今日終於滿一個月出關啦！ 做咗媽媽之後先知媽媽唔易做，係坐月呢個月有大把精彩事件爆比大家知呀！
今集主角係夫家的伯娘。原來呢個伯娘佛口蛇心架，正一跣人嚟！比賤人更衰，因為佢狂跣我老公同我囉！
有追開我既朋友，前文提到伯娘係我生bb前幾日有上嚟探我仲比咗d補品同借個燉野既電子煲比我。以為佢真係咁有心啦。 原來一切都係個大整估嚟。
生咗之後佢嚟醫院探我，第一件事就嚟睇bb，第一句就話唔似我c6似足我，我仲未知咩事。跟住就話佢自己做過陪月，一輪咀教我要煲乜煲乜，係咁講如果你媽唔掂就上嚟教佢（你一輪咀我記條毛咩！岩岩生完已經好累，係咁皮勞轟炸）我忍唔住就問佢，不如你比個食譜或者藥單我啦，跟住佢先講其實無架，佢無讀過倍月，只係有人搵佢湊bb憑經驗煲架炸⋯⋯（頂！無做過陪月就咪認屎認屁啦！湊細路唔係陪月囉！做賣雞同做雞都差好遠啦！）跟住佢叫我成包煲就得（唯有信佢啦）
跟住就話啦：你唔好追仔呀⋯⋯生女好，唔好有壓力追仔呀！（其實完全無打算生多個囉，我老公得一粒仔，呢個伯娘生三個女，所以死唔想我追仔）
之後又問有無叫99嚟睇我，我地話無，可以既話出院先啦，醫院唔方便⋯⋯佢千叮萬足叫我唔好比99知佢嚟過⋯⋯費事99唔開心。（c6𣎴在場）
轉頭第二日99不請自來，問我伯娘有無嚟，我答佢無呀⋯⋯99話：伯娘話佢昨日嚟過喎！（我靜咗⋯⋯）99之後趁c6未嚟到就拿拿聲走（下集 Arrin媽媽之99不請自來 待續）
C6係樓下見到99，無叫佢就好嬲咁上嚟⋯⋯我問佢知唔知99嚟咗？點解佢會識嚟？ 根住c6話一定係伯娘話佢知啦！成日都係咁架啦，明知道唔想見到佢就偏叫佢嚟！（又話千萬唔好話比99知伯娘嚟過，轉頭自己又話佢知陰我！）
出院後，阿娘跟伯娘教法成包補品煲晒⋯⋯用埋佢個電子煲（嘩！個煲要入香港歴史博物館，殘到會爆炸咁，仲話好好用喎，煲成日都唔出味！仲要d水變晒啡色！勁驚呀！）
飲咗2日，我勁燥勁忟勁出汗同瞓唔到，bb食完奶奶情況一樣！嘩！大既忟到人都癲，細既狂喊狂叫。
諗諗下唔對路，我叫阿娘唔好再煲，之後大細平安，順氣好瞓！
到我舅母探我，我叫佢睇下包補品咩嚟⋯⋯我舅母話咁大整估叫你煲成包？呢度分四次煲都仲得呀咁多！
事後我問c6究竟伯娘咩事？c6先講原來全部姑媽都唔鐘意佢，佢細細個同妹妹都中過好多次伏，估唔到而家又嚟玩野！
精彩事情有待下集，多謝收看！
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
返回列表
