本帖最後由 bonnyye 於 14-5-21 07:10 編輯
話說琴晚同老爺奶奶, 佢地的朋友2公婆(從香港黎玩), 我老公, 一行6人去三藩市食buffet...
盡地主之誼, 帶佢地去食自助餐, 呢間野不嬲都多人, 去到, 見到有架旅遊巴停0係外面, 車上全是中國人, 已心知不妙, 但一場黎到, 無理由轉地方.
入到去, 有位, 開始各自各去拎野食. 食到咁上下. 0個班中國遊客浩浩盪盪行入黎, 坐0係我地後面..
食咁耐, 我同老爺就比人撞咁耐...因為佢地不停0係我地後面夾硬行來行去, 近D, 方便D呀麻...(我地後面並唔係一條路, 當然, 如果要夾硬行, 無話唔得的....)
然後, 我地起身拎野食, D人會將我地椅子推前D, 方便佢地行, 每次返黎要拉返開張椅子不在講. 仲有的係, 老爺掛左件外套0係椅背上, 返黎時, 件外套沾滿佢地食完海鮮未洗手的油漬............
更過份的係, 明明我地食緊野, 有人坐緊0係度......佢地竟然將食完的碟放0係我地桌上!!!!!! 完全無視我地存在....老爺奶奶問你做乜呀?? 佢仲一副有乜咁大不了的表情話"無人收碟呀"(國語)...............咁就要擺0係我地度喇?
食到一肚火呀真係.....
--------------------------------------------------------------------------
講少少題外話:
有jm話好多人去美國生, 其實無錢都可以去美國生.
我識一個就係咁, 完全唔熟, 係親戚姪女...大陸人, 2公婆用旅遊身份去美國, 0係三藩市生左個女. 佢地無身份, 因此唔可以合法打工, 唔知點樣比佢地租到間屋, 將D房出租比去三藩市旅遊的人, 你知D後生中意自由行唔跟團, 咁呢D房咪就搶手囉, 平過租酒店...
個女的而家大住肚準備生第二個喇.....
見親佢地我都無好面色, 佢個女我有份用錢養(納稅人)
對社會無貢獻(佢地出租房當然唔會交稅啦), 而又食政府(佢個女自動享有美國福利), 正正同香港有手有腳正正常常但又拎綜緩一樣咁乞人憎!
-------------------------------------------------------------------
呢個仲經典
一個50幾歲的女人, 係老公2叔的小學同學(大陸), 佢去美國旅遊, 一黎就唔想走喇, 點呢......佢遊說2叔, 比筆錢佢, 同佢假結婚, 要假結婚, 就先要同2嬸離婚, 2嬸長期患病, 雖然好唔願意, 但都無辦法, 而個女人亦都同佢大陸個老公離婚, 話為左個仔將來可以去美國喎...............佢老公又OK喎..........
好啦, 終於結婚, 叫我同老公去做證婚人......嘩唔係呀? 老公話睇場戲0姐, 無所謂啦...
好啦終於達成個女人願望, 開頭個女人仲0係出面租屋住, 2叔周不時去過夜......搞搞下仲住埋2叔屋企, 變成真真正正的2嬸. 同ex-2嬸一齊服侍一夫...
而家去食飯飲茶仍然會見到呢三個人一齊出現的奇景. 只不過ex-2嬸坐輪椅咁0姐.....
----------------------------------------------------
總結:
為左去美國, 無錢的中國人係可以無所不用奇極. 呢D騎呢野隨時發生在你/我/他身邊.
不同傻子爭辯, 否則就搞不清誰是傻子了.
頭等人, 有本事, 沒脾氣; 二等人, 有本事, 有脾氣; 末等人, 沒本事, 大脾氣.
與其說是別人讓你痛苦,不如說自己的修養不夠。
一個常常看別人缺點的人,自己本身就不夠好,因為他沒有時間檢討他自己。