夫婦情感 今日: 13 | 主題: 42450

積分: 733

1^#

發表於 15-1-2 21:34 |只看該作者 |倒序瀏覽 |打印

其實同C6一齊左差唔多10年了，結婚都已經有4年了，有一個兩歲大的囡囡。一直以來，C6都唔係一個醒目既人，佢以前係一個宅男，缺點很多，唯一的優點就是愛我。但是隨著時間的逝去，愛變得越來越淡，反而他各項缺點就越來越令人難以忍耐。

每天和他之間的生活都充斥著吵架，我不是一個小氣的人，每次吵完其實都不用他哄返，因為我知道他亦不會哄我。

就以最近為例，聖誕節我一如既往為他準備聖誕禮物，但他卻甚麼也沒準備。最近因為囡囡大病左一場，住左兩個禮拜醫院，出陣後只要工人姐姐，除非工人姐姐唔係度，先要我。琴日難得假期，同C6&囡囡出外慶祝，囡囡唔肯行又唔肯坐BB車，只係要我抱（唔要C6碰）。我琴日抱左囡囡成日，條腰及雙手痛到想哭，但C6不單沒有安慰我或者勢下手，反而對住我發脾氣！佢話囡囡唔要佢令到佢心情好差！

今晚，囡囡又扭計，要工人姐姐，但工人姐姐洗緊碗。因為扭計之前，係C6同囡囡玩緊（因為我叫佢多d同個囡玩，如果唔係個囡唔知幾時先跟返佢），我咪話C6點解唔同個囡玩，走左去睇電視？叫佢可唔可以花多少少時間係個囡身上，而唔係睇電視同打機？點知佢竟然發返我脾氣，話個囡夠唔搵你要姐姐啦！

果刻，我真係好傷心。點解C6唔關心我、唔愛惜我不特只，仲要係我傷口上灑鹽？

真的不知道怎樣同C6相處下去了。。。

0 0 0

私人傳訊

Nancy20090615

瑪瑙宮

積分: 128759

2^#

發表於 15-1-2 21:39 |只看該作者

隨著時間的流逝, 愛越來越淡

係咪您太集中照顧個囡忽略佢呀?

私人傳訊

草莓602

積分: 4894

3^#

發表於 15-1-2 22:27 |只看該作者

其實小朋友成日扭計，令你和老公都心情不好，可能他不是不愛惜你，大家傾吓啦！

點評

wcpcelia

發表於 15-1-3 09:36

私人傳訊

積分: 733

4^#

發表於 15-1-2 22:53 |只看該作者

回覆：Nancy20090615 的帖子

其實都有可能係，但身BB媽媽，疼惜BB也是很正常吧？

說實話，我倒是不明白為什麼C6雖然有左小朋友，但都仲可以好似以前甘掛住打機上網？

私人傳訊

積分: 733

5^#

發表於 15-1-2 22:59 |只看該作者

回覆：草莓602 的帖子

其實最近真的很唔開心，BB入院果兩星期，我因為啱啱轉新工，無假期無得去醫院陪個囡，搞到C6果兩個星期都攞左半日假，佢心裡面好唔開心，覺得自己付出左好多。。。果兩個星期主要都是由工人姐姐負責係醫院度照顧佢，搞到個囡宜家心裡面只要工人姐姐，唔要我地（係工人姐姐唔係度，佢先要我）。但係以前佢最痴果個其實係C6,工人姐姐都痴，但無甘誇張。所以因為呢件事，搞到我地大家都好唔開心

私人傳訊

姬絲丁Ding

積分: 3667

6^#

發表於 15-1-2 23:47 |只看該作者

回覆：Dinper 的帖子

講起我都有d慚愧，聖誕節無送禮物比老公，生日又無禮物，淨系同佢食左餐飯咋

私人傳訊

積分: 12943

7^#

發表於 15-1-3 00:38 |只看該作者

引用：其實都有可能係，但身BB媽媽，疼惜BB也是很

原帖由 Dinper 於 15-01-02 發表
其實都有可能係，但身BB媽媽，疼惜BB也是很正常吧？

說實話，我倒是不明白為什麼C6雖然有左小朋 ...

咁當工人姐姐湊住囡囡時，你自己會做乜

私人傳訊

dotdot.blue

積分: 1877

8^#

發表於 15-1-3 00:57 |只看該作者

回覆：真的不知如同C6相處下去。。。

由細到大都係痴工人? 樓主我雖然感覺得你好慘不過你都要檢討下點解個女寧願要工人都唔要你

點評

littlesun

發表於 15-2-24 01:18

私人傳訊

eggpudding

積分: 14327

9^#

發表於 15-1-3 00:58 |只看該作者

回覆：真的不知如同C6相處下去。。。

雖然我自己係愛情長跑九年失敗，結婚前有第三者介入被分手
但係我ex曾經問過我一條問題
我同佢一齊我sweet嗎？
我諗左一陣，我答佢：我滿足...
其實咁多年，佢係一個唔點花心思同懶嘅人...
咁多年我都無要求佢做多啲乜...
佢亦都無做過好多野令我覺得sweet,
我記得果啲可能就係啱啱開始同propose果時啦
但係我一直無忘記過咁多年果份感情，相處果一點一滴...雖然我好hurt,但我都好肯定講得出我仲好愛佢...
既然你地有機會建立一個家，唔係有第三者
點解唔可以再包容多啲，付出多啲，少啲計較
有嘅時候懂得珍惜
我唔知點去形容失去果種痛，琴晚我發夢見到我個ex,發夢果時我地係一齊睇緊咁多年一齊去旅行嘅相，我係痛到喊醒......
一份感情，一個完整嘅家，其實得來不易
請珍惜....

未經本人同意,請勿轉載內容!

私人傳訊

積分: 12943

10^#

發表於 15-1-3 01:04 |只看該作者

引用：其實最近真的很唔開心，BB入院果兩星期，我

原帖由 Dinper 於 15-01-02 發表
其實最近真的很唔開心，BB入院果兩星期，我因為啱啱轉新工，無假期無得去醫院陪個囡，搞到C6果兩個星期都攞 ...

唔該你咪成日賴哂個老公啦，你不停話你老公有問題，但在旁觀者眼中，你自己既問題都唔少。老公是你自己揀的，正如大多數認為只要男人對你好、\"愛\"你就嫁得過的腦殘港女，嫁個對你好乜都就哂你擔屎唔偷食的男人既原因，係因為以為自己可食住對方，以為對方會永遠如熱戀期般咁呵護你對你不變，諗住自己在這段關係中冇輸兼攞哂著數，而唔會考慮兩人其他方面的雙容性，日子耐咗大家自然淡咗，感情便無以為繼，難以維繫。

通常到咗呢個階段都已是生咗B既時候，成功借種後成副心機放哂落個B度，當個B是神明般咁拜，同時亦大安旨意大條道理忽C6，且開始中意玩 fault finding，無論對方做乜都睇唔順眼，永遠只用自己標準量度對方。

你老公連續2個禮拜請半日假去睇個女，你仲想點？照顧小朋友既嘢男人當然不及女人細心，加上有工人在旁，咁更加唔會落手落腳做啦，否則要個工人做乜？然後又怪對方，連個女同你哋生疏咗都算到佢頭上，真係打橫來講！人哋心情唔好，你就一口咬定對方是因不耐煩照顧囡囡而起，而唔會諗下連續2星期告半日假，就算你有假在手，老細就不會炸形嗎？同事都要分擔C6工作，同事不會炸形嗎？你老公都會有壓力架！

私人傳訊

積分: 12943

11^#

發表於 15-1-3 01:06 |只看該作者

引用：由細到大都係痴工人

原帖由 dotdot.blue 於 15-01-03 發表
由細到大都係痴工人? 樓主我雖然感覺得你好慘不過你都要檢討下點解個女寧願要工人都唔要你

...

佢自己都做得唔夠好，但就將個outcome(或任何自己唔中意見到既outcome)推哂落老公身上，自己又唔自我檢討

私人傳訊

積分: 12943

12^#

發表於 15-1-3 01:14 |只看該作者

回覆：真的不知如同C6相處下去。。。

個囡囡自己扭計要姐姐，老公都同佢玩咗一陣啦，見佢扭要姐姐，注意力轉移咗都唔得？個女都唔黐你，咁你同佢玩唔得嗎？咁你哋同個女玩時不如索性關電視囉，

你常有意無意用說話詆毀你老公，我覺得你已唔愛對方，而家無論對方做乜都篤眼篤鼻。你話唔識同對方相處，對方也可能有相同諗法。若你再唔檢討唔珍惜對方，冇咗時不要後悔。

私人傳訊

carwaichu

男爵府

積分: 5638

13^#

發表於 15-1-3 01:53 |只看該作者

回覆：真的不知如同C6相處下去。。。

我都唔明，做女人想老公錫下氹下，有時交換下禮物好過份咩？成日俾人話唔知足，會後悔。。。拍拖個個都開心，愛先結婚，結婚後就要化？就唔可以期望得到老公嘅注意同關心？感覺被老公冷落，失去被愛而唔開心，人之常情，好似做錯事咁，結左婚唔可以有拍拖feel咩？只係想愛情唔好咁快淨返感情，大家都可以花啲心思去維繫。
明白樓主心情，bb唔跟你已經好唔開心，仲要覺得老公唔關心，我覺得你剛返新工老公攞假無問題，雙方夾到就ok la, 無話一定要媽咪陪嘅，放得唔放咩，唔洗做咪可以全日陪囉，既然兩個都要返工揾食就要揾個最可行嘅方法
但小朋友咁樣抱落去都唔係辦法，都要狠心啲唔好抱咁多，姐姐都抱少啲，唔係有排都戒唔甩，你哋係度盡量自己照顧返啦，減少啲同姐姐接觸。
大家都要控制下情緒，唔好因為湊小朋友而影響感情，講啲傷害大家嘅說話，小朋友會感受到。平時bb痴開老公突然唔痴佢唔開心都正常，你又安慰下佢囉，佢宅開打機上網又好難戒噃，返工湊女大壓力咪俾佢relax下囉
4年就想放棄？仲有排學呀，我10年都未搞得掂，成日都唔開心完呻完又自我安慰，一齊加油啦。

私人傳訊

siufung

積分: 13005

14^#

發表於 15-1-3 03:57 |只看該作者

回覆：真的不知如同C6相處下去。。。

我c6缺點多到手指腳趾加埋都數唔曬……
我敢講好多人對住佢晨早做左怨婦，甚至離婚……
我都試過三日唔埋兩日匿埋喊(我係死人冧樓都唔會喊的人，硬淨過男人)
他人太情緒化，又惡脾氣大又偏激……
心情不好時便雞蛋裏挑骨頭為難別人……
但一直留守，就是將對方的缺點無限縮少，將其優點無限放大……
因為有佢優點，蓋過一切，路先可以走下去……
其實睇黎好似好委屈自己，實在自己舒懷d，好過d，其實先係善待自己……

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

eggpudding

積分: 14327

15^#

發表於 15-1-3 09:02 |只看該作者

引用：我都唔明，做女人想老公錫下氹下，有時交換

原帖由 carwaichu 於 15-01-03 發表
我都唔明，做女人想老公錫下氹下，有時交換下禮物好過份咩？成日俾人話唔知足，會後悔。。。拍拖個個都開心 ...

因為人生，愛情就是這樣
無人可以維持一世甜蜜新鮮...
愛情總有一日變成感情，你唔想咁快變成感情,你自己都可以花心思...
如果是但一方唔接受，我可以話你遇到第二個新鮮，俾番熱戀感覺你，你100%會走...
但最後愛情仍然會變成感情，是乎你自己可唔可以拉長愛情嘅時間....
始終男女係有分別，大家嘅expectation係唔一樣...
如果你想維持一段婚姻，你要adjust your expectations....
夫婦要相處幾十年呀...總有一方包容多過對方...

未經本人同意,請勿轉載內容!

私人傳訊

hello_kristy

男爵府

積分: 8463

16^#

發表於 15-1-3 12:37 |只看該作者

回覆：Dinper 的帖子

你覺得佢係咪一個接受事實既人？

事實就係，囡囡對邊個時間長就跟邊個，所以 = 姐姐 > 媽媽 > 爸爸

咁如果佢肯花時間比囡囡，咪有機會變囉…唔肯，就唔好為自己既決定而唔開心發人脾氣…

私人傳訊

rain2013

積分: 2217

17^#

發表於 15-1-3 13:00 |只看該作者

其實睇黎好似好委屈自己，實在自己舒懷d，好過d，其實先係善待自己……
siufung講得好！

我都覺得包容一下c6缺點其實係曲線對自己好，以前忍不住不斷的冷戰、吵架，往往係雙輸局面，贏左場交，輸在頭家。

私人傳訊

積分: 733

18^#

發表於 15-1-3 22:31 |只看該作者

回覆：Bling11 的帖子

基本上我返到屋企，工人姐姐就會去煮飯，甘我會同個囡睇下書書、玩下玩具、聽下兒歌甘。食完飯沖完涼後，工人姐姐好多時都會主動湊返佢，同佢玩一陣，我好多時都會參與一齊玩，C6就會係房打機/上網，到11點左右，工人姐姐就會主動湊個囡訓覺。而星期六日或者假期，我都會自己湊返個囡，如果工人姐姐係屋企，我就會湊佢去街，等佢見唔到姐姐跟返我地

私人傳訊

lazywife

侯爵府

積分: 24263

19^#

發表於 15-1-3 23:21 |只看該作者

回覆：真的不知如同C6相處下去。。。

好煩，真心覺得呢d為子女跟邊個，邊個痴邊個，兩公婆都要吵，煩到嘔泡，小事化大，無聊到爆，個子女痴邊個咪由佢痴囉，最緊要佢會大，會健康，小朋友現實到爆，大左咪知邊個係阿爸阿媽囉，只要俾時間姐，唔好下下咁多事實，又做悲劇女主角啦，好小事炸，你老公辛苦左兩星期，想個女痴，人之常情，你想佢知你辛苦咪開口講囉，佢係你肚裡條蟲咩？仲有，你嫁佢時係咁，真係預佢一世係咁，一係接受，一係離開，無第二條路，果d咩婚姻輔導講咩浪漫，心機，多餘嫁，平淡過日子就當執贏啦。

私人傳訊