吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 希望我打完我的故事我可以放下..............啲啲 ...

婆媳關係今日: 18|主題: 27702

收藏本版

發帖

返回列表

跳至頁

樓主: Kakastarstar

希望我打完我的故事我可以放下..............啲啲 [複製鏈接]

123 4 5...11

Kakastarstar

大宅

積分: 1341

21^#

發表於 15-10-5 16:35 |只看該作者

我同老公拍拖8年，結婚6年，未有小朋友之前如果你問我，我99係點我會真心地講:我99超好(可見我太STUPID或仍掩飾得太好)，唯一令我有微言就是仍會失驚無神自己開門入黎，我叫老公表達過希望佢唔好咁樣，但老公話佢講左之後，我發現99依然故我，即係....佢唔會改啦，可能仍覺得呢個係佢仔家，仍咁做係問題，算，咁我忍。
令我知道99真面目是我生左阿女之後，當時我放前1後9加2星期大假，呢3個月，佢日日都黎，我媽都是日日黎，但每人半日，佢就日日比說話我媽聽，(我媽雖然50幾但性格有D十三點，佢初初聽唔出99我弦外之音)，我愈聽愈火，點解我媽要受你氣? 仲要作故事扮委屈?
好了，我會知咁多?
是因為我無意中知道我老公，大伯和姑9有個群組，因為一件事令我"凝"住呢個群組有好多我呂知的內容。所以我趁老公唔知的時候偷睇................

99的哭訴一，我女食人奶定奶粉
因為呢件事令我開始偷睇老公電話，順便驚覺我99根本一早就唔LIKE我。
坐月有一,晚，我老公好忟咁同佢哥講電話，收線之後我問佢咩事?
老公話大伯聽到99同親戚講電話數我，話我反口唔餵人奶而聽我媽講轉餵奶粉。咁99講完電話之後，大伯問99邊個話你知阿X(我名)會餵人奶? 99答大伯是我老公同佢講，所以大伯問老公。
老公嬲係佢發誓無同自己阿媽講個老婆餵人奶定奶粉，而且我一早打算餵奶粉，第一，我唔覺得唔餵人奶就唔係好媽媽，我真是唔願意餵人奶。
第二，你點解要作故事周圍同人講，仲要講到好委屈，話自己苦口婆心勸心抱餵人奶但心抱唔聽話，忌阿媽謂餵5奶粉啦，因為方便。

私人傳訊

Kakastarstar

大宅

積分: 1341

22^#

發表於 15-10-5 16:39 |只看該作者

聽阿媽講轉餵奶粉啦，因為方便

私人傳訊

dobbybabie

子爵府

積分: 11755

23^#

發表於 15-10-5 16:49 |只看該作者

引用：Quote:原帖由 dobbybabie 於 15-10-05 發表

原帖由 wanmm323 於 15-10-05 發表
唔好意思，我唔係樓主

我知，你特登潤人既

私人傳訊

tinklewqt

大宅

積分: 2595

24^#

發表於 15-10-5 16:49 |只看該作者

引用：我同老公拍拖8年，結婚6年，未有小朋友之前

原帖由 Kakastarstar 於 15-10-05 發表
我同老公拍拖8年，結婚6年，未有小朋友之前如果你問我，我99係點我會真心地講:我99超好(可見我太STUPID或仍 ...

自己喂人奶定奶粉，關奶奶和大伯咩事呀

私人傳訊

chitosefung

男爵府

積分: 7759

畀面勳章

25^#

發表於 15-10-5 17:14 |只看該作者

回覆：希望我打完我的故事我可以放下..............啲啲

你大伯男人之家，連餵乜奶都關佢事？

點評

唔好煩我

發表於 15-10-5 18:25

私人傳訊

Kakastarstar

大宅

積分: 1341

26^#

發表於 15-10-5 17:22 |只看該作者

99的哭訴一，薑醋事件

99認為要早2個月開始煲，我唔知係未叫早定遲，但老公話99好得閒，由佢啦，等佢有D野做下，人會開心D，而我媽知我99會煲薑醋就叫我問係未預埋娘家D親戚的，係的話我媽自己屋企就唔煲，咁我問99，佢:當然啦，呢D係男家做GA，你媽千祈唔好煲呀，到時你D親戚想食幾多自己拎未得LOR，咁我媽就唔煲啦，而我99煲薑醋的所有材料我都另外比返錢佢，我唔知實數，但我覺得一定有多無少。
12朝之後，娘家D親戚黎食薑醋亦都拎左D走，我察覺到佢人前就笑晒口話:隨便啦，人後就黑面，之後同我姑9呻自己辛辛苦苦煲的薑醋比人拎晒，又講到好慘咁喊晒咁，我姑9就幫99出頭，罵我老公，我老公知咩事但我唔想老公難做，我就叫我媽在娘家拎個煲黎，再煲多煲FOR我娘家的。
第一，佢知唔知咩叫拎晒呀?係咩都無剩呀，我D親戚只是食DD拎DD(我媽話可能煲得太耐，煲薑醋其實唔好食，佢地只是比面食左DD，我99自己又盛意拳拳叫我D親戚拎)。
第二，我親戚食的豬腳同蛋都是我媽自己買，我媽個朝上黎加落去，無論是我媽買定我99買，我都比返錢比佢地。

私人傳訊

Kakastarstar

大宅

積分: 1341

27^#

發表於 15-10-5 17:25 |只看該作者

回覆 chitosefung 的帖子

我諗係大伯聽到99同佢D親戚呻，呻完之後就問99佢點知，AND THEN就8比老公知，喂，阿媽咁咁咁咁講係老婆WOR

私人傳訊

canies

翡翠宮

積分: 93563

28^#

發表於 15-10-5 17:26 |只看該作者

引用：你大伯男人之家，連餵乜奶都關佢事？

原帖由 chitosefung 於 15-10-05 發表
你大伯男人之家，連餵乜奶都關佢事？

都幾八婆仲即刻學是非

私人傳訊

Angela.Cheung

男爵府

積分: 7270

29^#

發表於 15-10-5 18:31 |只看該作者

回覆：希望我打完我的故事我可以放下..............啲啲

毛

私人傳訊

Kakastarstar

大宅

積分: 1341

30^#

發表於 15-10-5 19:36 |只看該作者

99的哭訴三，習俗問題。
我媽唔拜神，但我啲姨媽同佢講BB初生有咩要做佢就會照做，唔過分我都由佢，習俗一，我和BB出院嗰日，老公要返工，99和我媽一齊黎接我，我媽就話陣間BB出醫院返屋企時，佢會喺上車嗰陣丟下幾毫子，過係“買路錢”，BB而家返屋企喇，牛鬼蛇神唔好搞BB(大概咁上下意思)，我講過我媽好13點，佢講野真係咩都講一餐，佢當然照直同99講佢打算咁做啦，我99笑笑口話好，婆婆真有心(我媽又信喎，佢覺得99真心讚佢)。
習俗二，我媽搵左把玩具膠劍仔，話要痴喺BB床板底，幫BB擋煞的(雖然無危險性但我本身都打算趁我媽走就搣走它，反正我媽唔會check，我純粹讓佢安心)，咁99當然見到啦，今次佢直接炮轟老公呀！佢話：而家BB姓咩㗎?做咩要跟佢外家習俗呀！係跟都跟阿X爸爸嗰邊啦！咁佢爸嗰邊有冇話要甘吖。
我老公好無奈，佢話：媽，你都迷信，你應該明白外母咁做都是想阿B好，嗰個都是佢外孫。

私人傳訊

Kakastarstar

大宅

積分: 1341

31^#

發表於 15-10-5 19:39 |只看該作者

薑醋事件有補充，我99之後扮委屈，同人講：算啦，我讓晒煲薑醋比佢媽啦，我自己喺屋企再煲一煲比我地啲親戚。
我幾巴閉呀！生一個B有3煲薑醋。

私人傳訊

Kakastarstar

大宅

積分: 1341

32^#

發表於 15-10-5 19:51 |只看該作者

99哭訴事件四，尿布事件。

話說我地一早打算用尿布，老公都同意，環保又慳錢，我地決定輪流洗，但初生胎糞多我第一個月唔可以掂生水，我建議不如第2個月先開始，老公話唔使，佢可以洗晒，咁我話用即棄墊擺面啦，痾完就掉張紙，老公又話唔好，話咁即無左環保的原意，anyway佢堅持佢可以洗。
好喇，99知道之後就話我公主病，明知我第一個月唔可以掂生水都用尿布，心痛個仔返工之餘仲要洗洗洗。
我姑9又借啲咦爆我老公：你老婆真叻，佢可以令你媽每日返黎都唉聲嘆氣，飯又食唔落，個人瘦晒喇。

私人傳訊

雞寶

大宅

積分: 1771

33^#

發表於 15-10-5 19:55 |只看該作者

回覆：希望我打完我的故事我可以放下..............啲啲

追到呢度。

如果奶奶咁攪事法
我唔會同佢接觸咁多

私人傳訊

popomeow

男爵府

積分: 6674

好媽媽勳章 BK Milk勳章

34^#

發表於 15-10-5 20:03 |只看該作者

回覆：希望我打完我的故事我可以放下..............啲啲

有一個衰奶奶，首先要佢真係衰，之後一定要有附和姑類，同埋得把口話人嘅男性叔伯花生友，你集合晒咁多樣，都好難放得低咯…

私人傳訊

Kakastarstar

大宅

積分: 1341

35^#

發表於 15-10-5 20:06 |只看該作者

我當時無辦法，我要返工，我媽可湊半日但佢話與其佢湊半日就比99湊晒，唔想一半一半，我陀b時99知我會比佢湊(佢當時好正常好明白事理)，咁我老公又好開心覺得阿媽退休之後又有寄託，老公每星期有2日假，返工都是晏晝先返，佢講左佢放假，99和婆婆都唔使黎，我媽有聽，但我99依然唔理，照日日黎。不過最後我是唔使99湊的，我頂唔順同公司講辭職，公司留我做part time，咁我就下午返工，婆婆接手湊。

私人傳訊

Toffeegirl

子爵府

積分: 14631

36^#

發表於 15-10-5 20:20 |只看該作者

留貓毛!
妳99成日講是非，真係好煩!

私人傳訊

elkykit

子爵府

積分: 10503

37^#

發表於 15-10-5 20:30 |只看該作者

引用：99的哭訴三，習俗問題。我媽唔拜神，但我啲

原帖由 Kakastarstar 於 15-10-05 發表
99的哭訴三，習俗問題。
我媽唔拜神，但我啲姨媽同佢講BB初生有咩要做佢就會照做，唔過分我都由佢，習俗一 ...

“買路錢”我BB出院時都有咁做，又係姨媽教我媽咪嘅！

我媽又係5x歲新潮媽唔太信迷信嘢！

私人傳訊

Wwb1221

大宅

積分: 2250

38^#

發表於 15-10-5 20:32 |只看該作者

回覆：oooCeciooo 的帖子

私人傳訊

Kakastarstar

大宅

積分: 1341

39^#

發表於 15-10-5 21:52 |只看該作者

99哭訴事件五，探表姨婆。
我老公嗰邊其實無咩親戚(老公話62本身有10兄弟姊妹，但太6299當時無錢養，送晒比人，剩低62和其中一個家姐)，所以佢地的表姨婆係佢地心中好德高望重的長輩(亦係我99傾訴對象)。
99話阿女滿左月，要我地一家三口去荃灣探表姨婆，阿女得個幾月人仔，我心就唔想，但表姨婆都咁老，無所謂啦，當放監。
咁老公識去就同99講：我地自己去，2點半去到。
老公星期五六放假，揀星期五去。
到2點，99打比老公：你喺邊呀？(質問)
老公：搭緊巴士，就到。
然後99收線，下一秒姑9來電：你媽1點半已經喺荃灣地鐵站等你地喇，等左半個鐘呀！
嗰刻，無語問蒼天。
去到表姨婆家，99又變返笑面虎，好殷勤同我講：阿嫂呀，辛苦喇，咁遠黎，食西餅啦食生果啦食麵啦仲有粥呀！
同時，99抱走阿女，同表姨婆坐埋一邊研究BB似邊個，呢個時候佢喺表姨婆面前對住BB講：嫲嫲好掛住你呀！好多日無得見你喇。
然後表姨婆魔冷地望我一眼，頂你個掣，你尋日先見完囉！
佢以為老公去左廁所聽唔到，實情老公岩岩出左黎企喺走廊口，聽到晒。

私人傳訊