頭先0係隔離版睇"怪異之事", D恐怖野我就無遇過喇(touch wood), 但有一件關於自己養的狗狗去世後的怪事, 即使過了10多年仍然深刻.
隻狗係我大約10歲左右養, 由BB仔開始養, 普通唐狗, 由於住村屋, 所以佢可以周圍走四圍跑, 但都因為咁, 佢無而家D寵物狗咁乾淨, 加上同其他狗打交, 身上經常有血, 有傷口.
而我父母不嬲唔理佢, 只準時比野佢食, 而我間唔中會同佢沖涼. 但我太細個唔識處理佢傷口, 特別佢耳仔傷口好嚴重. 隻狗養左幾年之後開始病, 當時父母無多餘錢帶佢睇醫生, 只打電話叫漁X署的人捉走佢 (打到呢度我忍唔住喊...), 我哀求父母唔好咁做, 發晒癲咁喊同緊抱住隻狗唔比人帶走, 但最後比媽媽拉開左, 我親眼睇住隻狗比人抬上車, 一世都忘記唔到佢望住我的眼神, 唔係恨, 而係不捨..
呢個可以話係我一個好痛苦的回憶, 感覺好似我親手送狗狗上絕路, 一隻陪我玩同我長大的狗狗, 就好似家人咁親.
呢件事一直在我心底, 之後的十年都無發生過任何事. 直至有一晚發夢......
係....過左10幾年先發夢見到佢, 期間無論幾掛住佢都未曾進入過我夢中, 當我開始慢慢放下呢段傷痛時, 佢竟然進入我夢裡...
我夢見自己去左一個好似嘉年華咁既地方, 個天好藍, 草地好綠, 周圍好多汽球不停咁飄上天空, 所有人都好快樂咁跑來跑去, 我慢慢四處踱步, 突然見到遠處一個熟悉的身影, 好開心咁跑過去, 好大聲叫佢個名, 佢坐在草地上面, 身上縛住好多7彩的汽球, 耳朵的傷口唔見了, 身上好乾淨, 我當時好開心, 好開心, 我輕輕咁問"XX, 你過得好嗎?", 佢當然無答我, 但我卻0係佢眼神裡面知道佢過得好好, 覺得佢好似叫我唔好內疚.....然後佢帶住滿身7彩的汽球慢慢走遠.....之後我就醒左.
呢個夢好深刻, 深刻到而家都仍然記得....我諗...到底係咪我日有所思夜有所夢? 但點解10年前唔發而家先黎發....
Anyway, 0個次"見"過佢之後就無再見到佢了, 希望佢可以投胎做人, 如果動物都有靈的話..........
不同傻子爭辯, 否則就搞不清誰是傻子了.
頭等人, 有本事, 沒脾氣; 二等人, 有本事, 有脾氣; 末等人, 沒本事, 大脾氣.
與其說是別人讓你痛苦,不如說自己的修養不夠。
一個常常看別人缺點的人,自己本身就不夠好,因為他沒有時間檢討他自己。