回覆樓主:
本帖最後由 rose-mag 於 16-8-30 23:19 編輯
各位會員冷靜d, 大家都想多咗啦,既然樓主話係新手,大家俾意見或提點都係想幫下佢,又何必針鋒相對,大家都做過新手,的確最初易俾人呃,必經歷程嚟,俾人呃得多就醒架啦。
樓主,蒸魚桂花同鱸魚都好食,蒸完爆薑葱油再淋上面,呢兩種唔會好貴,臨收檔仲會有得平,當然游水會貴過唔再游水果d啦另外,沙鯭都好味,大條蒸冇細條咗滑,最好係骨唔算太多,我最鍾意食果排魚鰭。泥鯭鮮甜,記得用果皮蒸,唔好落薑,同埋要剪下d魚鰭,因為好尖好利。大眼雞盲鰽都唔錯,銀鱈魚三文魚蒸都好食,我習慣蒜頭豆豉蒸,蒸起都幾多油。
花旗太太生活在花旗國,留意時差,你問我未必即時答到。