akina_yeung 發表於 14-1-3 13:51
Day 1
零晨機,晨早7點幾到韓國,一落機就返酒店放底晒啲野,果時早上9點鐘,酒店話有吉房可以早啲比房我哋,好開心,可以有個地方比亞女瞓返一個鐘先去玩!
跟住去漢江公園玩雪兜,由11點玩到人哋關門先走!之後去明洞7-11唱錢同食人蔘雞!
呢間人蔘雞係賣飛佛,十幾年前去韓國食過佢之後,每次去韓國都要食佢!
Day 2
今早去local既餐廳食local早餐,我食肉湯送飯,亞女果碗係韓國年糕湯紫菜,我自己覺得天寒地凍食呢啲好正!
跟住出發去兒童大公園,亞女太鐘意玩,咁我就陪佢玩足一日,到公園閂門我哋先走!
除左snow sleds, 仲有釣魚,見啲韓國人即釣即拎去炸,仲要即食埋,我就唔敢嘞!又有滑冰,都幾好玩!
晚餐又返明洞食王妃家,同街邊食朱古力士多啤莉。
Day 3
網上訂左車去滑雪,0800集合出發,回程1830返首爾市中心!
呢個係比較少遊客既滑雪場,local人多,無旅行團,唔洗迫!亞女玩左一個鐘已經可以上吊車由山腰滑落嚟,上上落落,買左8hrs lift pass無嘥到!
上落車既地方對面,又有賣飛佛人蔘雞既分店,而滑完雪又攰唔想行嘞,所以就食人蔘雞。
Day 4
戰爭紀念館既snow festival, 個場比較細,但人更少,幾乎唔洗排隊玩snow sleds。呢度只係玩到兩個鐘,然後就去咗影相,呢度有一堆飛機坦克車可以影相,順便同亞女講啲南北韓歷史!
跟住又去明洞,因為亞女想食朱古力士多啤莉,夜晚豪食韓牛屋,好食,不過算貴!
Day 5
今日Encore滑雪,今日試call ski resort既free suttle bus, 0720 seoul station pick up, return at 1800, 來回suttle都好準時!今日滑雪邊滑邊落雪,勁有feel, 仍然不算多人,排吊車最耐果次都唔洗廿分鐘。
滑完滑之後就行下東大門,食平價local韓燒,買下手信。
Day 6
早上行E mart買零食,pack好晒就出機場了,lunch在機場食石頭飯!
整體嚟講,我同亞女都有個wonderful time in Korea!