呢期網上熱share嘅雞翼事件，似乎餘波未了。
是咁的，科大有宿舍學生會幹事搵咗西貢某小食店贊助活動，
食店答應，並且喺活動當日應約準備好二百幾隻雞翼，並通知有關同學。
點知該宿舍學生會幹事，喺whatsapp只係覆食店負責人sorry同埋cancel，
冇拎到嗰二百幾隻雞翼。
之後仲喺whatsapp block咗食店負責人，亦冇解釋點解cancel。
事後食店將事件post上facebook，引來極大迴響，
而有關學生組織亦有親身到食店致歉，
並且喺facebook出聲明表示抱歉。
不過有網民就發現，喺學生組織嘅聲明下面，
有疑似該宿舍學生留言護航，第一句應該辣著唔少人︰
「都唔要人雞翼，block佢好正常」
查看相片仲有架。
「莊（學會）年中r（搲）幾十間鋪頭sponsor……最後拒絕要sponsor係正常不過，
你贊助咗我一定要？」
仲有架。
「200幾隻雞翼就睇出老板有幾小氣」
事後呢位網民已經刪走留言。
到底佢係呢個學生會嘅成員、宿生、舊生定係借刀殺人呢？
唔知。
年年都有大學生搵贊助嘅話題發生，歸根究底……
點解大學生活動，一定要有贊助？
學會憑咩認為贊助商戶一定會得到相對回報？
係大學生活動唔夠budget，於是要搵贊助……定係，純粹一種由上而下傳落嚟嘅風氣？
發表於 
如果唔係仲唔仆出嚟聲明 
剩係鬼鼠删留言 
返回列表
