荔園遊樂場
本帖最後由 333s 於 15-1-9 17:12 編輯
於97年同香港人say goodbye的荔園遊樂場,最近於佐敦「翻生」!其實荔園並非重開,而是開了間以它為主題的餐廳。
兩位70 後因為見近排香港人負面情緒爆登,所以便用舊荔園作布置藍本,將香港人的童年回憶重現。座位特別做成「叮叮車」和過山車造型,又有機動遊戲「恐龍屋」、掟階磚攤位上的「白箭」擺設。當然亦唔少得荔園象徵之一「天奴」,老闆特別訂造個大象擺設放在門口,成功吸引到唔少途人停低眼望望。
菜式雖然無裝修咁爆,以中菜以言,都見心思。像啫啫牛骨髓煲,用了坊間中菜館甚少食到的牛骨髓,同豬膶、乾蔥一同爆香,牛骨髓口感爽滑,加上乾蔥香味,夠晒惹味。
話到明是重溫兒時回憶,又點少得兒童餐?食物用戰機同跑車餐盤裝住,雖然都是腸仔意粉、煎雞扒呢啲普通嘢,但勝在大人、細佬都可柯打。全間餐廳最浮誇的算係甜品「天奴夢幻樂園」,用 Lego 砌成大大個樂園器皿,載住杯雜果爆谷雪糕,加上放埋乾冰,周圍煙霧瀰漫,又係一個影相位!
荔苑樂園餐廳
地址:佐敦德興街 7A-7B 號地下
電話:2377-2882
供應時間:星期一至日 12nn-1am
收費︰不設加一
交通︰港鐵佐敦站 E 出口
想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多,而是计较的少。
生悶氣,發脾氣,煩躁,焦慮,失眠. 是指因生气(生闷气、怒气、着急上火生成的火气、思虑生成的郁气)。
理性討論交流者。