婆媳關係今日: 0|主題: 27701

收藏本版

發帖

返回列表

跳至頁

查看: 9717 | 回覆: 175

12 3 4 5...9

積分: 7839

1^#

發表於 12-7-29 18:40 |只看該作者 |倒序瀏覽 |打印

上文提到無賴哥同自找嫂終於都攤牌, 自找嫂返到屋企就打俾我同我講99/無賴哥甘對佢. 其實我唔意外. 因為見得太多. 反而我都估唔到99會推4磅仔走. 因為佢係99一手湊大. 而且又縱到佢行晒骨. 冇可能就甘俾佢走既. 不過呢D野都要時間消化一時間都唔可能講到D咩.

自找嫂話賣左間屋佢. 趁而家個時好返D, 最少唔駛蝕. 甘我話賣屋要無賴哥簽名, 佢未必肯喎. 自找嫂話唔係囉. 層樓係佢一個人名. 因為無賴哥個名上唔到會. 佢初時仲以為係佢入息唔夠. 99死都要搵人同佢一起上會. 點知銀行話要直系親屬/老公先可以. 所以99先死心, 俾自找嫂一個人名上會. 不過經過左攤牌一戰後, 自找嫂終於知道原因. 因為無賴哥欠CARD 數, 又有問銀行借錢. 所以呢佢係唔可以上會. 自找嫂話因為結婚咩都係佢俾. 而家賣左層樓拎返D首期當係99俾返佢既. 因為首期係99俾麻. 呢D野我都唔方便講, 我叫佢自己做決定.

過左幾日自找嫂又搵我. 同我講無賴哥執晒D野走. 呢幾日佢就將D結婚相剪爛晒仲掉埋. 自找嫂又搵地產放屋不過冇同無賴哥講. 因為驚佢要返D錢. 佢又話賣左屋就搬返呀媽到. 不過佢呀媽一時間好難睇2個小朋友. 問我可唔可以介紹請工人既AGENT俾佢. 甘我見佢好似好慘甘. 就幫佢約我相熟AGENT俾佢啦. 一個女人帶住2個小朋友, 又真係好可憐.

另一邊無賴哥一早叫我C6搵我地個朋友幫佢搵屋. 佢租黎同第3者住. 甘C6都問佢係唔係值得先. 唔要仔唔要女. 咩都冇晒. 無賴哥話係真既. 好鐘意呢個女人. 呢個女人唔似自找嫂甘. 咩都向錢看. 甘C6話你甘講就得. 唔好一錯再錯. 好快又俾無賴哥租到屋, 佢好開心甘叫埋99同呢個第3者食飯啦. 99一見到第3者就同佢講. 當佢係雞渣. 俾個仔玩完就唔要嫁啦. 佢個仔(即係無賴哥)有老婆有仔女. 咩事要痴埋佢度. 女人之家真係唔要面. 嘩....99呢一著真係大家都估佢唔到. 佢真係想個仔一家團聚喎. 不過係唔係用錯左方法呢. 呢餐飯不歡而散. 可惜不損無賴哥同呢個女人雙宿雙棲既念頭.

而自找嫂間屋都賣左喇. 無賴哥都仲有野係屋企. 甘自找嫂迫不得已叫無賴哥係交吉前上去拎返d野.無賴哥知道層樓賣左就發晒癲. 問自找嫂咩事要賣左佢呀媽俾錢個層樓. 仲問賣左幾多錢. 因為要自找嫂俾返首期畢錢99. 自找嫂死都唔講賣左幾多錢. 都唔會俾返錢出黎. 因為呢d都係男家欠佢既. 為左呢樣野. 自找嫂同無賴哥嘈左幾次. 無賴哥仲搵外母傾. 講呢d錢係佢呀媽既. 咩事唔俾返出黎. 人地呀媽都冇佢甘好氣. 話咩都係佢個女決定(即係自找嫂). 而且99又唔要d孫. 甘女人都要有個錢傍身嫁. 係呢個進退2難既時候, 第3者向無賴哥提出分手.

原來自99同第三者食完餐. 第三者有一日冇一日甘返佢同無賴哥屋企. 無賴哥都冇咩時間理呢. 因為為左首期同自找嫂及自找嫂呀媽忙緊. 不過第3者對無賴哥越來越冷淡. 無賴哥見佢好晏都唔返屋企, 打俾第三者呢, 佢成日都話唔得閒, 幾點返又唔講. 最終無賴哥打俾第3者既屋企人. 問佢地知唔知第三者係邊. 點知人地話知又點唔知又點. 佢唔返屋企咪唔返囉. 幾時到無賴哥理. 甘無賴哥話擔心第3者唔知有咩事. 點知人地屋企人話到而家都唔知咩. 明係玩Q佢啦. 邊個叫佢呀媽甘吋把口甘賤, 有雞仔唔管管麻鷹. 到呢一刻無賴哥先知俾人玩左了. 無賴哥係呢一刻擔心既係間屋點呢. D租點呢. 因為佢係空心老棺, 邊有甘多錢租屋呢.

如果大家想知道既故事既發展, 請大家留個言支持下. THANKS!