眼訓 發表於 15-8-4 17:53
係加州灣區k形姐,兩公婆齊齊搵>$300k,一個招牌跌落來隨便宅死一打!自然樓價高。
我識人會由我 ...
咁又冇咁誇張,加州都有好多窮人,起碼我同老公一定唔係招牌跌落來隨便宅死一打果打人。個個城市都有唔同區,區區唔同人住,就咁講三藩市,千萬豪宅有好多,但唐人埠一間劏房月租800公用廚廁都好多,一樣生活到,係好多中國人印度人湧入SF灣區至搞到D屋咁貴,不過都係講一個個城市,所以要考慮land邊度真係要做功課,當年我冇得揀,父母喺呢度,住落好方便,比起香港當然有距離,但如果住呢度返工又喺呢度,平日搭巴士方便過楂車,當然同其他城市方圓百里都冇人嘅,我呢度算好逼,大聲D隔離屋都聽到我講咩。
我有朋友以前佢住Sunnyvale,跟老公去Atlanta,而家間屋三十萬已經有三千幾呎,有前園有後園,一家5口加隻狗住得不知幾舒服,打死佢都話唔會再回流番香港,一來香港而家太多人太逼,佢已經唔慣,二來三個仔女如果喺香港讀書佢會教到嘔血,呢邊選擇多D,小朋友可以獨立好多自由好多,成長開心D,三來以我朋友老公一個搵錢,雖然唔算好多,但一個做工5個人1隻狗都係OK嘅,未至於大富大貴,但比上不足比下有餘,最大得著係一個以前只會煮即食麵嘅女人而家居然會煮一日三餐,見佢而家會研究整麵包,又會煮下西式嘢,已經同以前好唔同。
花旗太太生活在花旗國,留意時差,你問我未必即時答到。