吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我同c6佢媽關係差的過程，和問下應該點好？ ...

婆媳關係今日: 0|主題: 27701

收藏本版

發帖

返回列表

跳至頁

查看: 6268 | 回覆: 82

我同c6佢媽關係差的過程，和問下應該點好？ [複製鏈接]

12 3 4 5

Arshanlai

洋房

積分: 45

1^#

發表於 16-2-21 21:18 |只看該作者 |倒序瀏覽 |打印

係呢見度見到婆媳關係，得到左信心可以係度呻下，故事有點長，不喜勿插
我同c6結婚接近一年，但我已同佢媽（99呢個稱呼，我對佢叫唔出）關係破裂
事緣係結婚個陣，我母親話要擺酒最少十圍或最少相等十圍既禮金，即係其中一樣
個時c6話遲啲補擺，等我畢業先而家先簽紙（我係出黎做左六七年野再半工讀埋個大學學位）
我個時覺得無所謂，覺得簽紙先定擺酒先都得
咁就排期簽啦，到簽前兩日，知道佢媽原來覺得好貴，仲話我媽賣女
我好唔開心，就我好喜歡c6,就話咁啦，我自己都存到十零萬，擺女家啦
咁之後簽左紙，我就搬去同佢住，個時佢有個大家姐未嫁，佢爸媽係另一度住，有兩單位收緊租，我覺得得三個人住七百呎，加上我個時全職工作及讀書個邊要實習半年，好少係度，應該問題唔大
佢媽係我簽紙個日無黎，c6話佢唔舒服，點知同日下午一點幾我知佢在佢家燒香做啲儀式佢啲仔女信左教，唔上香，我無宗教，但我唔鐘意做呢啲野，無做到…事後諗諗下，唔知係咪咋病呢？定忙住燒香？
之後有次去結婚展八下啲酒席個啲（好搞笑，結左先去^^″）
先完全知道，原來佢媽話男家話事唔擺就唔擺我比錢都唔比
我即刻嬲爆，話啲錢我既，我鐘意點就點，我而家係同你結婚，點解唔可以平等啲？你聽你媽講就得我聽我媽講就唔得？………當然，嘈完佢都哄返我話再同佢媽傾下
之後一排相安無事，咁佢媽想我每星期日晚去佢度食飯（一個鐘車程左右），咁因為實習真係好忙，我一星期返六日工，四晚實習，每天又要用兩小時來往工作及實習，仲未計做功課時間，個時每天訓得二至五小時，係得星期六個晚可以訓耐啲啲……所以約我幾次我先去得一次，因為去親食飯最少用四個鐘，我想多啲時間做功課
咁佢媽又唔高興，打黎同c6講話我好唔返去個啲，咁我就認真咁同c6講，話我實習中，我連我媽度都返唔到我都唔想再要拒絕人加上次次去 c6返工都去唔到，得我去（坦白講，拒絕人我都唔好受，我都唔想成日拒絕佢）到左呢個時候，我地關係轉差
之後就到左一次男家既飲宴，咁佢第一次以老婆身份帶埋我出去，我拒絕左幾次，話實習功課尾，超級忙及累，（我已經捱到變左熊喵）第二日仲要返工，又要過海成個幾鍾車，飲完成十一點，唔好囉，咁佢答應左我左九點走，早啲返，咁我先去。
去到見到人咪點頭，微笑講你好，咁佢媽見人就講我係佢新抱，咁我咪笑笑口唔出聲點知有個佢親戚講左句 c6 結左婚咩乜咁靜靜雞，言下之意話佢無擺酒個啲，咁佢媽又知係佢自己話唔擺，我想擺，但個時我咪唔出聲，扮睇電視
點知場酒差唔多九點先開我話啱啱開席，食多少少先，咁就食左頭兩碟就走，個時九點半，返到家成十一點，我做功課做到三點幾，第二日又七點起身返工
第二日放工返黎 c6話我知佢媽話我無叫佢，我話我打左招呼佢話咁唔計喎我唔夠訓燥底，咪話我叫唔出口囉我對住個罵我媽既人蝦我既人叫唔出 c6好唔開心又覺得無人蝦我
我話而家打電話黎令你唔開心既人係佢唔係我我無罵你唔該諗清楚邊個唔啱
佢都係覺得我唔啱，想一家人和和氣氣我話我都想佢叫我讓佢媽講係佢媽覺得無臉我話邊個讓我媽？比人話靜靜雞唔係我搞架喎！
之後我就同佢媽關係冰點，可不見就不見咁平安過左幾個月，之後到左九月中秋我無去到佢度食，雖然我媽叫我返，但我真係唔想
之後c6不斷哄我，又離上次飲宴都兩三個月，叫我同佢返去食，咁好啦，比臉c6,同佢食但我點頭微笑叫唔出口之後佢媽係廚房用力地拋煲好似發脾氣
我唔理我只係飲碗湯食啲菜全程我唔夾餸，c6夾咩我食我食咩又唔出聲係度睇電視但因為感覺太差，我一出佢家門已經抱住c6喊
如是者兩次之後佢媽又打比c6 訓話訓度佢喊（我覺得係鬧囉，但我無聽到嘛，唔敢話人係教仔定點囉）男人都比佢罵哭，我心裡好驚我驚度一返黎而家同c6住既地方已經喊有時一落小巴行返黎已經喊我驚佢媽唔知會做啲咩亦覺得佢會保護唔到我

佢媽話我好唔叫佢，仲話唔叫佢以後唔好去佢度食等等
咁我當下話咁我地以後唔見，我真係叫唔出口，而家呢句佢講架以後唔好話我
我亦同男人講如果你覺得咁對你媽唔公平，你之後唔黎我媽度都得（基本上只有做節，一年兩次，中秋及團年）佢話咁又唔洗…
到左近排新年佢地團年同開年都無叫我
仲要開年黎我同c6住度食，我當晚即時返我媽度連見都怕了佢黎我唯有避
但我會私下whatapps 比佢爸同二家姐講新年快樂
佢爸回我一句新抱仔一家人食飯聚首就快樂
之後我真係想同佢講係佢老婆迫我架

遲啲佢媽會搬到我地樓下大家覺得我係咪應該搬走呢？
我問過c6 佢覺得而家層供緊又覺得租人地方住會好虧本… 我話我讀完書可以轉份好啲工到時我有能力我會走跟住佢唔出聲
另外，我一諗到日後的生活，我係咪應該同佢離婚好啲？因為我同佢想生小朋友，我唔求佢媽幫我照顧小朋友但又驚日後有小朋友之後關係仲複雜……點做好呢？
因為我媽都可以幫我照顧我真係唔想再見佢媽，亦唔想再比家用男仔，我每月比唔多但朋友同我講，邊有男人叫個女人比家用尤其個男仔有搵得多過你又有層樓…我而家仍有月月比家用我媽（所以月月清），因為我覺得對唔住我媽…我要對我媽更好，另外佢大家姐知我比家用我媽後，叫我唔好比家用，間中比心意我媽行了，我心裡很不高興，覺得好唔公平…佢媽有錢唔洗你養，唔代表我媽唔需要…
其實我好鐘意c6 c6都好鐘意我
但每次提到佢媽佢都係覺得我唔啱
我就會覺得佢企係佢媽身邊無企我身邊我就會好唔開心同講埋啲類似你搵個貪錢既女人我搵另一個男人啦有啲啲自尊既女人都難以接受你媽，我唔係狗唔係比野食比地方我住就要我叫佢定時去佢度，加上我真係覺得我有能力走（起碼我可以自己搬出去住，養到自己）等……
最後一問，我應該點做呢？

0 0 1

私人傳訊

anniecheung00

大宅

積分: 3697

2^#

發表於 16-2-21 21:36 |只看該作者

本帖最後由 anniecheung00 於 16-2-21 21:45 編輯

樓主，睇唔到你99係好衰個隻，未至於衰到令你可以唔叫佢。呢啲只係相處上既小問題，有冇須要攪到話以後唔見！你咁樣會賠上自己的婚姻！

私人傳訊

Ah_JJ

大宅

積分: 1995

3^#

發表於 16-2-21 21:42 |只看該作者

回覆：我同c6佢媽關係差的過程，和問下應該點好？

你99嬲你見面唔叫佢99，打招呼唔稱呼人係你冇禮貌，你嫁佐人，人地呀媽就係你99，睇完成編嘢只係覺得你唔成熟。照你所寫，你99不稱得上是衰99，但你是不尊重人的後輩。

點評

wcpcelia

發表於 16-2-25 14:20

la_source

發表於 16-2-24 16:42

yee183

發表於 16-2-23 00:33

比比史納豬

發表於 16-2-22 13:10

Jolin_Yuen

發表於 16-2-22 12:20

私人傳訊

hhz

男爵府

積分: 8856

我的育兒心得勳章

4^#

發表於 16-2-21 21:43 |只看該作者

回覆：我同c6佢媽關係差的過程，和問下應該點好？

老實講，我同我奶奶啲牙齒印多到數唔清。每次見親奶奶都一定叫奶奶俾c6聽

你唔叫人你蝕張呀。請問除左因為擺酒事你叫唔出奶奶之外，你奶奶同c6有咩問題？

私人傳訊

Miulo

公爵府

積分: 27258

5^#

發表於 16-2-21 21:48 |只看該作者

首先你99係你C6阿媽，亦確實你99，在人前人後你都唔叫佢，佢無面時，你俾人感覺你亦無家教！你說99的錯，又真係罪不於你咁恨佢，只是你一開始已經將99呢個人物當做壞人，所以佢所做一切都係不對，如果你抱住咁嘅心態，你C6夾在中間都好辛苦，而你覺得自己冇錯，真的只有離婚才可解決，咁你以後都唔使叫99了！

私人傳訊

美之選468

公爵府

積分: 26519

6^#

發表於 16-2-21 21:49 |只看該作者

支持你.如果你學歷足夠搵一份好工.就無必要睇人面色做人.搬走.另一點就系關於系供養你媽媽的問題.你是你媽媽生.養供書教學的.做人女兒供養父母系應份.反而99從無生養過你憑乜野要受你的孝順金 ? (佢有資格受嗎 ? 不怕生癌症 ?)再有就系從未聽說老婆向老公交家用的(認真系天下奇聞) 明白的告訴你C6 " 男人大丈夫保護妻兒是天職 " 如果佢無力保護你...就過主啦 ?" 你會搵一個有能力俾到你安全感的男人.

私人傳訊

TreeLover

男爵府

積分: 5251

7^#

發表於 16-2-21 21:50 |只看該作者

回覆：我同c6佢媽關係差的過程，和問下應該點好？

叫人係好基本既，你大大方方大大聲聲叫佢無蝕架，咪叫囉，費事比人話無家教

私人傳訊

fafafac9

大宅

積分: 1386

8^#

發表於 16-2-21 21:57 |只看該作者

回覆：我同c6佢媽關係差的過程，和問下應該點好？

無論對方點衰，你都應該保持自己嘅教養。入屋叫人，基本禮貌。

私人傳訊

placesday

男爵府

積分: 5984

9^#

發表於 16-2-21 21:57 |只看該作者

回覆：我同c6佢媽關係差的過程，和問下應該點好？

睇完成篇野真心唔覺得你奶奶勁衰
你見到面唔叫人就係你冇家教囉

私人傳訊

jenny729

男爵府

積分: 7308

10^#

發表於 16-2-21 21:58 |只看該作者

回覆：我同c6佢媽關係差的過程，和問下應該點好？

叫句99又唔駛錢嘅，我都超唔妥我99，但門面功夫我實做，唔想因為D無聊人影響兩夫婦感情，另外，大姑9果度，佢叫你唔好俾家用，你咪哦一聲囉，理鬼佢...其實人地講咩唔駛咁上心

私人傳訊

Bobo113

子爵府

積分: 11316

11^#

發表於 16-2-21 22:02 |只看該作者

回覆：我同c6佢媽關係差的過程，和問下應該點好？

唔叫奶奶重覺得自已冇問題，你真得

點評

Jolin_Yuen

發表於 16-2-22 12:24

私人傳訊

hhz

男爵府

積分: 8856

我的育兒心得勳章

12^#

發表於 16-2-21 22:09 |只看該作者

回覆：我同c6佢媽關係差的過程，和問下應該點好？

至於家用問題就應該你兩夫妻自己傾，大家點安排財政，係兩夫妻之間嘅私事，咁你姑奶講乜，你一笑置之就可以。

私人傳訊

namnamnamlolo

珍珠宮

積分: 41140

13^#

發表於 16-2-21 22:21 |只看該作者

回覆：我同c6佢媽關係差的過程，和問下應該點好？

你俾家用你老公????

私人傳訊

hanbb

伯爵府

積分: 16230

14^#

發表於 16-2-21 22:22 |只看該作者

回覆：我同c6佢媽關係差的過程，和問下應該點好？

叫99都係一句，一個稱呼，你打招呼但唔叫人，話哂都係長輩，佢幾衰都要叫佢。

10圍酒都叫賣女，又真係難聽點，註冊唔出席係佢的問題。不過擺女家只要你和老公ok就得。只要係你兩人出錢，我覺得無問題。

你俾家用阿媽無問題，唔關其他人事。但你自己家都要俾家用，大把人都係兩公婆一齊出。

不過，整體覺得你老公好似無咩做過野，除左話你之外。

我明樓主又返工又讀書好辛苦，但家庭要經營的。咁點解唔實習完，或者讀完先搞結婚? 咁急註冊為咩?

點評

wcpcelia

發表於 16-2-25 14:21

Jolin_Yuen

發表於 16-2-22 12:25

私人傳訊

nanaaixi

男爵府

積分: 8215

15^#

發表於 16-2-21 22:29 |只看該作者

引用：係呢見度見到婆媳關係，得到左信心可以係度

原帖由 Arshanlai 於 16-02-21 發表
係呢見度見到婆媳關係，得到左信心可以係度呻下，故事有點長，不喜勿插
我同c6結婚接近一年，但我已同佢媽 ...

其實妳都有問題，照咁睇妳講，除非妳真係想同你老公離婚啦。有時候關係唔好係雙方既。做多少少可能皆大歡喜。始終佢係妳長輩，入屋叫人係基本禮貌。

做人，5好難为自己

私人傳訊

jeremylui83

子爵府

積分: 14244

畀面勳章

16^#

發表於 16-2-21 22:37 |只看該作者

你的行為太唔成熟。。
最重要無論你點唔鍾意你99，你都要叫佢，呢啲係最最最…基本禮貌。。人地會覺得你冇家教，丟了父母的架…
因為佢係你老公個媽咪，你一定要有最起碼的尊重。。你去到可以唔出聲，陪笑陪食係你自由，但入屋叫人呢啲幾歲細路都識…
美滿婚姻…其實唔係兩個人嘅事，係關乎雙方家人。。你依家算係新婚蜜月期，你老公仲可以容忍你咁做，日子耐左你終會為婚姻關係付出代價。。

私人傳訊