仍然虛弱的Erwiana,當得悉香港警方今日會到當地親自為她錄取口供時,高興不已,雖然長期受虐令其手難以書寫,但她仍以行動證明討回公道的決心,前晚主動要求執筆,練習寫字,希望可親手在口供紙上簽名作實,更堅定不移向記者稱:「我會回香港指證她(僱主)!」她亦感謝昨日為她遊行請願的各界人士。
問及脫離魔掌一刻,Erwiana稱自己在港的最後48小時記憶幾乎盡失,依稀記起自己因虛弱至癱睡廁內,被讀中學的男少主及女少主投訴,姓羅女僱主才將她送往機場:「日日只瞓得三個鐘,做嘢周不時都瞌眼瞓,少主見到就同媽咪投訴,媽咪就一拳拳咁打我。」她指自己返回印尼後,每日清晨5時亦會驚醒,以為要開工,才驚覺已脫離魔掌,但也輾轉至下午才能再度入睡。
Erwiana父親怒轟:「呢個咁惡毒嘅女人(僱主)唔係人所為,希望可以將佢繩之於法,不能原諒,不能放過!」他憶述愛女打工以來,只曾於去年8月致電回家四分鐘,悄悄稱「我只可以打畀你一次,你唔好打番呢個電話搵我,半年後我會再打畀你,你畀戶口我入錢畀你。」但掛線後即失去聯絡,父親心感不妙,每日祈禱,「如果唔係上天保佑,個女一定自殺!」http://hk.apple.nextmedia.com/news/art/20140120/18598939