其實都唔係既..
樓主個情況同我爸爸一樣。
我爸爸由結婚到幾年前一直都有賭, 試過賭到大耳lone搵上門, 家姐冇錢買奶粉。
到我地大左, 都依然比我地發現佢賭, 每次幫佢還完都仲有。
不過事實上, 佢好錫我地3姐弟, 亦從來冇外面女人, 對媽咪都好好。
就正正係除左賭囉。
因為其實佢個刻根本已經係病態, 成日覺得自己一定會WIN, 唔會黑仔。
佢自己身體又差, 明明供開一份保險, 又係為左賭攪到供左幾十年冇得供囉。
結果而家人又老, 身體仲差, 下下睇醫生都係我地3姐弟出。
佢而家就真係洗心革面喇, 點解, 因為:
有一次佢腸胃炎, 入左政府醫院, 等左好q耐都仲係等緊。
當時診所醫生話佢唔等得喇, 已經係急政, 立即寫紙比佢入院。
但無奈, 都係要等...結果最後等左3個鐘, 佢發高燒, 依然冇人理佢。
咁我就決定OFF, 然後SEND佢去私家...
好彩快咋, 入到去個陣佢已經103度高燒, 小小的腸胃炎變左腹膜炎, 夜晚開刀微創d相影出黎, 醫生話差d involve 大腸小腸, 係會死的。
個一獲, 簡單的腸胃炎, 變左最後7萬蚊埋單。我請假3日3夜係醫院睇住佢, 連浸會邊層係for 咩我而家仲記得好清楚, 跟住媽咪家姐細佬放工又日日黎, 夜一夜先走。
7萬蚊, 亦係我地3個夾份比。
就係呢次, 佢就開始生性喇。
可能人真係唔到死個下都唔知自己一直以黎係錯架。
而家佢真係好乖, 係間唔中會玩下, 細細地囉。
但大賭, 佢而家都怕怕喇。
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!