ci8 發表於 11-8-22 03:43
我見到近期多咗d帖寫介紹完約工人,又有媽咪估真假,好奇之下就去八下,我做開嗰間脚底按摩,對面係僱傭中心,d商場仔d人無嘢做,無聊就會聚埋吹水,我打探下發現一件事,原先以為agent上bk揾客,個agent話我知以前就多上網揾食,但都會係賣斷約工人,而家工人短缺使鬼上網咩!包裝下個工人大把人爭住要!
話反而d賓會揾d識中文嘅人上嚟扮前僱主,做槍手揾工,有d話完約係大話,可能係用旅行visa入境揾僱主,出新visa就要新護照,你根本唔會知佢個底,甚至有d係在職工人揾荀工,求其呃個僱主拖時間!目的好簡單,就係唔想分錢俾agent!又可以有時間慢慢揀!
大家要細想,每個家庭想請工人前一定有計劃過,會唔會咁多(好工人)唔要益你吖!係好大把親戚朋友吼住啦!使上網推介咩!
如果話同一個僱主用咗兩,三份約就可能信得過,僱主慳長服or小朋友讀書咁!
但其他...大家自己分析一下吧!別一睇見寫有(好工人)就撲埋去,一陣俾d工人利用完,過橋抽板得不償失呢!!!小心!小心!