婆媳關係 今日: 4 | 主題: 27701

積分: 16635

1^#

發表於 12-10-6 09:24 |只看該作者 |倒序瀏覽 |打印

C6個妹成日都話聽唔到電話響，根本就係藉口！

今早，

打電話比佢個時，諗住叫佢同仔仔著長褲啦，因為有少少反風，我已經send左一次短訊比佢，以為佢會打比我啦，點知十幾分鐘後，見冇回覆就打電話比佢啦，呢頭打電話唔通，個頭就send返個message比我，咁即係算點先，個仔已經唔跟我返屋企，好似我會食人

咁，佢重要係度加鹽加醋。

平日既事都已經算啦，我大方d唔同你計較，一有D咩事佢就攞野出黎講

，又話係我唔o岩，有時重衰到明明係佢自己唔o岩，都要講到係我或我C6唔o岩

，話你又唔好意思，同C6講，佢又話我小氣。

佢又冇結婚，又冇拍拖，成3x歲人啦(我細過佢1x年)，一日到黑就湊仔，唔係湊我個仔，就係湊3姑奶個對仔女，有冇病呀

，大人大姐，咁鐘意湊仔就去幼稚園湊啦！重有呀，出親街就一定跟住我地，除左去我阿媽度佢唔會跟黎之外，去邊都要跟住我地

，又要買野，又要食，好似要養埋佢咁

，真係好辛苦囉，不過算

，鬼叫佢係C6個妹。

一日最衰都係C6，由有BB個時開始，已經同佢講左唔比99個邊湊，佢又唔想比我阿媽湊，好呀，咁咪比錢去托兒所湊囉，但佢堅持話要比99個邊D人湊，好，我尊重你，但講明日後有咩事的話就搵C6計數

，好啦，依家比左99個邊湊啦，有咩事同佢講，佢就當我發up風

，我都冇同佢嗌交呀！真係越黎越討厭佢地呀

！

0 0 0

私人傳訊

積分: 74328

2^#

發表於 12-10-6 09:41 |只看該作者

一子錯,滿盤皆落索!

你第一步已經行錯左,比你C6氹左你將個BB比男家人湊.

佢唔聽你電話,可能覺得你煩卦.
最好的解決辦法,都係唔好比佢湊,就無磨擦.

依家,一係就等BB入學,全日制,
咁就有理由自己湊返,
自己帶返學,放學就搵鍾點湊兩三個鐘.
(幼兒園全日制,在校時間是朝八晚六)
你咪同C6講,要親子囉.

姑仔鍾意湊BB係無問題架,
你唔鍾意比佢湊當然可以啦,
但佢幫其他人湊,又關你咩事?

私人傳訊

mybabylove

積分: 16635

3^#

發表於 12-10-6 10:07 |只看該作者

方方媽媽，你係咪全職媽媽？我估你係冇咁既問題發生，所以你唔理解。重有，我關心自己個仔，咁都算叫做煩呀？

我個仔5歲，明年9月入小一，我c6成日都話，等佢小學先湊返黎湊，其實我由99湊阿仔到5~6個月大個時已經話攞返黎湊，我重同c6因為咁而嗌左一次一交，之後平靜左一段時間，依家99對我就冇咩野，只係c6個妹。

佢鐘意湊仔係唔關我事，但唔好成日跟住我地先得架，好似我個仔冇左佢會死咁，一日到黑就話我個仔要佢，我都想有family day架。重有呀，佢成日都話又要湊我仔、又要湊3姑媽對仔女，真係好辛苦呀，咁即係咩意思呀，我個仔已經坐校巴返學放學，有99湊，都唔使佢點湊啦(佢有時間先湊)，課外活動班都係得星期六上午(我要返工，放下午)，都係我99湊，又係唔使佢湊，有幾辛苦呀，成日扮好心、扮無知！

一放假佢就問我地會去邊，我話我地一家三口會去街，但唔會講去邊，佢就打電話問c6，c6又會答佢去邊，佢就會同c6講係邊等，c6打電話同我講佢妹又去，我就一定話c6，一個月比一日我地自己family day唔得架咩(因為我c6唔係放紅日)，c6就一定答冇所謂啦！我連family day都要同佢妹一齊呀！

方方媽媽，我想問下咁樣係咪代表我好煩呀？

私人傳訊

angel12182003

別墅

積分: 910

4^#

發表於 12-10-6 11:07 |只看該作者

引用：方方媽媽，你係咪全職媽媽？我估你係冇咁既

原帖由 mybabylove 於 12-10-06 發表
方方媽媽，你係咪全職媽媽？我估你係冇咁既問題發生，所以你唔理解。重有，我關心自己個仔，咁都算叫做煩呀 ...

等多一年接番個仔，以後啋佢都傻，至於family day,我一定會企硬，下次再跟嚟，我寧願唔去，一係叫哂你屋企人全家一齊去

私人傳訊

積分: 74328

5^#

發表於 12-10-6 11:14 |只看該作者

mybabylove 發表於 12-10-6 10:07
方方媽媽，你係咪全職媽媽？我估你係冇咁既問題發生，所以你唔理解。重有，我關心自己個仔，咁都算叫做煩呀 ...

唔好誤會,唔係我覺得你煩,
係我估你姑仔覺得你煩,所以佢唔接你電話.
我覺得你做既野,全部都好正路.

你C6係都要將你一家既行程話比個妹聽,
然後個妹痴埋來,
你C6又唔介意"一家四口",
睇來,你第一個要處理既,
係你老公.

如果你唔介意反面,咪直接同姑仔講,想"一家三口"親子樂,
甚至,每次家庭樂,你都報名參加香港一日遊既旅行團囉,
去山頂又得,去食海鮮又得,
佢唔知你報邊間,無得跟啦卦.

私人傳訊

積分: 74328

6^#

發表於 12-10-6 11:17 |只看該作者

如果你講左話報名去一日遊,
佢又話叫你幫佢報,
你唔好直接拒絕,
你可以話,
我幫你問下仲有無位啦.
然後拖至最後先至話無位囉.

如果佢話佢自己問,問你攞電話,
你就話,你都係透個朋友幫手問同報名,
唔知電話,亦唔知係邊間旅行社.
如果佢再叫你問朋友攞電話,
你就話朋友去左旅行,
依家問唔到啦.

私人傳訊

waiyee327

大宅

積分: 4039

7^#

發表於 12-10-6 11:48 |只看該作者

mybabylove, 我諗方方媽媽唔係想話你.. 你反應太大la.. take it easy!!
完全明白你唔鐘意姑仔, 佢既行為又真係有d 奇..
不過寄然唔可以控制佢平日要照顧你個仔..
但對於family day.. 你就真係要企硬.. 我都同意方方媽媽既提議,
第一個應處理你老公, 直情話佢知.. 好care family day 係一家四口囉.. 你直接話想做翻mummy 既角色.. 唔想姑仔出現! 如你老公唔肯.. 我會自己同仔仔去.. 連老公都唔好同.. 比老公知你會嬲..
係時候要change 佢覺得一家四口出街既慨念la!!! 加油!

私人傳訊

milky_peko12

男爵府

積分: 7621

8^#

發表於 12-10-6 12:55 |只看該作者

一個超怪的姑仔
快D 搵隻佬塞俾佢

叫佢自己生番個啦
咁鐘意做電燈泡
佢本身無朋友咩

私人傳訊

積分: 74328

9^#

發表於 12-10-6 13:05 |只看該作者

milky_peko12 發表於 12-10-6 12:55
一個超怪的姑仔
快D 搵隻佬塞俾佢

塞隻佬比佢?
咪害人啦

私人傳訊

showman

積分: 18873

10^#

發表於 12-10-6 13:26 |只看該作者

引用：Quote:milky_peko12+發表於+12-10-6+12:55+

原帖由 方方媽媽 於 12-10-06 發表
塞隻佬比佢?
咪害人啦

笑左！

私人傳訊

showman

積分: 18873

11^#

發表於 12-10-6 13:28 |只看該作者

回覆：C6個妹...

其實問題在於姑仔有戀x狂，真係要教既係你老公，但咁錫姑仔，好難攪！

私人傳訊

cherrie221

大宅

積分: 4756

12^#

發表於 12-10-6 14:20 |只看該作者

引用：Quote:原帖由+mybabylove+於+12-10-06+發表

原帖由 angel12182003 於 12-10-06 發表
等多一年接番個仔，以後啋佢都傻，至於family day,我一定會企硬，下次再跟嚟，我寧願唔去，一係叫哂你屋企 ...

去街佢跟黎直情叫佢同c6同仔仔三個去,發爛，再係c6唔幫你就直情叫佢娶個妹唔好娶老婆啦

私人傳訊

mybabylove