本帖最後由 Rita 於 23-12-16 15:10 編輯
早幾日想剪頭髮, 去試咗" 一X單剪", 在家附近.
我同師傅講 (少少難為情): 我第一次架咋, 係未只可以齋剪短, 可唔可以有D要求架 ?
師傅好有禮貌 : 哦, 第一次呀? 咁你想點剪呀?
我: 大半年冇剪了, 想剪短兩吋, 同埋想剪返少少層次咁
師傅 : 哦, 冇問題呀 ! 坐低先啦 ~~ 拍8達通比錢先
我 : 要拍8達通呀? 唔收現金 ?
師傅 : 係呀
拍完, 跟住同我圍布, 梳順D頭髮
我 : 唔好意思師傅, 我個頭噴咗嘢, 所以 kick kick 地
師傅 : 唔緊要呀
如是者師傅好輕力咁同我梳順哂個頭, 再慢慢剪 . 到最後剪完, 師傅比塊鏡我望下後面
師傅: 嗱 , 我同你剪咗D層次, 髮尾少少弧形, 你睇下O 唔 O K ?
我 : 好OK 呀
師傅: 咁你而家對速剪有冇信心呀? (笑住問)
我: 有呀 ~ 我搵返你同我剪
師傅: 又唔駛一定搵我 , 我地其他師傅都好OK架
臨走出門口, 師傅叫住我 : 我地有盒飲品送返喎, 你要唔要呀?
我: 唔駛啦, 多謝
我再check返自己拍卡時間到離開, 用咗20 MIN , 呢次初體驗都幾開心, 用1/3價錢就剪到差唔多效果, 雖然salon 包埋洗吹, 但真係齋吹, 唔會造型.
多謝收睇.
從天空到大地, 心臟在持續著令人眩暈的擺動, 那是初戀