係一個唔會立亂發脾氣閙人0既人. 但係,偏偏囝囝細細個就成日擺老細款.都過咗3年啦,依家改善咗好多. 我都問過老師0既意見,所以,就用身教0既方法,潛移默化去影響佢.到今日,囝囝冇再擺款啦.而同菲姐相處都幾好.講真,我會同菲姐傾教導小朋友0既問題.我有話過俾菲姐聽,某一程度上,要食住我0固仔.以菲姐都可以做到.而我唔係一個當菲姐係奴隸0既人.

詳情可以參考"論盡家傭"版中的"我們的菲姐".

我囝囝麻麻地好電視.暫時都未試過追卡通片.佢係睇完就算.興趣普通.

因我囝囝讀過兩間幼稚園.之前0固間因為收生不足而關閉,所以,高班轉黎依家呢間. 而兩間幼稚園0既老師,對囝囝0既評價都係咁.

呢兩間幼稚園,我都幾中意佢地0既教育方法.老師係負責任0既人.之前間幼稚園0既老師,到依家,我同佢地間唔中都會聯絡. 我向佢地請教教小朋友0既方法.大家好啱傾.

而我本人係中意小朋友0既人.而我都有愛心同興趣去教導我0既囝囝囡囡.

你講得好啱.我囝囝真係一個係某些時候,好無禮貌仲唔尊重人0既小朋友.依家仲加埋一樣扼食.而我同先生暫時好想揾個辦法去改善呢樣嘢.

同埋我同先生都冇望子成龍0既心態.暫時都係以最原始0既方法去同孩子們相處.

我囝囝都有佢好學0既一面.佢專注力好好.對自己中意0既事物.義無反顧的去學習.佢中意航天科技.有關0既參考書.佢可以睇完又睇.功課默書,都會自動自覺去温習.

佢人緣都OK.同同學,朋友相處容恰.係屋企大部分時間對妹妹都有愛心.而佢都唔自私.某一程度上,願意同人分享自己0既嘢.

愛心佢都有.啱啱見到電視廣告話,虐待小動物會判3年,佢唔係咁滿意. 同我講,話:"動物都有生命,好可愛.點止判3年." 我問佢,你話要點算好. 囝囝話:"應該教識佢地要愛護小動物.愛惜佢地0既生命.幾時改咗,再放佢地出黎做人."

以上我講咗咁多,問題係,如果囝囝一路發展都係正面0既,我當然開心.但係,更加嚴重0既,係人品發展教育.而我,暫時真係唔知點做.

快樂的甜芋快樂的甜芋

私人傳訊

積分: 33212

8^#

發表於 07-4-28 22:24 |只看該作者

Re: 屋企有個"祈福黨"

甜芋：

我之前個 post 係講教仔，跳咗個 step，不如講番你第一個post先.........
其實你囝囝「扼」咗人的嘢食之後，除咗佢話你知「有咩唔妥」之外，你重同佢傾咗啲乜？
通常呢 d 轉數快嘅小朋友，特別鍾意駁咀，因為佢揾到你嘅「破綻」，好想講嬴大人示吓威，千祈唔好覺得頂住，從好嗰邊諗，絕對係一件好事，因為算有計傾有溝通，只要你平心靜氣照答佢，不厭其煩的同佢傾落去，就唔會「觸動」佢惡意咁同你撐！

私人傳訊

積分: 6990

9^#

發表於 07-4-28 22:45 |只看該作者

Re: 屋企有個"祈福黨"

SandraLo:哈囉 ! 我同佢傾扼食嘢呢樣嘢時.佢話:"我知啦,以后唔會咁做啦."但係係應付我. 跟住我唔識點同佢講,我凈係話,你可以保証以后唔會咁做.佢話得.

我同佢有解傾0固時,覺得佢好懂事.我好滿意添.但係佢同我同爸爸吵交時,我地覺得,突然之間,佢變得似魔鬼.

好似佢搏嘴話,0固心出唔到去,你話應該點應佢好呢?

同埋,佢有個現像,今日佢表現超好.上午返學,圖書館借書.返黎睇書,上網,跑步一個鐘,頭先瞓咗啦.但可能聽日就扭計.我發覺佢有時好似狗仔咁,要出去放放風.

快樂的甜芋快樂的甜芋

私人傳訊

積分: 33212

10^#

發表於 07-4-29 22:18 |只看該作者

Re: 屋企有個"祈福黨"

甜芋：

基本上，依家啲細路係「話」唔聽........ 如果啲媽咪重諗住自己以前係点俾阿媽話或者鬧而變乖，必然會好痛苦...... 重有，佢地都同時係天使同魔鬼，並可隨時變身！

你囝囝「扼」咗人的嘢食之後，雖然肯保證以後唔會咁做，但都要提佢：呢樣嘢叫欺騙，其實都可以好嚴重，如果扼錢，就係犯法，順手講埋己所不欲勿施於人的道理。我估計佢係「牛刀小試」，只係想睇吓自己掂唔惦。

佢搏嘴話個心出唔到去時，可以簡單咁話：呢個係比喻，只係想叫你專心啲，平日我地有啲乜嘢大頭蝦嘢都會話「死啦」，唔通又真會死？

小朋友响屋企同學校嘅表現會幾唔同，因為要 fulfil 個老師並唔難，响屋企要加埋起居飲食d 立雜嘢，相應嘅規範會較多，你話佢佢會作出抗衡 (你地所謂嘅反叛)，加上係人都唔鍾意俾人話，駁咀因而產生，而佢亦明白到大家好多時其實响度角力，是但一方退一步，就代表另一方進咗一步！

你有冇睇「媽咪容易犯的錯誤」個topic? 對於大個啲嘅小朋友嚟講，「互動」就變成駁咀，係另一種口舌之爭，拆解方法就係盡量少話同少怪責.......

你會問，唔話咁点教？佢錯由得佢錯咩？
正確做法係用「讚」嚟話俾佢聽乜嘢係好行為，嚟代替「話」佢一個唔好嘅行為；而「讚」較難嘅地方係讚嘅 timing，好似有個歲半bb一入playground就推其他小朋友，根本就冇得讚佢冇推，咁我教咗個媽咪之後(好似係bblui)，佢把握時機，未去到playground就讚定(因為未有其他小朋友

)，結果係work嘅，好快搞掂咗，你有時間可以入呢個 topic 睇→ 小朋友大脾氣,可以點教，第一個教点讚嘅 post 應該响第一個 page尾二個 post (答twg)。

你阿仔轉數快，遲啲佢大啲拆起上嚟未必咁易，希望我重可以幫得到啦！

私人傳訊

積分: 33212

11^#

發表於 07-4-29 22:57 |只看該作者

Re: 屋企有個"祈福黨"

有啲補充：

禮貌呢樣嘢其實又係幾抽象，你齋同佢講「要有」，又係冇乜用，要响平日佢做啱時「盡情」咁讚佢：好乖喎好有禮貌！但千祈唔好孤寒，將讚變咗「鵝」，例如話：係咁就乖啦，嗰日咁咁咁對老豆就唔好啦，以後唔好啦！此舉將讚變成秋後算賬！
假設佢又再「扼」嘢食或其他，你就要同佢講定罸則 (其實上次都應該要)，再犯就罸例如三日冇得睇電視，緦之要係「入肉」嘅嘢，咁就唔須要再鬧，詳細嘅道理，就可等傾計/story time時再教番！

私人傳訊

積分: 6990

12^#

發表於 07-4-30 11:20 |只看該作者

Re: 屋企有個"祈福黨"

Sandra:多謝你呀 ! 我有睇你寫的topic.因為某一d嘢.小朋友身上發生的事情不同,而我雖然明白你文中的道理,但實際應用時,我就會出現方法不當的問題.或者有時,我唔識點用.多謝你用實例教咗我.

依家打住咁多,一陣再問,真係唔好意思.

快樂的甜芋快樂的甜芋

私人傳訊

calamus

大宅

積分: 1936

13^#

發表於 07-4-30 12:16 |只看該作者

Re: 屋企有個"祈福黨"

甜芋
你個仔又真係好好笑
簡單D, 其實就住呢個問題上

你仔仔心想吃零食, 只不過佢用一D大人的口吻去說服小朋友, 比去"搶"已經文明許多

其實身為母親, 你希望佢能控制自己"為食"
定"為食"時要怎樣表達自己???
你自己清楚自己的尺度, 才能管教兒子,
兒子才知道下次應怎樣做

私人傳訊

積分: 6990

14^#

發表於 07-4-30 13:32 |只看該作者

Re: 屋企有個"祈福黨"

calamus : 你好!我囝囝對零食呢嘢,唔為食0架.因為佢知入邊有好多對身体唔好0既嘢.因為屋企都有薯片,芝士波波.已經放咗係度一個月啦,冇人開黎食.

快樂的甜芋快樂的甜芋

私人傳訊

積分: 6990

15^#

發表於 07-4-30 13:50 |只看該作者

Re: 屋企有個"祈福黨"

哈囉 ! Sandra . 禽日又發生一件事.我地一家四口係出邊食飯,囝囝食完啦,一路係隔離"鵝"我要走.係都要返屋企.因為我地諗住去買屋企用0既嘢,我同佢解釋,佢都明白,但係都係要返屋企.佢話係街好悶.想返去做佢中意0既嘢.

我經常都俾佢咁樣"鵝".禽日,我用咗一個我都唔知好定唔好0既辦法.我見點同佢講都冇用.我突然之間就拎起手袋,話:"媽咪依家要去買D自己用0既嘢.你係度等我呀."囝話:"唔得,我都要去.我想你帶我返去屋企先."我話:"你都唔想同我一齊啦,我點帶你返去呀?"阿囝先話:"好啦.媽咪,我聽你話.我地一家人去買嘢."

一路上佢都好合作.去到遊樂場,阿囝話,想去跑吓.我地應承.佢同妹妹玩咗一個鐘,成身大汗.爸爸一話返屋企.佢好配合.而返到去,佢都答應我,默咗書,練埋字.跟埋我煮飯.睇咗一陣電視,沖涼,跟住航天百科到9點半,瞓覺.

禽晚,佢冇同我地吵交,頂嘴.我覺得,可能同佢遊樂場玩0固一個鐘有關係.因為佢發泄啦.將佢0既魔鬼精力用咗一部分.

快樂的甜芋快樂的甜芋

私人傳訊

積分: 6990

16^#

發表於 07-4-30 14:14 |只看該作者

Re: 屋企有個"祈福黨"

繼續 : 你話佢係小試牛刀,我又覺得佢未識攻心計呢樣嘢.但係佢又唔好零食.佢咁樣做,係為咩呢?我真係搞唔明.

前晚,囝囝贏我啦,因為當時我食緊飯,腦唔係同佢傾解0固CHANEL度.

我食緊飯時,囝囝跑步返黎.一入門口,佢就講:"唉!媽咪呀,今日我寫0既字好唔掂.我覺得麻麻地." 我答:"係?一陣攞黎睇吓." 阿囝即刻攞出黎.我見佢寫0既字,又幾好,冇咩唔妥.我就話:"今日0既字OK.係用心寫0既." 阿囝就話啦:"我次次都用心寫0架啦.0固心生係身体入面.飛得去邊度啫.咁今日0既字冇嘢改啦.0拿!英文.數學都做晒啦.你睇吓"佢講時,有輕飄飄,教訓我0既語氣.

因為仲食緊飯,當時又唔識點樣應佢啦.所以,我覺得我又輸咗.

我0固問題就係呢度.我用贊0既方法,佢係好0既方面表現出黎.仲可以不斷進步.但係好似頭先佢吋,招積呢樣嘢.而我應該點樣做呢?

因為囝囝仲細.依家仲可以見招拆招.等佢再大D,我要不斷諗新辦法.

快樂的甜芋快樂的甜芋

私人傳訊

積分: 33212

17^#

發表於 07-4-30 16:59 |只看該作者

Re: 屋企有個"祈福黨"

甜芋寫道:
Sandra:多謝你呀 ! 我有睇你寫的topic.因為某一d嘢.小朋友身上發生的事情不同,而我雖然明白你文中的道理,但實際應用時,我就會出現方法不當的問題.或者有時,我唔識點用.多謝你用實例教咗我.

依家打住咁多,一陣再問,真係唔好意思.

我明你講乜，呢d 當然係講經驗，你依家嘅情況並冇大問題，只要你已aware到佢係蓄勢待發，你要沉住氣見招拆招就已經夠！
放工再講！

私人傳訊

Helen

大宅

積分: 1321

18^#

發表於 07-4-30 22:31 |只看該作者

Re: 屋企有個"祈福黨"

真係好...見到呢個topic, 我都係同道中人! 我個仔最近又係成日發脾氣,睇完都有得著...Thank you!

私人傳訊

積分: 33212

19^#

發表於 07-4-30 23:50 |只看該作者

Re: 屋企有個"祈福黨"

甜竽：

你禽日嘅呢件事我咁睇：佢"鵝"你地要返屋企，但你地冇因此改變，反而大番轉頭，佢係醒目仔，於是嚟一招順水推舟.......

啱架，去多d 遊樂場對小朋友係好好，我有個同事講過，話如果佢三日唔做運動就會發俾氣！

我所講嘅小試牛刀，係我覺得佢想試吓咁做通唔通，亦即試吓自己把口，所以你一出聲佢就話保證唔再做，因為佢都知唔啱！

「次次都用心寫」呢單，你都未算輸嘅........ 佢第一次講時攞到甜頭 (你答唔上) ，佢食過番尋味啫，你揾次問佢，点解咁鍾意咁講？唔通唔明用心＝專心？你唔好太介意佢吋，佢暫時只係想响你面前表現自己，你俾佢覺得你耿耿於懷，重 reinforce咗佢繼續做，下次再有類似事件，就算駁唔上，當冇嘢 (冇發生過)便可，不要和他「互動」！

私人傳訊