自由講場 今日: 189|主題: 1304829

【on.cc東網專訊】 現年32歲嘅無綫娛樂主播李漫芬（Fanny）為人所認識，除咗主播一職外，又不時客串劇集，喺公仔箱非常活躍，所以相信唔少觀眾都記得佢，而佢尋日仲宣布成為「準人妻」喇，恭喜晒！

男友係游水教練

Fanny喺微博大晒求婚鑽戒，並留言：「謝謝您昨晚給我的驚喜，真的很感動！簡單，幸福！是，我是您的未婚妻了！」而佢嘅圈外男友Alvin係一位游水教練，身材Fit爆唔使講，仲好靚仔有型𠻹！Fanny不時喺微博大晒兩人合照，男友有時仲會陪佢做嘢，直情係跟得男友，非常甜蜜！今次Fanny宣布婚訊，相識滿天下嘅佢獲得各方藝人朋友送上祝福，好似蔡少芬、歐陽震華、黃心穎等等…真係數都數唔晒，而楊怡仲恭喜對方，歡迎加入人妻行列咁話！

曾嘲冇靚樣

其實Fanny加入無綫已經有10年，佢曾經接受《東網》訪問時坦言唔靚，不過就勝在有口才，佢話：「我鍾意演戲又鍾意主持，啲人讚過我執生成功，雖然我冇靚樣，但上天係公平嘅，佢賜我另一方面天分。」Fanny恭喜人就恭喜得多喇，今次終於到佢接受祝福喇！

Fanny喺微博晒出求婚戒指，正式成為準人妻！


李漫芬相識滿天下，連歐陽震華都恭喜佢哋結婚！

蔡少芬（左起）、楊怡、黃心穎（資料圖片）

佢未婚夫絕對係亮點之一，係咪好靚仔！！？？？

但Fanny都唔輸蝕㗎！

李漫芬微博

其實佢係一位游水教練嚟！

男友仲不時陪住李漫芬做嘢兼集郵！

各方藝人朋友都送上祝福！