婆媳關係今日: 0|主題: 27701

收藏本版

發帖

返回列表

跳至頁

查看: 3923 | 回覆: 73

我的汕尾99之99係咩人呢(39) [複製鏈接]

12 3 4

joechan1999

男爵府

積分: 7839

1^#

發表於 12-9-28 22:21 |只看該作者 |倒序瀏覽 |打印

本帖最後由 joechan1999 於 12-9-28 22:21 編輯

上文提到99係D親朋好友亂甘講野. 不過舅母又將呢D野講返俾我聽. 聽到後真係火都黎. 不過舅母都講可能係99細時既背景令到日既佢變成甘. 舅母就講俾我知. 99個媽媽即係婆婆, 都生左好多個女, 不過都送晒俾人. 只係留返99同佢個妹自己養. 佢地2個都冇出世紙, 所以幾時出世都唔知. 婆婆一向都唔重視女既. 婆婆有4個仔. 我家99排第2(唔計送左俾人個D). 大哥做警察, 其餘細佬同個妹都讀緊書. 99小學未畢業就要出黎做野搵錢養家. 99係做毛衫既. 60/70年代都幾好搵. 所以個時婆婆都對佢不薄. 不過汕尾人都係仔行先既. 有好野一定係仔要先/食先. 99只係有個地方訓下甘.

個時99真係叫做擔起晒成頭家. 日日都行路返工. 為左慳錢. 而且99都知道錢係好重要. 如果99唔係搵到錢. 真係訓既地方都冇. 可惜有一年99連唯一既妹都冇埋. 因為妹妹返學個陣俾車撞死左. 對99黎講, 唯一既妹係最親既. 甘就冇左. 家人對妹妹既離開都幾冷淡. 可能係因為傳統思想 - 白頭人送黑頭人. 而且都係女, 養少個都唔差到. 就係甘99知道自己要係呢個屋企生存就要自己爭氣. 點先叫爭氣. 99去學做好多野. 整水喉, 修理風扇, 搥木做一個衣架. 總之男人做到既, 所以做既, 99都做到. 因為佢唔想俾人討厭, 唔想俾人當係垃圾, 蝕本貨. 所以99學不同既野去討好屋企人. 為左大家都重視佢. 睇得起佢.

到左唔知99 27/8甘上下. 99係打工既工廠識到62. 99見62係原居民, 大地主, 又官仔骨骨. 好快就同62結婚. 不過好快99就知62係二世祖。　　６２係大仔。　　所以都係好多細佬妹跟尾。　　個時６２要９９一起入圍村住。　　不過９９唔肯。　　因為佢自己都湊左甘多年自己既細佬妹。　　一心諗住嫁左唔駛做。　　點知而家係唔駛打工，　不過要做湊仔婆，　仲要落埋田，　再要同佢既６２／９９住。　　真係衰過做女個陣。個時婆婆同９９講幾大都唔好同男家既人住。　　唔係真係湊仔都湊死佢。　　所以９９好快就同６２搬返出市區住。　　為左唔想俾人話佢又食又拎。　　９９搬走個陣講明唔要男家既幫助。　　佢同６２會搞得掂。　　講真６２由細到大都只係讀書。　　打工都係屋企人介紹既風流工。　　咩都唔識做。　　又係失匙夾萬。　　搬左出市區又唔夠錢租好Ｄ既地方。　　只可以租Ｄ木屋區租。　　６２個時又搵得唔多。　　９９只好係屋企做Ｄ毛衫幫補下家計。　　

９９話快就有左。　　呢個ＢＢ就係無賴哥。　　６２既父母知道就好開心啦。　　因為６２係大仔。　　而家又有埋孫。　　仲唔係開枝散葉。　　仲要係仔。　　９９個時都幾威嫁。　　第一個新抱入門仲要生仔。　　６２既爸爸都千叮萬囑要小心照顧無賴哥。　　由個時起９９就知道，　係男家企得穩，　就係要生仔。　有仔就咩都唔駛做而佢既６２９９又唔會話佢。　　６２細佬妹又唔可以出聲。　９９生完第一個即係無賴哥之後。　身份地位都唔好晒。　　所以９９就更加愛惜無賴哥。　　因為呢Ｄ既一切都係無賴哥俾佢。　　９９之後生左我Ｃ６同Ｃ６細佬都只係錦上添花。　　９９所得到崏榮譽都係無賴哥俾佢既。　　６２既細佬妹都長大結婚。　之前得９９一個就咩都大大聲冇人反對佢。　　不過當有弟婦就唔係甘講。　６２既弟婦都係有學識。　同９９做既，　待人真係好唔好。　　９９既自卑感又黎。　　下下都大大聲，　又話自己為個家生左３個仔。　　冇一個弟婦好似佢甘好命。　　再加上出身微寒。　對錢比較著緊。　有時成家人出去食飯。　９９見食唔晒既野都會拎走，　有時未放上枱就叫人打包。　呢Ｄ甘既動作俾人睇到就好小家同唔識大體。　　９９口就話唔介意，　心就介意到不得了。　　９９所以就有心培養無賴哥，　希望佢有出人頭地之日。　　甘大家就睇得佢起。　唔好因為佢出身窮，　冇咩點讀書，　行為小家而睇少佢。　　不過呢Ｄ都係佢一廂情願。　　因為佢所謂既培養，　係俾錢個仔去賭魚蝦蟹，　買馬。　　個人修養既培育就少之又少。　　所以今日既無賴哥就係９９縱出黎既。

如果大家想知道故事發展，　請留個言支持下丫。　　ＴＨＡＮＫＳ！