話說 99 係嗰啲睇完資訊節目就當自己係專家嘅人，我依家24W，99 最近睇咗一系列關於早X／小X／難X嘅醫學節目後，不停send link 比我話睇多啲好，話唔定到時我同BB會咁，知多啲無壞，最好有心理準備等等。我唔想令自己情緒不安所以無理佢，但見親面佢就勁問我有無學到嘢，問BB會唔會好似節目裡面啲BB咁要住醫院冇得返屋企等等，搞到我個心好唔舒服，而且佢啲語氣係公主病妹妹仔天真無邪地問尷尬問題咁，只會令人好谷氣但又唔知點駁佢。
我知99唔係黑心亦無惡意咒我地，只係諗嘢極度負面同唔會顧忌人地感受，好聽就叫直腸直肚，難聽就係口沒遮攔。我同C6解釋已經睇左好多書同聽講座，唔需要睇啲咁heavy嘅節目，佢就會狂 loop 如果咁咁咁，萬一咁咁咁，要學多啲如果BB有咩事要兩手準備⋯⋯
其實由有左到依家佢都無點問候過我，淨係成日問BB有無問題，醫生有無話會小X早X。每次產檢一切正常我地都會講下BB近況等佢知道下開心下，佢聽完會哦一聲，跟住就揾晒資料提醒我地最壞嘅情況會係點，依家呢個週數有幾多成機會BB會出事，有問題醫生可能check唔到等等。我最唔鍾意嘅係BB每過一關99就會話「嘩你地真係好彩囉，居然無 _______（例如化學/小X/唐氏/結構問題），X成機會都避得過，阿邊個邊個就無咁好彩啦。不過你地下次未必咁順利㗎，唔好抱咁大期望啊，希望愈大失望愈大啊⋯⋯」早期咁講我都明白，但依家都算穩定左，點解仲要開口埋口都講呢啲嘢？雖然大家都知道係事實，但聽得多真係令人心情唔好，講完又唔會改變啲咩，一講再講有咩意義呢？我亦都唔想成日討論人地嘅情況，我真心覺得咁樣好無口德。到底有咩方法可以令呢種性格嘅人講嘢收斂啲，或者點樣可以轉換話題又唔得罪佢？
掉返轉奶奶講小x、難x就係緊張個孫，關心新抱唔識得留意個胎有咩先兆，新抱聽到覺得不安就係多心、以小心之心度君子之腹.....
發表於 
非常好的方法
返回列表
