自由講場今日: 93|主題: 1303615

收藏本版

發帖

返回列表

跳至頁

查看: 9861 | 回覆: 111

我一見肥媽用雞翼滾湯, 就諗起呢單新聞.... [複製鏈接]

12 3 4 5...6

staywithli

男爵府

積分: 8079

1^#

發表於 13-4-30 23:29 |只看該作者 |倒序瀏覽 |打印

http://hk.apple.nextmedia.com/news/art/20090315/12494511
2009年03月15日

質問「點解同學有好餸食」
嫌母餸菜差10歲女圖跳樓

【本報訊】深水埗富昌邨一個單親家庭的小姊妹，自年前父母離異後變得反叛，與共同生活的母親關係惡劣。13歲姊姊上月因犯事被判入女童院，而其曾在學校企圖跳樓的10歲妹妹，前晚因不滿晚飯餸菜差大發脾氣：「點解同學有好餸食，我哋啲餸咁差！」她與母親爭吵期間危坐4樓住所窗邊企圖跳樓，幸被母親及時拉回未致釀成悲劇。　記者：潘志能、黃學潤
嫌餸菜差企圖跳樓10歲女童姓梁，38歲姓佘母親為南海人士，10多年前在家鄉工模廠工作時，與任打金工人姓梁港人結婚，先後誕下現年13歲長女阿敏及10歲幼女阿鈴，她其後持單程證來港一家四口團聚，住富昌邨富誠樓4樓一單位。

不滿煎魚及雞翼魚蛋湯
「嚟香港生活後丈夫因為欠債，經常被債主上門追債同淋紅油，加上大家感情出問題最後決定離婚，兩個女跟我，之後我哋三母女靠綜援金生活，每月5,400幾蚊生活僅可啦！」佘婦表示自與丈夫分開後，兩女變得十分反叛脾氣暴躁，經常逃學與不良朋輩為伍，與她關係變差。
上月在深水埗讀中二的長女阿敏，因偷竊罪被判入女童院受管教，社署發放的綜援金因而被削減至3,000多元。「喺油麻地讀小五嘅細女阿鈴亦好多問題，經常駁我嘴同唔返學，舊年仲試過唔開心係學校企圖跳樓，好彩及時被老師拉住冇事囉！」佘婦稱由於兩女兒均有成長問題，社署及學校方面曾派出社工跟進，但兩人始終未能學好。
前日傍晚，佘婦因事外出前，在家中留下煎紅衫魚及雞翼魚蛋菜湯飯餸，予仍未放學回家幼女阿鈴食用。至前晚11時許，阿鈴向剛回家母親大發雷霆指餸菜難食：「點解同學有好餸食，我哋啲餸咁差！」她向女兒解釋因為家窮買餸錢少。
「佢聽到我咁講，大叫：『屋企窮我就死咗去囉！』跟住就坐係露台窗邊話要死，雙腳向街好危險呀！我叫佢唔聽立即報警，跟住拉佢入番屋差人就到！」佘婦表示幼女由救護員送院檢查，因為年幼同有行為問題，要留院觀察見心理醫生；她對於無力好好管教兩名女兒感到內疚，希望兩女能有機會學好。社署發言人指出，已聯絡社工跟進事主情況，提供協助。
專家之言
宜疏導怨恨情緒　修復關係
「佢兩姊妹喺父母分開後變得反叛難教，可能因為青少年反叛行為，亦可能認為冇咗爸爸係媽咪嘅錯，而故意唔聽話做錯事報復，亦有可能因為媽媽唔識教女，要了解問題對症下藥。」香港家庭及事業發展服務總監司徒漢明評論富昌邨姊妹花行為問題時表示，孩童成長必會經過反叛階段，若情況太過份可能隱藏其他問題。
「父母向佢解釋分手原因，疏導小朋友怨恨情緒有助復修關係。」司徒漢明指兩姊妹行為出問題，放縱她們反叛行為會令問題惡化，提議母親向專業人士求助。
欠正確價值觀
對於女童企圖跳樓導火線指餸菜差，他指本港社會過於物質化，加上女童缺乏正確價值觀所致；近日多名少年男女輕生，與他們過於被父母溺愛、缺乏面對逆境能力及偶有不順意即以死逃避有關。