吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 一位老公的發表，是我的情況特別，還是大家都差不多？ ...

夫婦情感今日: 5|主題: 42445

收藏本版

發帖

返回列表

跳至頁

查看: 16463 | 回覆: 38

一位老公的發表，是我的情況特別，還是大家都差不多？ [複製鏈接]

baba9193

複式洋房

積分: 217

1^#

發表於 21-9-25 01:33 |只看該作者 |倒序瀏覽 |打印

情況：自己很想有一種很親密的關係，互相支持，互相扶持，多溝通，但現實是跟太太，感覺越來越像陌路人。除了互相交帶必須要的事情，真正的對話，每日不多個五句。

我想同佢溝通到，探討問題或者問佢意見。
佢通常回覆：都係咁/你鍾意啦/
很不耐煩。對話完結。

現在令我反思嘅係：我日頭嘅路點樣行落去，沒有對話，沒有互相扶持，沒有性，沒有掛念，（正確啲來講，係佢唔需要）

我今日問自己一個問題，假如我可以選擇失憶，俾我重新來一次，會唔會選擇佢。如果我知道現在的狀況，我會選擇不。（現實是，已經有了兩個我很重視的小朋友）

平時相處：
我希望同佢都溝通，當我問佢今日情況點，佢回覆：都係咁，講嘢唔望人，對話完結。

很少出去食飯，佢話出邊啲嘢唔好食又唔健康，要自己煮。
就算真係出去食，佢唔啱胃口的餐廳，佢會選擇唔食，睇住我同小朋友食。

性格：
我：相信正能量，正面的想法。
佢：本身是一個很有情緒的人，很容易發脾氣，或者唔出聲。負能量比較重，成日唔講嘢都冇問題。

背景：
有兩個小朋友（幼稚園），結婚10年。
太太本身就是一個不喜歡跟人溝通的人，沒有朋友（一個都冇）以前的朋友WhatsApp佢，佢都唔會覆。

日常時間：
我：正常返工，9am-5pm， 6:00Pm已經返到屋企
佢: 喺屋企, 照顧小朋友，做家務，煮飯。

對孩子的培養方法：
一致的地方：
小朋友需要有禮貌，尊重別人。

不一致的地方：
我：希望孩子能夠選擇優質教育，我會刻意培訓佢哋。
太太：讀咩學校都無所謂，唔需要緊張學業，順其自然。

對於性生活：
我：認為很重要，是不能缺少。
她：不需要性。
現在情況：我覺得已經很難接受沒有性

外表儀態：
我：有做好保養， keep得好，有做運動
佢：有做好保養， keep得好

每次我喺街見到其他情侶/夫妻，很親密，我都覺得很羨慕。究竟是我的情況特別，還是這根本就是普遍的現象？
日後條路點行落去？我是很重視我兩個小朋友，唔希望佢哋是單親家庭長大，但係咁嘅情況我又如何有一個快樂嘅人生。

原來越諗唔通，開個post討論分享吓。

0 0 0

私人傳訊

Belavizio

男爵府

積分: 7916

2^#

發表於 21-9-25 01:59 |只看該作者

You are not alone.

呢度有好多個案同你差唔多，婚前婚後都唔一樣，特別有咗小朋友。

你帶出了夫婦問題兩大危機，溝通同性親密。

同佢認真傾吓，特別係親密行為，出街佢唔主動拖你，你主動拖佢囉。得閒買束花或她喜歡的東西氹吓佢。多點hugs and kisses 撻番著佢。

私人傳訊

baba9193

複式洋房

積分: 217

3^#

發表於 21-9-25 02:11 |只看該作者

以上主動親密的事情我都有做，都起唔到作用。（佢認為唔需要，可以唔好煩佢）。

我更加想買嘢氹佢，佢話我浪費…（佢亦都冇物質購買慾）

以前我會喺度諗係咪我嘅問題，e家我覺得係每個人嘅構造同埋思考方式唔同，有啲事情你好重視，其他人覺得唔係，反之亦然。

私人傳訊

peterlikongsang

複式洋房

積分: 151

4^#

發表於 21-9-25 03:06 |只看該作者

其實當初你地點樣由結識到結婚的。如你所言，太太都幾自我中心。

私人傳訊

bling_913

大宅

積分: 2227

5^#

發表於 21-9-25 03:06 |只看該作者

baba9193 發表於 21-9-25 01:33
情況：自己很想有一種很親密的關係，互相支持，互相扶持，多溝通，但現實是跟太太，感覺越來越像陌路人。 ...

我發覺好多太太生完小朋友都有咁嘅情況，我當初都係咁，個重心放晒係小朋友度
我好你太太D既係老公想要都會配合，但其實自己本身真係唔想，因為要照顧小朋友係一件好攰嘅事
到小朋友大啲就唔同架啦……….忍下先啦

私人傳訊

peggykwan

男爵府

積分: 6271

6^#

發表於 21-9-25 03:34 |只看該作者

我同你太太差不多，你做得好好了～
只係已經唔愛你，好多野會變得好煩，比啲空間大家，唔好強求自己果套就相處到。

私人傳訊

PIGPIG朱

珍珠宮

積分: 31540

7^#

發表於 21-9-25 04:22 |只看該作者

baba9193 發表於 21-9-25 01:33
情況：自己很想有一種很親密的關係，互相支持，互相扶持，多溝通，但現實是跟太太，感覺越來越像陌路人。 ...

呢度好多男女都得唔到性，普遍又唔敢講，因為有事先開post姐，好幸福既又唔敢亂曬既。但呢度係一個呻下既地方，但你要注明：不上報，唔係好快你個post就要走佬架啦

我個人覺得，無論任何原因無性,但恩愛+親密+有攬有錫，我認為係無問題既

但你地唔行埋、唔掂對方、說話簡短、很陌生。對方沒溝通、沒交朋友、沒興趣出門口、沒興趣外食，還要負能量！就對方好有問題

我覺得是死結啊，對方甘極端都好難會變，有少少清心寡慾個種感覺

都覺得你是好男人，忍到甘耐，聽落對方都好難相處

私人傳訊

aryemyem

男爵府

積分: 8830

陪月勳章

8^#

發表於 21-9-25 08:12 |只看該作者

她⋯
應該出面有男人了⋯

私人傳訊

wingyaumama

子爵府

積分: 11437

9^#

發表於 21-9-25 08:45 |只看該作者

諗下湊小朋友有冇幫手先？唔係話個種放小朋友在玩具堆中，自己玩電話睇電視嗰種！

放工即返屋企又如何？有冇幫手照顧小朋友？或只是放工後在家只顧自己玩樂？

家頭細務有冇主動做？例如掃地抹地洗厠所？

同男家關係又如何？你有冇幫下口？

你有冇將自己感受同佢講過？有時對先生有不滿係積下來的，只因自己係 ftm角色又未能舒發出來！

搵人幫手睇小朋友，同太太出去放鬆下，話佢知你所感到的不安吧！

點評

KayGu_FB

發表於 21-10-4 00:35

茶類愛好者

發表於 21-9-26 10:00

私人傳訊

kenfung71

男爵府

積分: 6269

10^#

發表於 21-9-25 09:23 |只看該作者

baba9193 發表於 21-9-25 01:33
情況：自己很想有一種很親密的關係，互相支持，互相扶持，多溝通，但現實是跟太太，感覺越來越像陌路人。 ...

年輕時....情投意合，成熟時...最重要還是「志同道合」。

互相都相處了一大段時間，裡裡外外都全部清楚哂對方，你要是珍惜對方嘅話，有些地方就一定要放開些，始終10年感情亦得來不易，女性最需要嘅係關懷，有人關心自己，唔能夠一齊成長，內心想法自然亦會分岐。

自己恩考清楚吧。

提提你....感情中最痛苦嘅可算是....堅持不應該嘅堅持嘅事，放棄不應該放棄

私人傳訊

haileycc

別墅

積分: 581

11^#

發表於 21-9-25 10:29 |只看該作者

你太太嘅個性應該比較內向，呢點你結婚前應該知道。但，你仍然選擇同佢結婚，佢應該有其他你欣賞佢嘅優點！

小朋友細，要花時間心力照顧，冇興趣理其他事，呢點我明。小朋友大咗會好d！佢日日照顧小朋友，真係冇乜野可以同你分享。你可以主動同佢傾你公司嘅事，有趣嘅事，佢覺得有趣，就會多啲回應！

唔鍾意食嘅餐廳，一啖都唔食，佢個個性真係比較執著。呢種性格唔能夠硬碰硬，要慢慢感化。笑笑口同佢傾，你揀一次食咩，我揀一次食咩。但，大家揀咗，要陪對方食！

性方面…真係唔知點回應。只能講，如果女人覺得開心，即使唔想要，都會俾你！佢一個湊兩個，可能壓力好大，情緒疏導唔到，你都要體諒下，了解下。呢方面，可能要坐低慢慢傾！你亦要表達佢知，性對你嚟講，等同食飯，不能不食。但，你要體諒ftm其實好攰！

私人傳訊

Belavizio

男爵府

積分: 7916

12^#

發表於 21-9-25 11:49 |只看該作者

回覆 baba9193 的帖子

我相信其他留言給你建議，你都有嘗試，所以先係度呻。
如果太太婚前嘅性格係咁，好難有太大改變。你只好包容佢。

如果係婚後，有機會佢太專諸湊小朋友而忽略了你，亦可能因為倦而提唔起性趣。

有些太太生完係失去性慾，但到了某些年紀可能又有番，忍耐一下。

私人傳訊

honeybid2

男爵府

積分: 8127

13^#

發表於 21-9-25 13:58 |只看該作者

baba9193 發表於 21-9-25 01:33
情況：自己很想有一種很親密的關係，互相支持，互相扶持，多溝通，但現實是跟太太，感覺越來越像陌路人。 ...

有冇試過搵婚輔？試吓幫你地溝通。因為好明顯其實你兩個本身性格唔似，所以要大家都開心就一定要有某方改變一下，或者雙方都改變一下。

私人傳訊

mrsmak1997

別墅

積分: 681

14^#

發表於 21-9-25 16:22 |只看該作者

要照顧兩個小朋友，真係好攰又花心機！多數女士們生産完之後就母性大發，非常專注在小朋友身上。

如果覺得老公無配合，全部指意曬個老婆，跟住又阿之阿左，就會覺得你又知咩呀！積積埋埋好多怨言，有時講都費鬼事，因為覺得你唔會明。

教育方面，一係一齊傾好個方向，一係全權交給一個話事，又或者各顧一部份，盡量大家有個共識，唔係自己做嘅嘢唔好咁多意見。

ftm 有時會比老公睇少，因為少接觸外界，成日圍住個家庭轉，你自己諗吓有冇在言語上成日否定佢，但卻要佢認同你？

Ftm 在晚上已經攰到死，好想休息；如果你在家無比她覺得你有照顧佢嘅感受，佢一定在性方面沒興趣！

Best Regards, Mrs Mak1997 :-P :-D

私人傳訊

mrsmak1997

別墅

積分: 681

15^#

發表於 21-9-25 16:27 |只看該作者

你哋最好都係安排一個時間，放低二個小朋友，兩公婆平心靜氣傾吓你見到的問題，又或者收多啲佢嘅睇法，大家取個平衡，要不然就去家庭輔導了！

Best Regards, Mrs Mak1997 :-P :-D

私人傳訊

Angelice-BeBe

水晶宮

積分: 73806

2024年龍年勳章 2024勳章最關心BB問題熱投勳章我的育兒心得勳章 2011精緻種植勳章畀面勳章環保接龍勳章

16^#

發表於 21-9-25 18:58 |只看該作者

其實事出必有因，好多時係男人未必明白，兩人之間日常生活嘅相處，大家嘅溝通，可能言語上，或許令佢曾經個心有不舒服感覺，日積月累都會令感覺都淡晒。

我自己都係ftm...照顧兩位小朋友，其實精神上真係好攰，特別係小朋友仲細嘅時候，真係好多日常瑣碎事做同兼顧，所以對方嘅一句支持關心同體諒係好重要。

如果可以，就放低下小朋友，好好同老婆傾下，聽下佢講嘢，你亦表達下自己感受，大家開心見誠去傾。

點評

KayGu_FB

發表於 21-10-4 00:54

私人傳訊

秋天與楓葉

珍珠宮

積分: 32599

17^#

發表於 21-9-25 21:14 |只看該作者

本帖最後由秋天與楓葉於 21-9-25 23:06 編輯

唔會無緣無故變得冷漠
如果老婆拍拖時唔同你溝通、交流、零性生活，你都唔會同佢結婚

女人多數係感性嘅，感受到愛，做愛過程係舒服就會享受做愛，唔同男人受生理影響而有性需要

一個女人唔同你講金，就同你講心
唔重視物質，就好重視心靈交流，老婆需要嘅係心靈交流，唔係流於表面嘅：今日點呀？去咗邊呀？小朋友今日點呀？
留意老婆有咩需要、每日一個擁吻、臨瞓前pillow talk…..

老婆注意飲食健康都係為頭家，因為飲食直接影響身體健康，要有健康嘅身體先照顧到你同兩個小朋友，令你無後顧之憂專心工作

注意飲食健康嘅老婆，會照顧出健康嘅小朋友自己煮慳錢又健康，老婆知慳識儉又湊到兩個小朋友健康乖巧，又同你講心唔講金，你要多啲欣賞老婆嘅優點

至於你話老婆唔鍾意嘅餐廳會唔食嘢

點解你識咗老婆十幾年都唔知老婆口味，揀間老婆唔鍾意嘅餐廳呢？

係咪你本身個人都比較粗心，唔知老婆喜好，所以送嘅禮物都唔啱心水呀？

教育小朋友出現分歧係大問題，無共識會一直磨蝕夫妻感情

另外，如果有親戚出言批評你老婆，你會出聲幫老婆嗎？當長輩同老婆喺教小朋友時出現分歧，你幫邊面呢？